Ինչ դիտել, երբ սիրտդ ուզում է ճամփորդել. «Ճամփեզրերին» - VNews

Ինչ դիտել, երբ սիրտդ ուզում է ճամփորդել. «Ճամփեզրերին»

8779523D 8117 4669 BB9B 673C38F970A4 - Ինչ դիտել, երբ սիրտդ ուզում է ճամփորդել. «Ճամփեզրերին»

Մայլզը (Փոլ Ջիամատտի) 40-ն անց անհաջողակ գրող է, դասավանդում է անգլերեն, իսկ ամբողջ ազատ ժամանակն ու ցավոտ ամուսնալուծության վերքերը թաղում է լավ գինու գավաթի մեջ։ Ջեքը (Թոմաս Հեյդեն Չյորչ) Մայլզի մտերիմ ընկերն է՝ անորակ հեռուստասերիալների չհաջողած աստղ, ով մի քանի օրից պետք է ամուսնանա երիտասարդ հայ աղջկա հետ։ Մինչ Ջեքը կերդվի Քալիֆորնիայի Հայ առաքելական եկեղեցում հարսնացուի տասնյակհարյուրավոր բարեկամների և Աստծո առջև՝ նա տենչում է վերջին անգամ զգալ արկածախնդրության ողջ հմայքն ու թշվառությունը՝ տրվել բնության կանչին, նոր ազգականներից մաքսիմալ հեռու լավ ժամանակ անցկացնել և քնել մեկ այլ կնոջ հետ։ Մայլզը տանել չի կարողանում գռեհիկ տղայական հավաքույթները մերկապարուհիների ու «կանչովի» աղջիկների շրջապատում և որոշում է, որ ավելի լավ է երկուսով ոտի տակ տան տեղական գինեգործարաններն ու խաղողի այգիները, իսկ գինուց հետո՝ իբրև դեսերտ, գուցե ըմբոշխնեն Խաղաղ օվկիանոսի շրջակայքում ապրող կանանց ուշադրության համը։ Մի կում։

A3A7B73A FBC4 45D8 B945 769F63030EA0 960x541 - Ինչ դիտել, երբ սիրտդ ուզում է ճամփորդել. «Ճամփեզրերին»

Ֆիլմի ռեժիսոր և սցենարիստ Ալեքսանդր Փեյնը երկու ոտքով կանցնած է տարբեր՝ գրեթե հակադարձող բևեռներում՝ մի ոտքը ամերիկյան հեղինակային կինեմատոգրաֆի կիսադաշտում է, մյուսը՝ մեյնսթրիմի ֆլյուիդներ արձակող արտադրանքի ջունգլիներում, որի շնորհիվ, օրինակ, հաճախակի ստանում է օսկարյան նոմինացիաներ։ «Ճամփեզրերին»-ը տարիներ առաջ ցուցադրվեց Ռոտերդամի միջազգային կինոփառատոնում, որտեղ կարելի է հանդիպել ավելի ռադիկալ՝ ինդիվիդուալիզմին ձգտող հեղինակների։

Այս ֆիլմում Ջեքի դերը Փեյնը գրել էր հատուկ Ջորջ Քլունիի համար, սակայն վերջում փոշմանեց՝ տեղ տալով ավելի քիչ հայտնի Թոմաս Հեյդեն Չյորչին (չնայած տարիներ անց այնուամենայնիվ հրավիրեց Քլունիին «Ժառանգորդները» ֆիլմի գլխավոր դերի համար): Փեյնը հունական ձագում ունեցող ամերիկացի է, որը պաշտում է համաշխարհային դասական կինոն՝ Էտտորե Սկոլայից ու Պազոլինիից մինչև Բիլի Ուայլդեր և Կուրոսավա։ Իր ֆիլմերը ոչ տիպիկ հեղինակային ամերիկյան պատումներ են, օրինակ՝ Ջարմուշից ու Անդերսոնից տարբերվում են ոչ միայն ձևաչափով, այլ նախևառաջ ուղղությամբ՝ նա փախչում է ամերիկյան կենցաղից՝ անգամ եթե գտնվում է երկրի սրտում, իսկ մարդիկ ճամփորդում են մի նահանգից մյուսը։

4785638D F47A 408B 8BA6 8380A3782305 960x540 - Ինչ դիտել, երբ սիրտդ ուզում է ճամփորդել. «Ճամփեզրերին»

Իր հերոսները «ոչ ամերիկանավարի» մտահոգ են, էքզիստենցիալ ճգնաժամի շեմին, անգամ եթե իրավիճակը պահի տակ մատուցվում է անհեթեթության հասնող կատակերգական իրավիճակներով։ Նրանք բացարձակ չեն ձգտում հերոսության, լինել ավելի լավը, քան կան, այլ ընդունում են իրենց ուսերին ու մեջքին ընկած ծանր կյանքի քաշը։ Մայլզը, օրինակ, ստեղծում է իր կոմֆորտզոնան, էսկապիստական հարմարավետ կղզյակը ու թաքնվում դրա մեջ, ինչպես բոլորը սրտի խորքում գուցեև երազում է հարմոնիայի և ճշմարտության ճանաչման մասին։ Սակայն երբեմն կյանքի մարտահրավերներն ու հարցերը կարելի է հոտոտել ու համտեսել լռության մեջ՝ փիլիսոփայելով հերթական նորաբաց շշի համի, հոտի ու փունջի մասին՝ գտնելով ճշմարտությունը մի բաժակ պինո նուարի հատակին։

 


Բացառիկ հարցազրույց Ոսկե ծիրանի պատվավոր հյուր Փոլ Շրեյդերի հետ

Օդեսայի միջազգային կինոփառատոն. Հայաստանը՝ ժյուրիի կազմում ու Կաննի մեծ ֆիլմերը

Ի՞նչ դիտել տանը. Վուդի Ալենի կրքոտ, զվարճալի ու հմայիչ կարծրատիպերով լի «Վիքի Քրիսթինա Բարսելոնա»-ն

Ի՞նչ դիտել տանը. Ինգմար Բերգմանի ամենաթեթև, ջերմ ու դյութիչ ֆիլմերից՝ «Ամառը Մոնիկայի հետ»

Ի՞նչ դիտել տանը. փայլուն դերասանական կազմով ու բրիտանա-իտալական էսթետիկայով օսկարակիր «Տեսարանով սենյակը»

Ի՞նչ դիտել տանը. Ալֆոնսո Կուարոնի «Քո մայրիկին նույնպես» զգացմունքային րոուդ-մուվին

Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից