Ժաննա Մորո. մտքեր, լուսանկարներ - VNews

Ժաննա Մորո. մտքեր, լուսանկարներ

Ֆրանսիացի սիրված դերասանուհի, «Ոսկե արմավենու» կրկնակի դափնեկիր Ժաննա Մորոն ծնվել է 1928 թ. հունվարի 23-ին սիրո քաղաքում՝ Փարիզում: Մորոն իր դերասանական կարիերան սկսել է 50-ականներին, սակայն մինչ այդ խաղացել է թատրոնում:

Դերասանուհին համագործակցել է Լուի Մալի, Ֆրանսուա Տրյուֆոյի, Միքելանջելո Անտոնիոնիի, Բերտրան Բլիեի և այլ հայտնի ու սիրված ռեժիսորների հետ: Այս համագործակցությունների մասին խոսելով՝ դերասանուհին մեկ անգամ խոստովանել է, որ պատկերացում էլ չունի, թե ինչն է իր մեջ գրավել այդ բոլոր հանճարեղ ռեժիսորներին:

Ժաննա Մորոն մահացել է 2017 թ. հուլիսի 31-ին՝ 89 տարեկանում:

Քեզ տրված կյանքն ասես դատարկ հողակտոր լինի, որի վրա դու պետք է շատ ջանք թափես: Ես հույս ունեմ, որ երբ ավարտեմ աշխատանքս, հողակտորս գեղեցիկ բակի տեսք կստանա:

Ազատությունը նշանակում է, որ դու կարող ես ընտրել, թե ով է ստրկացնելու քեզ:

Ընկերոջդ համար ընթրիք պատրաստելիս չմոռանաս սիրո մասին:

Ես ոչ մի խմբի չեմ պատկանում, ես հոգնել եմ: Ես միշտ ինձ լավ եմ դրսևորել, սակայն մարդիկ ինձ լավ չեն վերաբերվել: 

Ես կարծում եմ, որ տարիքը պարզապես թիվ է, թիվ. ո՞ւմ է դա հետաքրքրում:

Շատերի համար կինեմատոգրաֆիան ինչ-որ մակերեսային և գայթակղիչ բան է, բայց ես համաձայն չեմ: Ես կարծում եմ, որ կինեմատոգրաֆիան մեր իրականությունը արտացոլող հայելին է:

Ես պետք է երիտասարդ տարիքում վախճանվեմ. գուցե 17, 18 կամ 19 տարեկանում, բայց անկասկած պետք է երիտասարդ լինեմ:

Դերասան լինելը մասնագիտություն չէ, այլ՝ ապրելակերպ:

Կյանքն արագ է հոսում, սակայն եթե սկսես մտահոգվել դրա մասին, կխոչընդոտես վերջինիս ընթացքին:

Մենք մտքի վիճակը բնութագրող այնքան շատ և մարմնի վիճակը բնութագրող այնքան քիչ խոսքեր գիտենք:

Ես կարծում եմ, որ մեր օրերում շատ մարդիկ են ցանկանում միայնակ ապրել: Դուք կարող եք զույգ կոչվել առանց մեկդ մյուսի գրպանին կպչելու. ես չեմ հասկանում, ինչո՞ւ ենք հարկադրաբար դիմացինի հետ կիսում մեր լոգարանը: 

 Ես չեմ հասկանում, թե ինչպես են մարդիկ կարողանում ատել կամ մոռանալ այն մեկին, որին ժամանակին սիրել են: Ես իմ սիրեկաններին եղբայրներ եմ համարում:

Դու չպետք է տարանջատես կյանքդ և գործդ:

Կինը հանելուկ է տղամարդու համար, և դրա լուծումը վերջինս մյուս կնոջ մեջ է փնտրում:

Մահն առեղծված է: Մենք բոլորս էլ խոցելի ենք և վախենում ենք դրանից, ու հենց այդ վախի զգացումն է, որ կյանքին հետաքրքրություն է հաղորդում:

Սովորաբար, երբ կինը 60 տարեկան է, նշանակում է, որ հասել է վերջին:

Կերպարները, որոնք սկզբից մինչև վերջ մասնակցում են ֆիլմի գործողություններին, ոչ միշտ են համապատասխանում այն կերպարներին, որոնք մեծ ներդրում ունեն ֆիլմի նկարահանման գործում:

Այն համոզմունքը, որ կյանքը սար է, պարզապես կլիշե է: Դու բարձրանում ես վերև, հասնում ես սարի գագաթին, այնուհետև՝ ցած ես ընկնում: 

Երբ դերասանուհին հատում է 40-ի շեմը, մարդիկ նրան տարիքով կին են անվանում: Քանի դեռ ես այստեղ եմ և ոչ մի առողջական խնդիր չունեմ, ես ուժեղ եմ: 

Կինը, որը զղջալու ոչ մի պատճառ չունի, խղճահարության է արժանի:

Կարելի է հետևել նորաձևությանը կամ վազել վերջինիս հետևից, սակայն վազել կարող ես միայն, եթե երիտասարդ ես:

Կինը պետք է այնքան խելացի լինի, որ դուր գա ծանրակշիռ տղամարդկանց և այնքան գռեհիկ, որ դուր գա անխելքներին: Լավ տեսաբանները վատ սիրեկաններ են, իսկ փորձառու մարդիկ չեն խոսում, նրանք գործում են: 

Երբ ինչ-որ մեկի հետ երկարաժամկետ հարաբերություն ես ունենում, սեքսն արվեստի է վերածվում և յորաքանչյուր անգամ այն պետք է մատուցվի ինչպես առաջին անգամ էր:

Սիրախաղի հրավերն աչքերով են գրում:

Ջենտլմենն այն տղամարդն է, որի ներկայությամբ կինը ծաղկում է:

Կյանքը, որով ապրել ես անցյալում է: Կարևոր է միայն այն կյանքը, որով հիմա ես ապրում:

Ես ինձ մեղավոր չեմ զգում. ես անում եմ այն, ինչ կամենում եմ: 

Իմ միակ նպատակը մարդկանց չքննադատելն է:

Ես կարիք ունեմ միայնության:

Ես ծնվել եմ «կյանք» կոչվող մահացու հիվանդությունը ներսումս:

Թարգմանությունը՝ VNews-ի


Պեդրո Ալմոդովարը կիսվում է ֆիլմերով, որոնք նայում է ինքնամեկուսացման մեջ

Հանճարեղ Շառլ Ազնավուրի մասնակցությամբ ֆիլմեր

5 ֆիլմ Ջերեմի Այրոնսի մասնակցությամբ

Նախորդ տարիներին «Ոսկե առյուծի» արժանացած լավագույն ֆիլմերից մի քանիսը

Ժաննա Մորոյի 5 լավագույն ֆիլմերը

Միքելանջելո Անտոնիոնին ասել է…

Ես Մովսիսյան Րաֆֆին եմ…

Ֆրանսիական «Նոր ալիքը». ըմբոստությո՞ւն, թե՞ հեղափոխություն: 6 ֆիլմ «Նոր ալիքի» ներկայացուցիչներից. մաս 2

Ֆանի Արդանի լավագույն ֆիլմերը

Ֆրանսիական «Նոր ալիքի» ներկայացուցիչներն ասում են…

Ֆրանսիական «Նոր ալիքը». ըմբոստությո՞ւն, թե՞ հեղափոխություն: 6 ֆիլմ «Նոր ալիքի» ներկայացուցիչներից

Մոնիկա Վիտի և Միքելանջելո Անտոնիոնի. մուսան և մաեստրոն

Կաննում գլխավոր մրցանակ ստացած 10 լավագույն ֆիլմերը

Մարչելո Մաստրոյանիի լավագույն ֆիլմերից մի քանիսը

Միքելանջելո Անտոնիոնիի 5 լավագույն ֆիլմերը

Սերժ Գենսբուր և Ջեյն Բիրկին. մի սիրո պատմություն