fbpx

Հուլիսին թողարկվող ամենասպասված ֆիլմերը

Հունիս ամիսը ամփոփելով՝ ևս մեկ անգամ նշենք, որ ամռան առաջին ամսին թողարկվեցին այնպիսի սպասված ֆիլմեր, ինչպիսիք են Աշխարհը յուրայի դարաշրջանումը, «Օուշենի 8 ընկերուհիները», «Սուպեր ընտանիք 2» և այլն: Հուլիսին կինոսերներից կողմից ֆիլմերի պակաս ևս չի զգացվի: Դրանցից մի քանիսին արդեն շատերը սպասում են մեծ անհամբերությամբ, և ուրեմն ամառային շոգի պես այլևս չտանջենք ձեզ և միանգամից անցնենք VNews-ի` հուլիս ամսվա սպասված ֆիլմերի ցանկին: Իսկ դուք ո՞ր ֆիլմին եք սպասում այս հուլիս:

Դատաստանի գիշեր. Սկիզբ/ The First Purge

Թողարկման օրը՝ հուլիսի 4

Դերերում՝ Իլան, Լեքս Սքոթ Դեյվիս,

Նկարագրությունը՝ հանցագործությունները ողջ տարվա համար կանխելու նպատակով, Ամերիկայի նոր հիմնադիր հայրերը (ԱՆՀՀ/ NFFA) որոշում են մի նոր պլան գործի դնել, որն իրենց կարծիքով կօգնի նվազեցնել հանցագործությունների թիվը: Դա անելու համար, նրանք թույլ են տալիս, որ օրենքի բոլոր խախտումները 12 ժամ համարվեն օրինական: Սակայն ամեն ինչ քաոսի է վերածվում:

Ուիթնի/ Whitney

Թողարկման օրը՝ հուլիսի 6

Դերերում՝ Ուիթնի Հյուսթոն

Նկարագրությունը՝ հայտնի երգչուհու մասին պատմող այս դոկումենտալ ֆիլմում կարող եք նրա հետ ավելի մոտիկից ծանոթանալ: Մտերմիկ զրույցներ, նախկինում երբևէ չցուցադրված լուսանկարներ ու տեսանյութեր, ինչպես նաև ընտանիքի անդամների մեկնաբանությունները Հյուսթոնի հետ կապված տարբեր սկանդալների մասին. հենց այս ամենը կօգնի, որպեսզի երգչուհու երկրպագուները ևս մեկ անգամ հիշեն նրան ու նրա արվեստը:

Մրջյուն մարդը և կրետը/ Ant-Man and the Wasp

Թողարկման օրը՝ հուլիսի 6

Դերերում՝ Փոլ Ռադ, Էվանջելին Լիլի

Նկարագրությունը՝ Մարվելի երկրպագուներին սպասում է հերթական անակնկալը: Այս ամիս թողարկվելու է 2015թ.-ի «Մրջյուն մարդը» ֆիլմի երկրորդ մասը՝ «Մրջյուն մարդը և կրետը»: Այս անգամ Սքոթ Լենգը փորձելու է լինել և՛ հերոս, և՛ լավ հայր: Նա հայտնվելու է մի իրավիճակում, որտեղ ունենալու է Կրետի օգնության կարիքը: Նրանց դուոյի արկածներին պարզապես պետք է հետևել:

«Հրեշները արձակուրդում 3/ Hotel Transylvania 3: Summer Vacation

Թողարկման օրը՝ հուլիսի 13

Հնչյունավորում՝ Ադամ Սենդլեր, Սելենա Գոմես, Էնդի Սամբերգ

Նկարագրությունը՝ Հրեշների ընտանիքը՝ Դրակուլան, Մեյվիսը և մյուսները, Հրեշների նավով գնում են մի շքեղ ընտանեկան ճանապարհորդության : Դրակուլան այնտեղ հանդիպում է նավի կապիտանին` Էրիկային, և նրանց միջև սիրավեպ է սկսում: Սակայան Էրիկան այնպիսին չէ, ինչպիսին թվում է:

Մամա Միա/ Mamma Mia!

Թողարկման օրը՝ հուլիսի 20

Դերերում՝ Մերիլ Սթրիփ, Ամանդա Սեյֆրիդ, Քոլին Ֆերթ, Շեր

Նկարագրությունը՝ «Մամա Միան» վերադարձել է: Ֆիլմի այս մասում մինչդեռ Սոֆին պատրաստվում է մայր դառնալ, նրա մայրը՝ Դոննան, հիշում է այն ժամանակները, երբ ինքը նույնպես երիտասարդ էր ու ազատամիտ: Նա կպատմի իր աղջկան, թե ինչպես է ինքը դարձել երիտասարդ մայրիկ ու կարողացել հաղթահարել մի շարք դժվարություններ՝ միևնույն ժամանակ չմոռանալով վայելել կյանքը:

 


10 բան, որ գուցե չգիտես հայտնի «Summertime» երգի մասին

Աստղեր, որոնք այլ աստղերի երկրպագուներն են

Կաննի կինոփառատոն 2019. Լավագույն լուքերը

10 բան, որ գուցե չգիտես Շերի մասին

Puma-ն Սելենա Գոմեսից ոգեշնչված հավաքածու է թողարկել

1970-ականներ․ Աստղերն աշխատանքից դուրս

Հայտնի մարդկանց արձագանքը` Փարիզի Աստվածամոր տաճարի հրդեհին

Աստղերի՝ 80-ականներին արված լուսանկարները

Կաննի կինոփառատոնի բացմանը կցուցադրվի Ջիմ Ջարմուշի՝ զոմբիների մասին պատմող կատակերգությունը

Հայտնի մարդկանց քրոնիկ հիվանդությունները

Երաժշտական ամփոփում. Մարտի լավագույն նորույթները

Ջիմ Ջարմուշի նոր ֆիլմում աստղաբույլ է հավաքվել

Սելենա Գոմեսը նոր տեսահոլովակ է թողարկել

20 հայտնի աստղ շպարվելուց առաջ և հետո

Էնի Լեյբովիցի լավագույն լուսանկարները

Ջասթին Բիբերի ու կնոջ ամբողջական ֆոտոշարքը VOGUE-ի համար