Հեռուստաթատրոնի նոր ձևաչափ Վանաձորի Աբելյանի անվան թատրոնից - VNews

Հեռուստաթատրոնի նոր ձևաչափ Վանաձորի Աբելյանի անվան թատրոնից

Կորոնավիրուսով պայմանավորված համաճարակը փակել է հայաստանյան թանգարանները, թատրոնները և այլ մշակութային վայրեր։ Ոլորտի ներկայացուցիչներից շատերը փորձում են այդ բացը լրացնելու այլ ելքեր գտնել։ Այդպիսի մի փորձ է արվում Վանաձորի Հովհաննես Աբելյանի անվան պետական, դրամատիկական թատրոնում։ Հեղինակները հիմնվել են հին ու բարի հեռուստաթատրոնի ավանդույթների վրա, սակայն հանդես են եկել նաև նոր ու հետաքրքիր լուծումներով։

Նոր ձևաչափի ու սպասվելիք ներկայացումների մասին մեզ պատմել է ռեժիսոր Արեն Օսիպյանը

Հեռուստաներկայացման միտքը ծնվել է «#Մնա տանը»-ի ժամանակաշրջանում: Նպատակն էր ստեղծել մի հարթակ, որտեղ թատրոնի դերասան- հանդիսատես կապը կպահպանվի, առանց թատերաբեմի: Որպես թատրոնի ռեժիսոր առաջին անգամ փորձել եմ ներկայացում բեմադրել տեսախցիկների առջև: Դասական հեռուստաթատրոնից փոքր-ինչ շեղվել ենք. տարբերությունն այն է, որ գործողությունները տեղի են ունենում տարբեր վայրերում՝ թատրոնի բակում, այգում՝ ըստ բեմադրվող տեսարանի:

Պիեսը դասական է, հեղինակն է Ա. Չեխովը. կարծում եմ չեխովյան ասելիքը բոլոր ժամանակներում արդի է, մասնավորապես եթե կարողանաս փոխանցել ժամանակի շունչը: Ներկայացման շրջանակներում կտեսնեք Աբելյանի անվան թատրոնի դերասաններին` Էդդար Բարսեղյան, Թաթուլ Բոստանչյան, Մարիամ Ղևոնդյան, Արման Սաքանյան, Տաթև Պետրոսյան, Վահրամ Խառատյան: Մեր դերասանական կազմը հիմնականում իր տաղանդը ցույց է տվել բեմում: Այդուհանդերձ, այս ձևաչափը նոր է թե’ իմ, թե’ դերասանների համար…

Ընտրել եմ Ա. Չեխովի «Արջը» և «Առաջարկություն»-ը: Նկարահանումների մի մասն արդեն իսկ ավարտված են, հիմա աշխատում ենք մոնտաժի վրա, վերջացնելուն պես կսկսենք հաջորդ մասի նկարահանումները:

Հանդիսատեսը հնարավորություն կունենա ներկայացումը դիտելու թատրոնի ֆեյսբուքյան էջում և յութուբյան ալիքում:


Բարբառային քուիզ. տիրապետու՞մ ես Լոռվա բարբառին

էսսե՝ խիստ սիրային, խիստ վանաձորյան

Հաց սարքենք (և ոչ միայն) կիրովականցու բարբառով

5 հին ու նոր գրող Վանաձորից…

10 փաստ Հրաչյա Ներսիսյանի մասին, որ գուցե չգիտեք

Վանաձորում տոն է…

10 փաստ, որ գուցե չգիտեք. Խորեն Աբրահամյան

10 փաստ, որ գուցե չգիտեք… Նարինե Գրիգորյան

Ջիգարխանյան…

Արսենն ու «Թղթե երազանքը». [Հարցազրույց]

Կամերային թատրոնի «Ռոմեո և Ջուլիետը» Լեհաստանում էր

Նարեկ Դուրյան` «Սիրո Մենյու». Ինչո՞ւ դիտել

Զրուցեցինք դերասանուհի Նարինե Պետրոսյանի հետ

#Թատրոն. Հնդկաստանի փողոցային թատրոնը

Տղաները չափն անցնում են. պրեմիերա Կամերային թատրոնում

5 ներկայացում Սունդուկյան թատրոնից, որ արժե դիտել առաջիկայում