Ի՞նչ դիտել ձմռանը. խորհուրդ է տալիս Տաթև Հովակիմյանը - VNews
    • Մշակույթ Vnews

      Մշակութային նորություններ Հայաստանից և աշխարհից

Ի՞նչ դիտել ձմռանը. խորհուրդ է տալիս Տաթև Հովակիմյանը

Այս անգամ ֆիլմերի ընտրություն հարցում օգնության է գալիս դերասանուհի Տաթև Հովակիմյանը:

Տաթևը խորհուրդ է տալիս ձմռան ամիսներին դիտել կամ վերանայել այս ֆիլմերը:

Փայլատակում/Сияние/The Shining, 1980

ռեժ.՝ Սթենլի Կուբրիկ
դերերում՝Ջեք Նիկոլսոն, Շելլի Դյուվալ ևն

Սթիվեն Քինգի 1977 թ. համանուն վեպի հիման վրա էկրանավորված այս ֆիլմը գրող Ջեք Տորենսի մասին է, որն աշխատանքի է տեղավորվում Կոլորադոյի լեռներում գտնվող մի մեծ հյուրանոցում որպես ձմեռային պահակ: Նա այնտեղ է տեղափոխվում կնոջ՝ Ուենդիի, և որդու՝ Դեննի հետ։
Հյուրանոցի տնօրենը Ջեքին զգուշացնում է, որ սա մռայլ, շատ մռայլ վայր է, և որ նախկին աշխատակից Դելբերտ Գրեյդին այստեղ սպանել է իր կնոջը և երկվորյակ աղջիկներին։ Ջեքն ուշադրություն չի դարձնում տնօրենի խոսքերին, սակայն…

Ֆիլմը կարող եք դիտել այստեղ: 

Ուղևորություն դեպի Ամերիկա/Поездка в Америку/Coming to America, 1988

ռեժ.՝ Ջոն Լենդիս
դերերում՝Փոլ Բեյթս, Էդդի Մերֆի ևն

Գլխավոր հերոսը աֆրիկացի արքայազն Զամունդա Ակիմն է, որը շրջապատված է շքեղությամբ և ունի այն ամենն, ինչի մասին շատերն անգամ իրենց ամենագեղեցիկ երազներում չեն տեսնում, բայց արքայազնն իրեն երջանիկ չի զգում:
Ակիմը որոշում է, որ երջանիկ լինելու համար իրեն շտապ ամուսնանալ է պետք, ընդորում աղջիկը չպետք է իմանա իր որպիսության մասին, որ սիրի Ակիմին իր ներքնաշխարհի, այլ ոչ թե հարստության համար:

Ակիմը ուղևորվում է Ամերիկա:

Ֆիլմը կարող եք դիտել այստեղ: 

Արջամուկի օրը/День сурка/Groundhog Day, 1993

ռեժ.՝ Հարոլդ Ռեմիս
դերերում՝ Բիլ Մյուրեյ, Էնդի ՄաքԴաուել ևն

Ֆիլմի գլխավոր հերոսը Ֆիլը մեծամիտ և շատ ինքնահավան միջին տարիքի լրագրող է: Ամեն տարի Ֆիլը մեկնում է Փենսիլվանիա՝ մեկնաբանելու արջամուկի օրվան նվիրված միջոցառումը: Սակայն, այս տարի անսպասելի իրադարձություններ են տեղի ունենում, և ստացվում է այնպես, որ Ֆիլի կյանքում ամեն մի նոր օր նախորդի կրկնությունն է: Նրա կյանքը վերածվել է իսկական մղձավանջ: Ասում են, սակայն, որ մետաղադրամը երկկողմանի է, և սա լավ հնարավորություն է, որ Ֆիլը ուղղի իր բոլոր սխալները և գնահատի կյանքն ու մարդկանց:

Ֆիլմի հիմքում Դենի Ռուբինի պատմվածքն է:

Ֆիլմը կարող եք դիտել այստեղ: 

Մաքուր բանականության հավերժ փայլատակում/Вечное сияние чистого разума/Eternal Sunshine of the Spotless Mind, 2004

ռեժ.՝ Միշել Գոնդրի
դերերում՝Քեյթ Ուինսլեթ, Ջիմ Քերրի ևն

Ասում են, որ մարդու ամենավատ թշնամին լավ հիշողությունն է: Ի՞նչ կասեք, եթե օրերից մի օր հնարավոր լինի ձերբազատվել աղջ կյանքի ընթացքում կուտակած հիշողություններից և մաքուր էջից նոր, լրիվ նոր կյանք սկսել:

Ջոելն ու Քլեմենտինան որոշում են սառեցնել իրենց զգացմունքները և ջնջել բոլոր հիշողությունները: Ջոելը, սակայն, դեռ ամբողջությամբ չի մոռացել անցյալը և ինչքան քիչ է նա հիշում, այնքան ավելի շատ է սիրում աղջկան: Մի պահ նա հասկանում է, որ չի ուզում հրաժարվել իրենց անցյալից և հնարավոր ապագայից և ամեն բան անում է, որ վերադարձնի սիրելիին: Ավաղ ամեն ինչ այդքան էլ հեշտ չէ…

2005 թ. ֆիլմը «Լավագույն օրիգինալ սցենար» անվանակարգում Օսկարի արժանացավ:

Ֆիլմը կարող եք դիտել այստեղ: 

Արձակուրդ/Отпуск по обмену/The Holiday, 2006

ռեժ.՝ Նենսի Մայերս
դերերում՝ Քեմերոն Դիաս, Քեյթ Ուինսլեթ, Ջուդ Լոու, Ջեք Բլեք ևն
Այրիսը լրագրող է, և ապրում է Անգլիայի արվարձաններից մեկում, իսկ Ամանդան կայացած գովազդային գործակալ է և ապրում է արևոտ Կալիֆորնիայում: Երիտասարդ, գեղեցիկ, բայց անձնական կյանքում շատ անհաջողակ կանայք որոշում են իրենց կյանքում փոփոխություններ մտցնել և մեկ շաբաթով փոխանակվում են տներով: Այսպես նրանք սկսոում են ապրել լրիվ նոր կյանքով: Այս մեկ շաբաթում նրանց կյանքը ոտքից գլուխ կփոխվի և նրանք նորից կսկսեն հավատալ ամենանվիրական զգացմունքի՝ սիրո գոյությանը:
Ֆիլմը կարող եք դիտել այստեղ:

տես նաև՝ #ՆստեցինքԽոսեցինք Տաթև Հովակիմյանի հետ

«Մեզնից ոչ ոք անթերի չէ, մենք բոլորս սիրուն ենք». Տաթև Հովակիմյանի հետ

Ռեժիսոր Միշել Գոնդրին ինքնամեկուսացվել է Լոս-Անջելեսում, որպեսզի զբաղվի նոր ֆիլմի աշխատանքներով

Հինն ու նորը. ինչպիսին են հայտնի րիմեյքների օրիգինալ տարբերակները

10 աստղային բյութի-խորհուրդ…

սերը եկավ… [Տաթև Հովակիմյան]

Young Pop-ից New Pop [2-րդ եթերաշրջանի թրեյլերը, փոփոխված կազմն ու անվանումը]

Աստղեր, որոնք արքայական շքանշաններ ունեն

Արիանա Գրանդեն, Լանա Դել Ռեյը և Մայլի Սայրուսը «Չառլիի հրեշտակները» ֆիլմի սաունդթրեքի կատարողներն են

Դիտել հուլիսին կինոթատրոնում

Ինչո՞ւ էր Սթիվեն Քինգն ատում Սթենլի Կուբրիկի՝ «The Shining»-ի էկրանավորումը

Այն, ինչ պետք է իմանալ Սոֆի Թըրների, նույն ինքը՝ Սանսա Սթարքի մասին

Այն, ինչ պետք է իմանալ Նիկոլայ Կոստեր-Վալդաուի, նույն ինքը՝ Ջեյմի Լանիսթերի մասին

Ջուդ Լոուն ամուսնացել է

Կաննի 72-րդ կինոփառատոնի գլխավոր ֆիլմերը [մաս 1]

Ջեք Նիկոլսոնի մասնակցությամբ լավագույն 5 ֆիլմերը

Կաննի կինոփառատոնի բացմանը կցուցադրվի Ջիմ Ջարմուշի՝ զոմբիների մասին պատմող կատակերգությունը