Ի՞նչ դիրքերով էին գրում դասականները... - VNews
    • Մշակույթ Vnews

      Մշակութային նորություններ Հայաստանից և աշխարհից

Ի՞նչ դիրքերով էին գրում դասականները…

Հետաքրքիր է՝ ինչպե՞ս են ծնվել համաշխարհային պատմության ամենահայտնի ու սիրված գործերը, ինչպե՞ս են սիրել աշխատել դասական գրողները։ Այդ ամենի մասին՝ մեր անդրադարձում։

Էռնեստ Հեմինգուեյ

Էռնեստ Հեմինգուեյն իր կյանքի ընթացքում տպագրել է 7 վեպ, պատմվածքների 6 ժողովածու, 2 գիտահանրամատչելի գիրք: Մահվանից հետո Հեմինգուեյի արխիվը ուսումնասիրվել է և հայտնաբերվել 10.000 էջ չհրատարակված գործեր: Դրանց մեծ մասը հեղինակը գրել է ննջարանում փակված՝ ոտքի վրա: Գրողը սիրում էր կանգնած աշխատել, նա հիմնականում ոտքի վրա էր գրում: Կուբայում «Ծերունին ու ծովը» վիպակի վրա աշխատելու տարիներին Հեմինգուեյը հաջողեցնում էր խմել մինչև ուշ գիշեր, և արթնանալ վաղ առավոտյան: Արթնանալուն պես ստեղծագործում էր գրամեքենայի առջև՝ կանգնած վիճակում,ինչից հետո սկսում էր դատարկել հայտնի «Floridita» շշերը:

Վիրջինիա Վուլֆ

Բրիտանացի գրող, գրաքննադատ Վիրջինիա Վուլֆը երիտասարդ տարիքում նախընտրում էր կանգնած գրել: Քվենտին Բելլը՝ Վուլֆի զարմիկը, հավելում է, որ այդ սովորությունը գալիս էր փոքր տարիքում քույրերի մեջ եղած մրցակցությունից: Վուլֆի քույրը՝ Վանեսան, նկարչուհի էր և նկարում էր մոլբերտի առջև կանգնած: Բելլը նկատում է. «Սա ստիպեց Վիրջինիային մտածելու, որ իր զբաղմունքը կարող է ավելի քիչ դժվար թվալ, քան քրոջինը»: Հետագայում Վուլֆը փոխեց սովորությունը և անցավ նստած գրելուն:

Վիկտոր Հյուգո

Կանգնած գրելու սովորությունից չհրաժարվեց մեկ այլ գրող՝ Վիկտոր Հյուգոն։ Ի դեպ, իր «Փարիզի Աստվածամոր տաճարը» գրել է՝ փորձելով տեղավորվել խիստ վերջնաժամկետների մեջ : 1830-ի աշնանը նա մի քանի ամիս ուներ գիրքն ավարտելու համար: Ժամկետների մեջ տեղավորվելու համար Հյուգոն ինքն իրեն տնային կալանքի էր ենթարկել կողպել բոլոր հագուստներն ու թողել մի մոխրագույն շալ, որով էր կանգնում էր աշխատասենյակում և ստեղծագործում: Այս ծայրահեղ միջոցներն իրենց արդյունքը տվեցին և Հյուգոն Վեպն ավարտին հասցրեց ժամկետի մեջ:

Մարկ Տվեն

Աշխարհահռչակ ամերիկացի գրող, երգիծաբան Մարկ Տվենը 20-րդ դարի համաշխարհային գրականության մեջ ճանաչվել է որպես դասական, միաժամանակ՝ իսկական ազգային գրող, որը հայտնագործել է այն Ամերիկան, որտեղ ողբերգականը կատակերգականի կողքին է, սարսափելին՝ բանաստեղծականի։ Վերջինս նույնպես հորիզոնական դիրքի սիրահար էր։

Թրումեն Կապոտե

Ամերիկացի վիպասան, կինոսցենարիստ, դրամատուրգ և դերասան Թրումեն Կապոտեի  պատմվածքներից, վեպերից, վիպակներից և պիեսներից շատերը, ներառյալ «Նախաճաշ Թիֆանիի մոտ» վիպակը  և «Սառնարյուն սպանություն» վեպը համարվում են գրականության դասական գործեր: Կապոտեի վեպերի, պատմվածքների և պիեսների հիման վրա ստեղծվել է առնվազն 20 ֆիլմ:  Թրումեն Կապոտեն ինքն իրեն կոչում էր «հորիզոնական գրող»:

Նա ասում էր՝ «Մինչև չպառկեմ անկողնուն կամ բազմոցին՝ ծխախոտն ու սուրճն էլ ձեռքիս տակ, չեմ կարողանում մտածել։ Ես պիտի ծխեմ և փոքր կումերով վայելեմ խմիչքը: Կեսօրին սուրճից անցնում եմ անանուխով թեյի, հետո խերեսի ու մարտինիի»:

 

 


Մեծ մարդկանց փոքր պատմությունները … [Գանդի, Սարոյան,Միքելանջելո]

Սիամական երկվորյակներ [հյուրախաղեր, սեր, մայրություն]

Տիտանիկի հաջողակը. նավերը կործանվում են, նա ողջ է մնում

Պագանինի. այն ամենն, ինչ չեն պատմում երաժշտական դպրոցներում

Կին վիպասաններ, որոնք բեսթսելլերներ են հեղինակել

Զրուցել ենք Թամար Ալեքսանյանի հետ. [Գրականության ուսուցման դպրոցական ծրագրի մասին]

Թամար Ալեքսանյանը «Գրականության» ուսուցման դպրոցական նոր ծրագրի մասին…

Ժամանակակից ո՞ր հեղինակներն են ներառվել հանրային քննարկման ներկայացված «Գրականություն» առարկայի ուսուցման դպրոցական ծրագրում

Ձեզ կապշեցնի, թե ինչպես են ստանում ամենաթանկ սուրճը

Իսրայել. երկիր, որտեղ ամեն բան ուրիշ է

Հակիրճ փաստեր աշխարհից ՝ նկարներով

Էդգար Էլբակյան կրտսեր. տաղանդաշատ ստեղծագործողի հիշատակին

ինչպե՞ս են առաջացել ակնաջօղերը. Մահմեդական առասպել

Ալֆոնս Դոդեն ասել է…

Կարդում ենք արևմտահայ պոեզիա

Սերը տևում է մեկ բանաստեղծություն. Նարեկ Կոսմոս