Ինչ դիտել տանը. Քեյթ Բլանշեթի սիրելի ֆիլմերից 5-ը - VNews
    • Մշակույթ Vnews

      Մշակութային նորություններ Հայաստանից և աշխարհից

Ինչ դիտել տանը. Քեյթ Բլանշեթի սիրելի ֆիլմերից 5-ը

Vnews-ը շարունակում է կիսվել աշխարհի տարբեր երկրներում ապրող հայտնի և սիրված կինոգործիչների առանձնացրած ֆիլմացանկերով։ Օսկարակիր ավստրալիացի դերասանուհի Քեյթ Բլանշեթը, որը սեպտեմբերին պետք է գլխավորի Վենետիկի միջազգային կինոփառատոնի ժյուրիի կազմը, կիսվել է իր սիրելի ֆիլմերով, որոնց մեծ մասը դիտել է դեռևս երիտասարդ տարիքում, խորհուրդ է տալիս բաց չթողնել այս՝ համաշխարհային կինեմատոգրաֆի ուշագրավ նմուշները։

 

«Սովորական մարդիկ» / “ORDINARY PEOPLE” (1980)

Դերասան Ռոբերտ Ռեդֆորդի ռեժիսորական դեբյուտը մի ընտանիքի մասին է, որտեղ անփույթ պատահարի արդյունքում մահանում է ավագ որդին։ Ֆիլմն արժանացել է 4 «Օսկար»-ի և 5 «Ոսկե գլոբուս»-ի՝ այդ թվում նաև «Լավագույն ֆիլմ» անվանակարգերում։

«Երբ պետք է աշխատեի Ռոբերտ Ռեդֆորդի հետ՝ չէի դադարում մտածել այս՝ սիրտ մորմոքեցնող ֆիլմի մասին։ Կասկած չկա, որ այն ընտանեկան հանգույցների քանդման մասին է, իսկ Մերի Թեյլերի Մուրի մոր կերպարը պարզապես փայլուն է»։

 

«Ջազում միայն աղջիկներ են» / “SOME LIKE IT HOT” (1959)

Բիլի Ուայլդերի լեգենդար կատակերգությունը, որտեղ Թոնի Քյորթիսի ու Ջեք Լեմոնի հերոսները, փախչելով մաֆիայից, թաքնվում են կանացի նվագախմբում և հանդիպում Մերիլին Մոնրոյի լեգենդար հերոսուհուն։

«Հիշում եմ, թե ինչպես էի ուժասպառ ծիծաղում ծովափի տեսարանների ժամանակ»։

 

«Կոյաանիսքատսի» / “KOYAANISQATSI” (1982)

Միացյալ Նահանգների հեղինակային կինոյի կարևորագույն ժամանակակից ռեժիսորներից մեկի՝ Ջոֆրի Ռեջիոյի ֆիլմը, որտեղ գլխավոր դերերում քաղաքի ու լանդշաֆտների պատկերներ են՝ ստեղծված  slow-motion և time-lapse կադրերով, ինչին գումարվում է աշխարհահռչակ Ֆիլիփ Գլասի երաժշտությունը։ Վավերագրական ֆիլմը չունի նարատիվ ու հեղինակի խոսք, տեսաշարն ու երաժշտական մասը ստեղծում են ամբողջ ֆիլմի անկրկնելի մթնոլորտը։

«Հիպնոզացնող։ Այս ֆիլմն ազդում է ինձ վրա, բջիջների մակարդակի վրա»։

 

«Իմ քեռին» / “MON ONCLE” (1958)

Ժակ Տատին 20-րդ դարի խոշորագույն ֆրանսիացի կատակերգակներից է, իսկ «Իմ քեռին» իր առաջին գույնավոր ֆիլմն է, որտեղ հանդիսատեսը տեսնում է Տատիի ֆիլմագրության գլխավոր կրկնվող հերոսին՝ մսյե Յուլոյին նոր էքսցենտրիկ ու զավեշտալի իրավիճակներում։ Հին Ֆրանսիայի կատակերգությունների աուտենտիկ բույրն ու հմայքը գումարած հիանալի դիզայներա-ճարտարագիտական նկարահանման վայրեր։

«Մայրս էր ցույց տվել ինձ այս ֆիլմը. ավելի ստույգ՝ Ժակ Տատիի բոլոր ֆիլմերը, երբ ես երիտասարդ էի։ Ես էլ իմ հերթին նույն բանն արեցի տղաներիս հետ»։

 

«Հանքափորի աղջիկը» / “COAL MINER’S DAUGHTER” (1980)

Հայտնի քանթրի երգչուհի Լորեթ Լինի մասին պատմող կենսագրական և երաժշտական դրաման, որտեղ երգչուհուն մարմնավորող Սիսի Սփեյսեքը սույն դերակատարման համար արժանացել է «Օսկար»-ի և «Ոսկե գլոբուս»-ի։ 34 ամյա Թոմի Լի Ջոնսը հանդես է գալիս Լորեթի ամուսնու դերով։

«Ես Սիսի Սփայսեքի մեծ երկրպագուն եմ, իր քնքուշ ուժն ու շրջապատող աշխարհի հետ մղվող պայքարը դյութում են ինձ։ Բացի այդ, շատ եմ սիրում Թոմի Լի Ջոնսին և սա իր մասնակցությամբ առաջին ֆիլմն էր, որ տեսել եմ»։


Ինչպե՞ս է Բեթմենի թշնամին դառնում «հեղափոխական ինստրուկցիա» ու բազում սրտեր գրավում

Ինչ դիտել, երբ սիրտդ ուզում է ճամփորդել. «Ճամփեզրերին»

Կինոքննադատները խորհուրդ են տալիս. [Ղազախստանից Օլեգ Բորեցկին]

Պեդրո Ալմոդովարը կիսվում է ֆիլմերով, որոնք նայում է ինքնամեկուսացման մեջ

Ինչ դիտել մեկուսացման շրջանում, եթե սիրտդ ուզում է ճամփորդել. «Երկնքի քողի ներքո»

Ալմոդովարից բացի. իսպանական կինոյի կարևորագույն 5 ֆիլմ

Լավ ֆիլմեր, որոնց մասին ոչ ոք չի խոսում. ֆրանսիական «Խնամակալությունը»

Կինոքննադատները խորհուրդ են տալիս. [Ցյուրիխից բրազիլացի Ումբերտո Մուրեյրան]

Հին դրամապանակում մաշված թղթի կտորի վրա 20 տարի ապրած ֆիլմացանկ

Համացանցում հայտնվել է Թիմոթի Շալամեն «Դյունա» ֆիլմի առաջին պաշտոնական կադրում

Ինչ դիտել տանը. ֆրանսիական «Նոր ալիքի» դասական Անյես Վարդայի կարճամետրաժ ֆիլմը

Իլյա Խրժանովսկու «Դաու» մեգամասշտաբային նախագիծը ապրիլին հասանելի կլինի համացանցում

Ինչ դիտել տանը. ամերիկյան կինեմատոգրաֆի 50 indie ֆիլմ

Ինչ դիտել տանն ինքնամեկուսացված. օնլայն կինոդասընթացների հավաքածու

Լավ ֆիլմեր, որոնց մասին ոչ ոք չի խոսում. «Լավ ժամանակ»

Ինչքան վիդեոկոնտենտ են սպառում ամերիկացիներն ու ռուսները կարանտինի օրերին