Լրացուցիչ

Ընտրել լեզուն

Հայտնի դերասանները հայտնի մարդկանց կերպարներներում. մաս 2

m 1 - Հայտնի դերասանները հայտնի մարդկանց կերպարներներում. մաս 2

VivaroNews Culture-ը ձեզ է ներկայացնում մի քանի հայտնի և սիրված դերասանների, որոնք հանդես են եկել հայտնի մարդկանց կերպարներում:

Ջեյմի Ֆոքսը Ռեյ Չարլզի դերում

1 5 - Հայտնի դերասանները հայտնի մարդկանց կերպարներներում. մաս 2

Ջազի պատմության ամենավառ, տաղանդավոր, տարբերվող երաժիշտներից մեկն անկասկած եղել է և կմնա Ռեյ Չարլզը: Հենց այս մեծությանն է նվիրված ռեժիսոր Թեյլոր Հեքֆորդի 2004 թ. «Ռեյ/Рэй/Ray»  ֆիլմը, որի գլխավոր դերում է Ջեյմի Ֆոքսը: Բացի Ֆոքսից ֆիլմում նկարահանվել են դերասաններ Ռեջինա Քինգը, Քերի Վաշինգթոնը և ևն:
Ֆիլմը նվիրված է լեգենդար երաժիշտի կյանքիս և ստեղծագործական ուղուն: Աղքատ մանկությունը, եղբոր կորուստը, վաղ կուրությունը, 12 երեխաների հոգսը, խտրականության դեմ անվերջ պայքարը, հանճարեղությունը և աննկարագրելի տաղանդը՝ սրանք էին Ռեյի կյանքի բաղկացուցիչները:
2005 թ. ֆիլմն արժանացել է Օսկարի «Լավագույն ձայն» անվանակարգում, իսկ դերասան Ջեյմի Ֆոքսը հաղթել է «Լավագույն դերասան» անվանակարգում:

Հետ չգնաս, դու այնտեղ արդեն եղել ես: 
Ռեյ

Ֆիլիպ Սեյմուր Հոֆմանը Թրումեն Կապոտեի դերում

kapote - Հայտնի դերասանները հայտնի մարդկանց կերպարներներում. մաս 2

Դժվար թե այս դերի համար գտնվեր ավելի համապատասխան դերասան քան Ֆիլիպ Սեյմուրն է:
2005 թ. էկրաններ է բարձրանում ռեժիսոր Բենեթ Միլլերի «Կապոտե/Капоте/Capote» ֆիլմը, որը Հոֆմանին Օսկարի արժանացրեց՝ «Լավագույն դերասան» անվանակարգում:
Ֆիլմի իրադարձությունները մեզ տեղափոխում են նախորդ դարի 60-ականներ, ԱՄՆ և անգամ թույլ են տալիս զգալ այն ժամանակների շունչը: Տեղական ամսագրերից մեկում Կապոտեի աչքն ընկնում է մի հետաքրքրաշարժ պատմության վրա և այդ օրվանից նրա կյանքը փոխվում է:

Անհաջողությունը համեմունքի պես մի բան է. նա հաջողությանը հատուկ համ ու հոտ է հաղորդում: 
Կապոտե

Քեյթ Բլանշեթը Բոբ Դիլանի դերում

b 1 - Հայտնի դերասանները հայտնի մարդկանց կերպարներներում. մաս 2

2007 թ. էկրաններ է բարձրանում Թոդ Հեյնսի «Ես այնտեղ չեմ/Меня там нет/I’m Not There» ֆիլմը: Այս հետաքրքիր կինոժապավենում ռեժիսորը միավորել է մի քանի դերասանների, որոնցից յուրաքանչյուրը մարմնավորում է Դիլանին իր կյանքի որոշ ժամանակահատվածում: Այս աստղաբույլի մեջ հատուկ ուշադրության է արժանի բոլորիս կողմից սիրված դերասանուհի Քեյթ Բլանշեթը, որը միաձուլվել է Դիլանի կերպարի հետ, դառնալով մեկ մարմին:
2008 թ. դերասանուհին արժանացավ «Ոսկե գլոբուսի»՝ «Երկրորդ պլանի լավագույն դերասանուհի» անվանակարգում:

Այն ամբողջ գումարը, որը դու կվաստակես, երբեք հետ չի գնի քո հոգին:
Բոբ

Շոն Փենը Հարվի Միլքի դերում

harv - Հայտնի դերասանները հայտնի մարդկանց կերպարներներում. մաս 2Ո՞վ էր Հարվի Միլքը: Նա առաջին ամերիկացի քաղաքական գործիչն է, որը չվախեցավ և բացիեբաց հայտարարեց, որ համասեռական է: Մարդիկ կարծում էին, որ այս հայտարարությունը վերջ կդնի Հարվիի կարիերային, սակայն Միլքը ընտրվեց և պայքարեց սեռական փոքրամասնությունների իրավունքների օրինականացման համար:
2008 թ. ռեժիսոր Գաս Վան Սենթը հանրության դատին հանձնեց իր «Միլք/Харви Милк/Milk» ֆիլմը, որը նվիրված է Հարվի Միլքին: Այս ֆիլմը դերասան Շոն Փենին արժանացրեց Օսկարի՝ «Լավագույն դերասան» անվանակարգում, իսկ ֆիլմը հաղթեց «Լավագույն սցենար» անվանակարգում:

Իրավունք տրվում է միայն նրանց, որոնք ստիպում են, որ իրենց ձայնը լսվի:
Հարվի

Մեռիլ Սթրիփը Մարգարեթ Թետչերի դերում

a - Հայտնի դերասանները հայտնի մարդկանց կերպարներներում. մաս 2

Այս ցանկը եզրափակում ենք Ֆիլինդա Լոյդի 2011 թ. «Երկաթյա լեդին/Железная леди/The Iron Lady» ֆիլմով, որը նվիրված է Մեծ Բրիտանիայի վարչապետ Մարգարեթ Թետչերի կյանքին և կարիերային: Ֆիլմը պատմում է, թե ինչպես հասարակ, բայց շատ խելացի և ամբիցիոզ աղջիկը մտավ Միացյալ Թագավորության պատմության մեջ, որպես միակ և անկրկնելի «Երկաթյա լեդի»:
2012 թ. ֆիլմն արժանացել է Օսկարի՝ «Լավագույն դիմահարդարում» անվանակարգում, իսկ դերասանուհի Մերիլ Սթրիփը՝ «Լավագույն դերասանուհի» անվանակարգում:

Մի՛ հետևիր ամբոխին, թո՛ղ ամբոխը հետևի քեզ: 
Մարգարեթ

Շարունակելի…


Ռեյ Չարլզի կյանքը և ստեղծագործական ուղին

5 դերասան, որոնք դիմահարդարման արդյունքում անճանաչելիորեն փոխվել են

Ուիթնի Հյուսթոնի և նրա կյանքը նկարագրող դոկումենտալ կինոյի մասին

6 ֆիլմ,որ դուր կգա պոկեր սիրողներին

Մեգան Մարքլի մասնակցությամբ 5 լավագույն ֆիլմերը

5 ֆիլմ մայր-երեխա փոխհարաբերությունների մասին

Նիկոլաս Քեյջը հանդես կգա ռեժիսորի կարգավիճակում

Սարիկ Անդրեասյանի ֆիլմը Կաննի 71-րդ կինոփառատոնում

Ռուսական ֆիլմերի շաբաթը Հայաստանում. ինչ, որտեղ և երբ դիտել

BAFTA TV 2018 թ. հաղթողները

Քեյթ Բլանշեթի լավագույն ֆիլմերը

Կինոն և Սալվադոր Դալին

Գինու և գինեգործների մասին լավագույն ֆիլմերը

Կաննի 71-րդ կինոփառատոն

5 ռուսական դրամա

Հայտնի գրքերի ամենալավ էկրանավորումները. մաս 3