Հինն ու նորը. ինչպիսին են հայտնի րիմեյքների օրիգինալ տարբերակները - VNews

Հինն ու նորը. ինչպիսին են հայտնի րիմեյքների օրիգինալ տարբերակները

 

 

новый коллаж 1 960x352 - Հինն ու նորը. ինչպիսին են հայտնի րիմեյքների օրիգինալ տարբերակները

«Ծուղակ ծնողների համար» 1961թ. և «Ծուղակ ծնողների համար» 1998թ.

Ամերիկյան ֆիլմերի վրա մեծացած միլենիալների ամենասիրելի մանկական ֆիլմերից մեկը՝ Նենսի Մայերսի «Ծուղակ ծնողների համար» ընտանեկան կատակերգությունն է, որտեղ դեռևս անմեղ և անպիղծ Լինդսեյ Լոհանը մարմնավորում է միանգամից երկու կերպարի՝ չարաճճի Հոլի Փարքերին և նրբագեղ Էննի Ջեյմսին. երկվորյակ քույրերի ծնողները վաղուց ամուսնալուծվել են և ապրում են տարբեր երկրներում: Սակայն Հոլին և Էննին պատահաբար հայտնվում են նույն ամառային ճամբարում և հայտնաբերում, որ հարազատ քույրեր են: Աղջիկները որոշում են փոխվել տեղերով, որպեսզի նրանցից մեկը ծանոթանա հոր, իսկ մյուսը՝ մոր հետ: Նույն պատմությունը պատկերված է 1961 թվականի տարբերակում, որտեղ աղջիկներ Սյուզան Էվերսին և Շերոն ՄաքՔենդրիկին մարմնավորում է բրիտանուհի Հեյլի Միլզը: Իրականում, բնօրինակի հեղինակը գերմանացի Էրիխ Կեստներն է, իսկ ստեղծագործությունը կոչվում է ”Das doppelte Lottchen” և տպագրվել է 1949 թվականին:

 

11 20 960x379 - Հինն ու նորը. ինչպիսին են հայտնի րիմեյքների օրիգինալ տարբերակները

«Վիլի Վոնկան և շոկոլադի գործարանը» 1971թ. և «Չարլին և շոկոլադի գործարանը» 2005թ.

Ռոալդ Դալի հայտնի վիպակը այնքան շատ տեղ է տալիս վիզուալ կատարողական լուծումների համար, որ էկրանավորվել է մի քանի անգամ և շուտով կէկրանավորվի կրկին: Էքսցենտրիկ հրուշակագործի խելահեղ գործարանը, մոգական աշխատակիցները և գունեղ սարքավորումները տեղափոխում են երեխաներին երազանքների աշխարհ: Ուսուցողական ենթատեքստով պատմությունը «պատժում է» անկարգ և ագահ երեխաներին՝ դարձնելով զուսպ և համեստ. Չարլիին իրավիճակի հաղթող և Վիլի Վոնկայի ինքնատիպ կայսրության ժառանգ-հետևորդ: Երկու ֆիլմերում էլ հերոսների արտաքինը, կոստյումների էլեմենետները, երկորդական կերպարների մատուծումը տարբերվում է իրարից՝ մանավանդ հաշվի առնելով այն փաստը, որ Ջին Ուայլդերի տարբերակը ստեղծվել է համակարգչային գրաֆիկայի կատարելագործման ժամանակաշրջանից շատ առաջ:

 

lllll 960x394 - Հինն ու նորը. ինչպիսին են հայտնի րիմեյքների օրիգինալ տարբերակները

«Վանդակ խենթերի համար» 1978թ. և «Վանդակ թռչնակների համար» 1996թ.

Նույնասեռականների որդին ամուսնանում է. հարսնացուն ավելի կոնսերվատիվ ընտանիքից է: Աղջկա ծնողների հետ երկու հայրիկների բարեհաջող ծանոթության և հնարավոր սկանդալից խուսափելու համար, ամուսիններից մեկը կերպարանափոխվում է… մայրիկի: Երկու տարբերակների՝ ֆրանկո-իտալականի և ամերիկյան րիմեյքի՝ ռեժիսորները իրենց գործի իսկական վարպետներն են. Էդուար Մոլինարոն և Մայք Նիքոլսը պարգևում են մեզ ժանրի լավագույն կանոններով ստեղծված խելահեղ կամեռային կատակերգություններ, որոնց արդիականությունը չի կարել մինչ այսօր:

 

новый коллаж4548 960x396 - Հինն ու նորը. ինչպիսին են հայտնի րիմեյքների օրիգինալ տարբերակները

«Կիզիչ արևի տակ» 1960թ. և «Տաղանդավոր պարոն Ռիփլին» 1999թ.

Պատրիցիա Հայսմիթի հոգեբանական թրիլերը դարձել է առնվազն երկու հրաշալի էկրանավորման սկզբնաղբյուր: Ալեն Դելոնի մասնակցությամբ ֆրանկո-իտալական առաջին տարբերակը ռեժիսոր Ռենե Կլեմանի ֆիլմագրության լավագույն նմուշներից է, ինչպես նաև էքսրա-նրբագեղ և ոճային ամերիկյան տարբերակը, որը բեմադրել է բրիտանական ռեժիսոր Էնթոնի Մինգելան: Երկու պարագայում էլ գործ ունենք էսթետիկ, լարված, մթնոլորտային և դյուրագրգիռ աշխատանքների հետ, թեև ֆիլմերի հանգուցալուծումները տարբերվում են: Պատմության առաջին կեսը՝ առանց սպանությունների և քրեական վայրիվերումների, բավականաչափ տրամադրող է և ցանկալի:

 

5648468458 960x393 - Հինն ու նորը. ինչպիսին են հայտնի րիմեյքների օրիգինալ տարբերակները

«Ճամփեզրերին» 2004 թ. և «Ճամփեզրերին» 2009թ.

Այս պարագայում պատմության առաջին տարբերակը ստեղծվել է Միացյալ Նահանգներում՝ հոլիվուդյան դերասանների մասնակցությամբ (Հունգարիայի հետ համատեղ). առաջնեկի սցենարի հեղինակ, ռեժիսոր և ամերիկյան հեղինակային կինոյի վարպետ Ալեքսանդր Փեյնը 5 տարի անց մասնակցել է «ճապոնական» տարբերակին, որը այդքան էլ հայտնի և տարածված չէ: Օրիգինալում երկու ընկեր՝ Ջեքը և Մայլզը, ճամփա են ընկնում կալիֆորնիական գինեգործարանների համտեսի. Ջեքին մի շաբաթից սպասում է հայկական հարսանիք, և մեծ միջոցառումից առաջ լիցքաթափվել չէր խանգարի: Արևաշատ մայրուղիներից և տեղական ալկոհոլից բացի արկածախնդիր տղամարդկանց սպասում են ավելի դրամատիկ դիպվածներ:


Ի՞նչ դիտել տանը. Վուդի Ալենի կրքոտ, զվարճալի ու հմայիչ կարծրատիպերով լի «Վիքի Քրիսթինա Բարսելոնա»-ն

Ի՞նչ դիտել տանը. Ինգմար Բերգմանի ամենաթեթև, ջերմ ու դյութիչ ֆիլմերից՝ «Ամառը Մոնիկայի հետ»

Ի՞նչ դիտել տանը. փայլուն դերասանական կազմով ու բրիտանա-իտալական էսթետիկայով օսկարակիր «Տեսարանով սենյակը»

Ի՞նչ դիտել տանը. Ալֆոնսո Կուարոնի «Քո մայրիկին նույնպես» զգացմունքային րոուդ-մուվին

Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Ինչ դիտել տանը. գարնանային մթնոլորտ ունեցող ֆիլմացանկ

Առաջիկա շաբաթվա կինոպրեմիերաները