fbpx
    • Մշակույթ Vnews

      Մշակութային նորություններ Հայաստանից և աշխարհից

Ֆիլմեր, որոնց վրա աշխատել են հայտնի դիզայներներ [մաս 1]

Ձեզ ենք ներկայացնում 6 գեղեցիկ ֆիլմ, որոնց վրա հայտնի դիզայներներ են աշխատել, և որոնց աշխատանքի շնորհիվ էլ ֆիլմերն այդքան գեղեցիկ են ու տպավորիչ են ստացվել:

Սաբրինա/Сабрина/Sabrina, 1954

ռեժ.՝Բիլլի Ուայլդեր
դերերում՝Համֆրի Բոգարտ, Օդրի Հեփբըրն ևն

Ֆիլմը մեծահարուստ Լերաբիների ընտանիքի մասին է: Ֆիլմի իրադարձությունները զարգանում են ընտանիքի երկու որդիների՝ Լայնուսի և Դևիդի ու գլխավոր հերոսուհու՝ Սաբրինայի փոխհարաբերությունների շուրջ: Սաբրինան Լերաբիների անձնական վարորդի դուստրն է, որն անպատասխան սիրահարված է Լերաբիների կրտսեր որդուն՝ Դևիդին: Հասարակ աղջկա համար Դևիդն իսկական երազանք է, բայց իրականությունն այլ է…

Սաբրինան ուղևորվում է Փարիզ, որտեղ էլ մի որոշ ժամանակ ապրում և կրթություն է ստանում, իսկ ավելի ուշ տուն է վերադառնում. հասարակ աղջկանից ոչինչ չի մնացել, նա վերածվել է իսկական լեդիի: Նա շարունակում է սիրել Դևիդին, և այժմ Դևիդն էլ անտարբեր չէ նրա հանդեպ,բայց այս միությունը լորջ վտանգ է ընտանիքի համար, որը ցանկանում է ընդլայնել իր բիզնեսի սահմանները որդու հաջող ամուսնության միջոցով: Սաբրինան լուրջ սպառնալիք է ընտանիքի համար, և Դևիդի ավագ եղբայրը՝ Լայնուսը գործի է անցնում, բայց…

Ֆիլմի վրա աշխատել է Յուբեր դը Ժիվանշին: 1953 թ. Օդրին հանդիպում է Ժիվանշիի հետ և խնդրում նրան իր հերոսուհու համար զգեստ կարել: Այս հանդիպումն ամուր և սիրաշատ ընկերության հիմք է դառնում, սակայն ոչ միանգամից: Ասում են, որ Ժիվանշին շփոթում է աղջկան Քեթրին Հեփբըրնի հետ, սակայն երբ իմանում է, որ սխալվել է, հրաժարվում է համագործակցությունից: Օդրիին հաջողվում է համոզել նրան, և հետագայում Ժիվանշին դերասանուհու համար մի քանի զգեստներ էլ է կարում:

1955 թ. ֆիլմն արժանացել է Օսկարի՝ «Լավագույն կոստյումներ» անվանակարգում:

Ֆիլմը կարող եք դիտել այստեղ:

Անցած տարի Մարիենբադում/В прошлом году в Мариенбаде/L’année dernière à Marienbad, 1961

ռեժ.՝Ալեն Ռենե
դերերում՝ Դելֆինա Սեյրիգ, Ջորջիո Ալբերտացի, Սաշա Պիտոեֆ ևն

Այս ֆիլմի իրադարձությունները տեղի են ունենում Մարիենբադում, հյուրանոցներից մեկում, որտեղ մի երիտասարդ և գրավիչ տղամարդ փորձում է համոզել մի աղջկա, որ մեկ տարի առաջ նրանք հանդիպել են այդ նույն վայրում: Աղջիկը ոչինչ չի հիշում, սակայն տղան հույսը չի կորցնում. նա աղջկան տալիս է այդ օրվա մանրակրկիտ նկարագիրը, և հավելում, որ այդ նրանք են պայմանավորվել մեկ տարի անց հանդիպել միևնույն վայրում:

Ֆիլմում տեսնում ենք Գաբրիել Շանելի աշխատանքները: Սա Շանելի և կինոյի առաջին «հանդիպումը» չէ, բայց անշուշտ ամենատպավորիչներից մեկն է: 77-ամյա Գաբրիելը ստանում է Ալեն Ռենեի՝ ֆիլմի գլխավոր հերոսուհու կերպարի վրա աշխատելու առաջարկ: Դելֆին Սեյրիգի կերպարն ասես ոգեշնչված լինի Շանելից. գեղեցիկ սանրվածք, նրբագեղ հագուստ և մարգարիտներ:

1961 թ. ֆիլմը Վենետիկի կինոփառատոնում արժանացել է «Ոսկե առյուծի»:

Ֆիլմը կարող եք դիտել այստեղ:

Խոհարարը, գողը, նրա կինը և կնոջ սիրեկանը/Повар, вор, его жена и её любовник/The Cook, the Thief, His Wife & Her Lover, 1989

ռեժ.՝ Փիթեր Գրինուեյ
դերերում՝ Ռիշար Բորենժե, Հելեն Միրեն, Մայքլ Գեմբոն ևն

Ռիչարդը բռնակալ է: Ամեն երեկո նա կնոջ հետ ճաշում է իր ռեստորանում: Ամեն երեկո նա նվաստացնում է մարդկանց, նվաստացնում է կնոջը: Օրերից մի օր Ռիչարդի կինը սիրահարվում է ռեստորանի հաճախորդներից մեկին, և նրանց միջև սիրավեպ է սկսվում. ամեն երեկո նրանք սիրով են զբաղվում: Երբ Ռիչարդն իմանում է կնոջ դավաճանության մասին զայրանում է և…

Ֆիլմի կոստյումների համար հարկ է շնորհակալություն հայտնել Ժան Պոլ Գոտյեին: Ասում են, որ արդեն 80-ականներին Գոտյեն ստացել էր ֆրանսիական նորաձևության “enfant terrible” անունը հենց այն պարզ պատճառով, որ նրա հագուստը տարօրինակ էր և տեղ-տեղ ապշեցուցիչ: Հենց իր տարբերվող և համարձակ լինելու շնորհիվ էլ Գոտյեն գրավեց ֆիլմի ռեժիսոր Փիթեր Գրինուեյի ուշադրությունը: Արդյունքում ստացվեց այնպես, որ Գոտյեն ոչ միայն ստեղծեց գլխավոր հերոսների, այլև էպիզոդիկ դերերում նկարահանված հերոսների զգեստները:

Ֆիլմը կարող եք դիտել այստեղ:

Մարիա Անտուանետա/Мария-Антуанетта/Marie Antoinette, 2005

ռեժ.՝Սոֆիա Կոպպոլա
դերերում՝ Քիրսթեն Դանսթ, Ջեյսոն Շվարցման ևն

Ռոմանտիկ ֆիլմ Մարիա Անտուանետայի մասին, որը 15 տարեկանում դառնում է Լյուդովիկոս 16-րդի կինը: Մարիան առանց դիամդրելու ընդունեց այն փաստը, որ ընտրության ոչ մի հնարավորություն չունի և առանց սիրելու պետք է ամուսնանա թագավորի հետ: 19 տարեկանում աղջկա ձեռքն է անցնում ֆրանսիական գահը, սակայն նրան այդպես էլ չի հաջողվում դառնալ այն թագուհին, որի մասին ֆրանսիական ազգն այդքան երազում էր: Մարիա Անտուանետան միայն իր հաճույքի մասին էր մտածում: Շքեղ կյանք, սակայն շատ խղճուկ և ցավալի մահ. Մարիային դատապարտում են մահապատժի:

Մանոլո Բլանիկը (Manolo Blahnik) աշխատել է ֆիլմի վրա: Հարկ է նշել, որ Մանոլոյի մասին բազմիցս խոսվել է “Sex and the City” հեռուստասերիալում, բայց սա առաջին ֆիլմն է, որի վրա հանրահայտ դիզայները չարչարվել է: Մանոլոն Սոֆիայի հետ համագործակցությանը շատ լուրջ է մոտենում և երկար ժամանակ է ծախսում 18-րդ դարի կոշիկների ուսումնասիրության վրա:

2007 թ. ֆիլմն արժանացավ Օսկարի՝ «Լավագույն կոստյումներ» անվանակարգում:

 

Ֆիլմը կարող եք դիտել այստեղ:

Ես սերն եմ/Я – это любовь/Io sono l’amore, 2009

ռեժ.՝Լուկա Գուադանյինո
դերերում՝ Թիլդա Սուինթոն ևն

Ռեքքի ընտանիքի ավագը՝ Էդուարդոն կանխատեսելով իր մոտալուտ մահն, իր շուրջն է հավաքում ընտանիքի անդամներին ու հարազատներին: Ճաշի ժամանակ նա հայտնում է, որ ընտանիքի գործերը փոխանցելու է որդուն՝ Տանկրեդիին և թոռանը՝ Էդուարդո կրտսերին, սակայն թոռն այս լուրից այնքան էլ չի ուրախանում, քանի որ ապագայի մասին նա իր պատկերացումներն ունի. Էդուարդոն ցանկանում է ընկերոջ հետ սեփական բիզնեսը սկսել և այս երկուսն անգամ հստակ գծված պլան ունեն: Մինչդեռ Էդուարդոն փորձում է դուրս գալ այս խճճված իրավիճակից առանց պապիկի վերջին կամքին դեմ գնալու, մայրը՝ Էմման խենթի պես սիրահարվում է Էդուարդոյի խոհարար ընկերոջը, որի պատրաստած անմահական կերակուրն արդեն հերիք է, որ խելքահան անի կնոջը:

Թիլդայի զգեստները ստեղծվել են Ժիլ Սանդերի ստեղծագործ տնօրեն՝ Ռաֆ Սիմոնսի թեթև ձեռքով: Ֆիլմն էկրաններ բարձրանալուց երկու տարի անց Ռաֆը պաշտոնաթող է լինում, սակայն այս ընթացքում նրան այնուամենայնիվ հաջողվում է Թիլդայի հետ ընկերանալ: Այս տեսակ միություններն անվանում են «մուսայի և մաեստրոյի միություն»:
Ավելի ուշ՝ 2015 թ.  Լուկան նորից դիմում է Ռաֆի օգնությանը, բայց այս անգամ “A Bigger Splash” ֆիլմի համար. Ռաֆն այն ժամանակ Dior-ի դիզայներ էր:

Ֆիլմը կարող եք դիտել այստեղ:  

 

Սև կարապը/Чёрный лебедь/Black Swan, 2010

ռեժ.՝Դարեն Արոնոֆսկի
դերերում՝Նատալի Փորթման, Վենսան Կասել, Միլա Կունիս ևն

Ինչեր ասես, որ չես անի կատարելության հասնելու համար: Այսպիսին է Նինան: Գլխավոր հերոսուհին երազում է հայտնի բալետի պարուհի դառնալու մասին և ամեն բանի պատրաստ է, որ կյանքի կոչի երազանքը: Ոչինչ նրան այդքան չի հետաքրքրում և չի ուրախացնում, որքան բալետը: Բայց կատարելության ճանապարհին Նինան ունի շատ խոչընդոտներ և թշնամիներ, որոնք նույն երազանքն ունեն: Մրցակիցները խանգարում են աղջկան, իսկ ներքին սատանաները՝ խելագարության հասցնում:
2011 թ. Նատալի Փորթմանն արժանացավ Օսկարի՝ «Լավագույն դերասանուհի» անվանակարգում:
Ֆիլմի կոստյումները ստեղծվել են ամերիկյան նորաձևության ոլորտի ամենասիրված անուններից մեկի՝ Rodarte բրենդի հիմնադիրներ Քեյթ և Լաուրա Մուլևայների կողմից: Ավելի ուշ ֆիլմի կոստյումների գծով գեղարվեստական ղեկավարը ասել է, որ իրականում քույրերի միջամտությունը մինիմալ է և նրանց մասին չափից շատ է խոսվում, բայց դա ուղղակի PR-ի ձեռքի գործն է: Ամեն դեպքում աշխարհը կարծում է, որ հենց քույրերի ջանքերով էլ ստեղծվել են այդ գեղեցիկ կոստյումները, որոնց մասին մինչ օրս խոսում են:

Ֆիլմը կարող եք դիտել այստեղ:

տես նաև՝ Դարեն Արոնոֆսկի. ռեժիսորի լավագույն 6 ֆիլմերը

Աղբյուր՝ Bazaar
Շարունակելի…


Չընդունված, թե՞ անընդունելի գեղեցկուհիներ…

5 ֆիլմ+5 գիրք [Սևակ Ղազարյան]

Հայտնի մարդիկ, որոնք այլ մասնագիտություններ ունեն

5 սերիալ փրկության կարիք չունեցող հերոսուհիներով

HBO-ի նոր սերիալը կայսրուհի Եկատերինա երկրորդի մասին է

5 ամառային ֆիլմ

Մերիլին Մոնրոն՝ Էդ Քլարկի օբյեկտիվում

21-րդ դարի աստղերը հայտնի կտավների հերոսներ են դարձել

Զրուցեցինք «Ոսկե ծիրան» կինոփառատոնի միջազգային բաժնի ղեկավար Վարյա Հովհաննիսյանի հետ

Հայտնիներն ու ծովափը. Լուսանկարներ, որոնք Ձեզ հանգստի կուղարկեն

Դիտել հուլիսին կինոթատրոնում

Վրացական կինեմատոգրաֆի լավագույն 5 ֆիլմերը [մաս 1]

5 ֆիլմ Չեռնոբիլի վթարի և դրա հետևանքների մասին

Նատալի Փորթմանն ասում է․․․

Մոբին ներողություն է խնդրել Նատալի Փորթմանից…

Կաննի 72-րդ կինոփառատոն. կարմիր գորգ (լուսանկարներ)