- Մշակույթ Vnews
  
  Մշակութային նորություններ Հայաստանից և աշխարհից
- - Facebook
  - Youtube
  - Twitter
- 7
  
  Հլս, 20
  Հուլիսի 2020
  
  Երկ Երք Չրք Հնգ Ուր Շբթ Կիր
  
  « Հնս
  
  1 2 3 4 5
  
  6 7 8 9 10 11 12
  
  13 14 15 16 17 18 19
  
  20 21 22 23 24 25 26
  
  27 28 29 30 31

Հուլիսի 2020
Երկ	Երք	Չրք	Հնգ	Ուր	Շբթ	Կիր
« Հնս
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Հինգշաբթի, 27 Սեպտեմբերի, 2018 | Մշակույթ » Հարզացրույցներ » Ես Լարա Առաքելյանն եմ…

Ես Լարա Առաքելյանն եմ…

1305
Հեղինակ՝ Շուշան Մարուքի

Երբ ես 18 տարեկան էի… ցանկանում էի ամեն օր դառնալ ավելի զգացմունքային՝ դրսում որսալու համար այն ամենը, ինչ պետք էր իմ ներսի համար:

Իսկ հիմա դարձել եմ… շատ նման այն կնոջը, որին միշտ ցանկացել եմ նմանվել: Ինչ-որ իմաստով մոտ մի քանի ամիս է՝ գտել եմ ներսի ու դրսի աշխարհների հարմոնիան:

Գիտեք, ամենևին էլ հեշտ չէ ամեն օր լինել… այնպիսինը, ինչպես քեզ սովոր են տեսնել:

Բայցևայնպես… պետք չէ մոռանալ, որ քո մասին հենց այդ՝ սովորական դարձած պատկերացումն ես նաև ինքդ սիրում:

Իմ միջի ուժեղը… գիտի, որ ձրի պանիրը միայն թակարդում է:

Կանացիությունը հոգեվիճակ է, ապրելակերպ… որի մասին ես, անկեղծ ասած, հաճախ մոռանում եմ:

Եվ կնոջ արտաքինը կարող է նրա մասին պատմել… այն, ինչ ցանկանում է լսել լսողը: Հաճախ մարդկանց թվում է, թե ես սիրախաղ եմ անում, այն դեպքում, երբ պարզապես փորձում եմ քաղաքավարի լինել: )))

Այդ պատճառով էլ… ես արտաքինի մասին քիչ եմ մտածում: Վաղուց ձևավորել եմ այն արտաքինը, որը հայելու մեջ տեսնելիս ներսի ու դրսի հակասություն չեմ զգում: Հիմա գրեթե միշտ նույն տեսքն ունեմ, մտադիր չեմ որևէ բան փոխել այդ իմաստով:

Տղամարդիկ իրականում սիրում են… իրենք իրենց, ինչպես և կանայք:

Իսկ ես տղամարդու մեջ ամենաշատը գնահատում եմ… անկեղծությունը:

Բայց ասում են՝ կանայք ավելի ուժեղ են սիրում, քան տղամարդիկ… իսկ ես կասեի՝ ավելի ուժեղ են սիրում նրանք, ովքեր նաև ուժեղ ատել գիտեն, ու սեռը այստեղ կապ չունի:

Իմ միջի կինը… երբեմն խանգարում է ինձ:

Հեռուստատեսությունում աշխատելն ինձ սովորեցրել է լինել ավելի… պահանջկոտ: Կյանքից կարելի է ստանալ ամենը, ինչ կհանդգնես պահանջել:

Ու ես միշտ էլ ձգտում եմ… փոխվել: Հնարավոր չէ դառնալ այն մարդը, որ ուզում ես, եթե մնաս այն, ինչ կաս:

Բայց կան ոլորտներ, որոնք ինձ գրավում են… Երբեմն՝ շատ հոգնած ժամանակ, մտածում եմ, գրո՛ղը տանի, ինչո՞ւ մոդելավորող չդարձա: ))

Թեպետ … հենց այդ տեսանկյունից ես իդեալական մասնագիտություն եմ ընտրել: Լրագրությունը պրոյեկտում է բոլոր մյուս մասնագիտությունները: Դու պարտավոր ես ամեն ինչից պատկերացում ունենալ:

Լավ խոսելու ու լավ լրագրող լինելու համար պետք է… զգալու կարողություն, մարմինը, հոգին ու մտքերը համաչափ զարգացնելու կարողություն, էնտուզիազմ ու էլի մեկ միլիոնի չափ կարևոր բան:

Իսկ լրագրողների հանդեպ հանրության վերաբերմունքը…. բնական է:

Իմ միջի մեկնաբանը… անընդհատ կարիք ունի մարդկանց նորություններ պատմելու, ընդ որում՝ բոլոր մարդկանց՝ անկախ նրանց վերաբերմունքից: Սա աշխատանք է՝ բոլորին սիրելու կարողությամբ:

Իմ սիրած գրականությունը պատմում է… ոտքերի տակ ամուր հող ունենալու մասին:

Իսկ կինոն ինձ համար այսօր… բացահայտում է: Վերջերս եմ սկսել շատ կինոներ նայել: Նախկինում վստահ էի, որ կինոն բանի պետք չէ, երբ կա գրականությունը: Հիմա որևէ հարցում այդքան կատեգորիկ չեմ:

Կյանքը նման չէ… happy end-ով կինոյի, ավելի շատ Հեսսեի վեպերին է նման:

Մի՞թե ինչ-որ մեկին թվում է… թե հասկացել է իր կարդացած բոլոր գրքերը, եթե երբեմն հանդիպում է մարդկանց, որոնց հասկանալ չի կարողանում:

Բայց եթե անկեղծ լինենք… իմ լավագույն ընկերը ես եմ, թշնամին, ի դեպ, նույնպես: )))

Իմ միջի անկեղծին.. տեսել է յուրաքանչյուրը, ով առիթ է ունեցել մի քանի րոպե զրուցել հետս: Ես որպես կանոն ազատ եմ ինձ թողնում խոսքերի ու արարքների մեջ:

Իմ Երևանն ինձ միշտ պատմում է… հազարավոր մարդկանց սիրո ու բաժանման պատմություններ:

Իսկ երջանկությունը ընթացք է, անդադար ձգվող երկար ճամփա… որից ես գլուխ չեմ հանում:

Քավ լիցի… ես ինձ ուրիշներից լավը չեմ համարում, բայց ես վատն էլ չեմ: )))

Մի օր հնարավոր է ինձ տեսնեք… ամենաանհավանական տեղերում, բայց շատ ավելի մեծ հավանակնությամբ՝ մետրոյում: )))

Ես վստահում եմ… մարդկանց, և դա իմ բնավորության ամենավտանգավոր գիծն է:

Եվ ուրեմն… ես շարունակելու եմ վստահել մարդկանց:

Իմ միջի լավատեսը… երբեք չի հիասթափվում:

Ես Լարա Առաքելյանն եմ, ես… միշտ ժպտում եմ ու ավելի շատ եմ ժպտալու, հատկապես, եթե փորձեն այնպես անել, որ չժպտամ:

Զրուցեց Շուշան Կարապետյանը

Կարդացեք նաև