Մեր օրերում Մերիլին Մոնրոն կլիներ Instagram-ի աստղ…

Նա սիրում էր ֆոտոխցիկը, իսկ ֆոտոխցիկը՝ նրան: Մերիլինի լուսանկարները նայելիս այնպիսի տպավորություն է ստեղծվում, որ նրան միշտ ինչ-որ հերթական սիրեկան է լուսանկարել, որովհետև միայն սիրեկանին կամ գոնե սիրելի տղամարդուն կարելի է այդպիսի աչքերով նայել…

Եթե նա կենդանի լիներ, խորհոււրդ կտար մեր ինսագրամայահայուհիներին՝ ինչպես լուսանկարվել կամ սելֆի անել, որ հնարավորինս շատ լայքեր հավաքել կամ գոնե մի քիչ բնական ու միաժամանակ կանացի երևալ:

• Անշարժ նստել 
• Նայել ոչ թե անմիջապես փոտոխցիկին, այլ խորհրդավոր լուսանկարողին
• Կիսաբաց անել աչքերն ու շրթունքները

Շրթուքներ, որոնք Մոնրոն սովորաբար մեծացնում էր մատիտի և վազելինի օգնությամբ: Նա լուսանկարվում էր ուսերը փոքր-ինչ առաջ բերած՝ միշտ ընդգծելով կնոջ մարմնի ամենագեղեցիկ մասը՝ վիզը: Ու այս ամենն անել այնքան բնական, որ գռեհկության և անճաշակություն չթվա:

Ի դեպ, Մոնրոն կարծում էր, որ արցունքները գայթակղում են նույնքան, որքան ժպիտը. Արթուր Միլլերը՝ Մոնրոյի  երրորդ ամուսինը, ծանոթացել էր նրա հետ, երբ վերջինս նկարահանման հրապարակում լաց լինելիս է եղել՝ տեղեկնալով ընկերուհու մահվան մասին: Հենց այսպիսին էր Մոնրոն գերել ապագա ամուսնուն: Իսկ հետագայում գրողն ինքն էր Մոնրոյին հասցնում լացի…

Իսկ կո՞ւրծքը…

Հոլիվուդում կարծում էին, որ նրա կուրծքը բնական չէ: Մոնրոն մի օր նկարահանման ժամանակ լսում է այդ բամբասանքը ու հանկարծակի քանդում վերնաշապիկի կոճակները: Այդ օրվանից հետո ամբողջ Հոլիվուդը քննարկում էր նրա «գործարանային» կուրծքը:

Իր գաղտնի սիրեկանի՝ ԱՄՆ նախագահ Ջոն Քենեդիի  45-ամյակի տարեդարձին Մոնրոն ներկա գտնվեց ու այլևս չմոռացվեց: Նա փաթաթվել էր սպիտակ մուշտակի մեջ:

Եթե ժամանալուն պես հաներ այդ մուշտակը, գուցե նրան ներս չթողնեին, քանի որ ելույթի ժամանակ Մերիլինը դերասանի վարպետությամբ հանելով մուշտակը՝ ցուցադրեց իր թափանցիկ զգեստի տակ «թաքցրած» ամբողջովին մերկ մարմինը…

Այս օրվանից 3 ամիս անց՝ Մերիլին Մոնրոն վախճանվեց: Ինքանասպա՞ն  եղավ, թե՞ սպանեցին… Այդպես էլ չբացահայտվեց այս հավերժ կանացի, հավերժ բնական ու սեքսուալ կնոջ մահը:

Իսկ նա ընդամենը 36 տարական էր…

Կարդացեք նաև՝