Ես Modern Talking-ի Թոմաս Անդերսն եմ... - VNews
    • Մշակույթ Vnews

      Մշակութային նորություններ Հայաստանից և աշխարհից

Ես Modern Talking-ի Թոմաս Անդերսն եմ…

Երբ ես 18 տարեկան էի… CBS-ը իմ երրորդ բալադը թողարկեց՝ “Es war die Nacht der ersten Liebe“.

Ժամանակակից երաժշտությունը… տարիքային սահմանափակում չունի:

Այսօր մարդիկ սիրում են… Modern Talking-ի՝ դասական դարձած բոլոր երգերը:

Dieter Bohlen-ը… 2006-ին իր “Bizarre Bizarre” երգում թաքուն հաղորդագրություն էր ներառել. եթե հետընթաց միացնեք երգը, կլսեք այս տողերը. «Modern Talking-ը երբեք վերջ չի ունենա». նա նկատի ուներ, որ Modern Talking-ի երաժշտությունը կապրի հավետ:

1980-ականներին հնարավոր էր… հզոր երաժշտություն ունենալ:

Եվ հիմա էլ… կարող եք հաղթել, եթե ուզում եք:

Մենք երբեք չենք դադարել… համերգներով շրջագայել ողջ աշխարհով:

Ես սիրում եմ… բեմի վրա ելույթ ունենալը:

Այսօր ես երջանիկ եմ… իմ բենդով, ողջ աշխարհում ունեցած մեր ելույթներով ու իմ ընտանիքով:

Modern Talking-ը կարողացավ հաջողության հասնել, որովհետև… այն ճիշտ երաժշտություն էր ստեղծում ճիշտ ժամանակի մեջ, մեղեդային, պարզ և ուժեղ էներգետիկայով երաժշտություն, որը ճանաչում գտավ ողջ աշխարհում:

Կյանքում լինում են պահեր… որոնք պետք է ապրել. ես վայելել եմ իմ կյանքի բոլոր ակնթարթները:

Հավատացեք, ամենևին էլ հեշտ չէ… լավ բան անելը: Բայց եթե դու հավատում ես քո նպատակներին ու երազանքներին, կարող ես քրտնաջան աշխատել, ուրեմն անպայման կհասնես հաջողության:

Մեզ համար հուզիչ է… լինել Երևանում:

Հայաստանը… չեմ համբերում՝ երբ եմ տեսնելու և համերգ տալու Համալիրում:

Ես հայերի մասին գիտեմ… որ նրանք հրաշալի մարդիկ են: Մեկ անգամ արդեն այդ երկրում լինելու շատ հաջող փորձառություն ունեմ, ունեմ նաև շատ լավ հայ կոլեգաներ:

Հուսամ, որ… բոլոր ներկաները կվայելեն շոուն:

Հայկական երաժշտությունը… լի է հոգով ու կրքով:

Մեր խումբը մինչ օրս էլ հետաքրքրում է մարդկանց, քանի որ… մարդիկ մեծացել են մեր երաժշտությամբ, այն իրենց առօրյայի մասն է եղել: Այն իրենց կյանքի կարևոր մասն է եղել: Եվ նաև որովհետև մեր շոուները միշտ կենդանի երաժշտությամբ ու ձայնով են, միշտ տպավորիչ. մենք երբեք ոչինչ չենք խնայում բարձրորակ շոու մատուցելու համար:

Մարտի 27-ին մենք ուզում ենք… Կովկաս տարածաշրջանում՝ Սովետական Միության ամենալավ բեմում՝ Համալիրում, ամենամեծ շոուն ունենալ:

Ես Թոմաս Անդերսն եմ, ես… հույս ունեմ տեսնել բոլորիդ Համալիրում Մարտի 27-ին:

 

Զրուցեց Շուշան Կարապետյանը

Անգլերեն տարբերակը՝ այստեղ:

«Ես եմ» շարքը այստեղ:


Ես Պետրոս Հոկտանյանն եմ․․․

Ես Մարկ Արենն եմ․․․

Ես Դանիել Երաժիշտն եմ․․․

Ես Բաբկեն Չոբանյանն եմ…

Ես Հովիկ Չարխչյանն եմ…

Ես Լյուսի Քոչարյանն եմ․․․

Ես Գուրգեն Խանջյանն եմ․․․

Ես Ծով Alize՛ Բանուչյանն եմ․․․

Ես Դավիթ Սամվելյանն եմ․․․

Ես Արփի Կարապետյանն եմ․․․

Ես Սմբատ Հովհաննիսյանն եմ․․․

Ես Հարություն Մնացականյանն եմ․․․

Ես Նաիրա Զոհրաբյանն եմ…

Ես Սամվել Սևադան եմ․․․

Ես Աշոտ Բլեյանն եմ…

Ես Կարեն Ավետիսյանն եմ…