Կարանտինային նորաձևություն. ռետրո պենյուարներից մինչև պինգվիններով պիժամա - VNews

Կարանտինային նորաձևություն. ռետրո պենյուարներից մինչև պինգվիններով պիժամա

75CFDFAA 866C 4674 80BE 1887C58BDD6B 1 - Կարանտինային նորաձևություն. ռետրո պենյուարներից մինչև պինգվիններով պիժամա

«Պենյուար», «պիժամա» ու «նեգլիժե» բառերը լայն միջազգային տարածում ունեն, և այդպես էլ տասնամյակներով մնացել են կանացի զգեստապահարաններում ու դասական դարձած բազմաթիվ ֆիլմերի նկարահանման հրապարակներում։ Պատմում ենք մի քանի հայտնի, տպավորիչ և դասական դարձած «ննջազգեստային» տեսարանների մասին, որոնք դարձել են իրենց ֆիլմերի այցեքարտը։ Խորհուրդ ենք տալիս ուշադրություն դարձնել այս էկրանային «կոստյումներին». շատ հավանական է, որ այս տեսքով ինքնամեկուսացման շրջանը կանցնի ավելի հաճելի և ուշագրավ։

93033885 EFD9 45BF A6AB 501FA4BD7575 960x630 - Կարանտինային նորաձևություն. ռետրո պենյուարներից մինչև պինգվիններով պիժամա

«Բրիջիթ Ջոնսի օրագիրը»

Ռենե Զելվեգերի Բրիջիթ Ջոնսը ժամանակակից կինոյի ամենասիրված ու պոպուլյար կանացի կերպարներից է։ Մաքսիմալ սրամիտ, անկեղծ ու առանց ավելորդ սեթևեթանքների հանդիսատեսը ծանոթանում է երիտասարդ կնոջ լոգանքի, անկողնու, վնասակար սովորությունների ու, իհարկե, հայտնի կարմիր գիշերանոցի հետ, որի վրա պատկերված են փոքրիկ պինգվիններ։ Շատ հարմար է անկողնում քաղցրավենիք ուտելու և սիրելի երգերի տակ պարելու համար։

32A14D72 56AF 4DB8 9721 AC730244F476 960x720 - Կարանտինային նորաձևություն. ռետրո պենյուարներից մինչև պինգվիններով պիժամա

«Սպանության համար հավաքել «Մ»

Ալֆրեդ Հիչքոքի ամենահայտնի ֆիլմերից մեկը, որտեղ նկարահանվել է Մոնակոյի արքայադուստր Գրեյս Քելին։ Կամերային դետեկտիվի ամենահայտնի և նշանակալից տեսարանը գիշերային հեռախոսազանգի պահն է, երբ մարդասպանը պետք է խեղդի Քելիի հերոսուհուն։ Կնոջ կատարյալ սանրվածքն ու դիմահարդարումը ոչ մի աղերս չունեն այն տեսքի հետ, որը սովորաբար ունենում են կանայք միայնակ քնելու ժամանակ։ Սակայն այդ ժամանակ կինոն խոսում էր հենց այդ՝ գերխնամված ու դեկորատիվ լեզվով։ Իհարկե, մահացու վտանգի իրավիճակում Քելին կրում է նրբաճաշակ ու ժանյակագործ զգեստպինյուար։

p.s. Քելին պակաս էլեգանտ չէ Հիչքոքի մյուս՝ «Բակ նայող լուսամուտը» ֆիլմում. մեկ այլ սպիտակ գիշերանոցային հանդերձանքով։

 

478A1C9B 98AE 4268 9649 D76524BD70B2 960x540 - Կարանտինային նորաձևություն. ռետրո պենյուարներից մինչև պինգվիններով պիժամա

«Նախաճաշ Թիֆանիի մոտ»

Ռետրո Հոլիվուդի մյուս գեղեցկուհին՝ Օդրի Հեփբըրնը և իր էկրանային Հոլի Գոլայթլին, որը բնակարանային պայմաններում նույնքան շքեղ է և խնամված, որքան որ նյույորքյան ավենյուներին տաքսի նստելիս։ Հոլիի ամենահիշարժան լուքերից մեկը անկողնային «կոստյումն» է՝ քնելու համար նախատեսված մետաքսե դիմակով, որի վրա ասեղնագործած են մեծ կանացի աչքեր, իսկ կոստյումի դերում հանդես է գալիս օվերսայզ սպիտակ վերնաշապիկը, որը հիանալի ընդգծում է հերոսուհու բոհեմային կենցաղը։ Այդ տեսքով պետք է միայն և միայն վինիլ լսել՝ կոկտեյլի բաժակը ձեռքին։

 

950157F9 2EBD 4830 807F 2BF05118E2F5 960x545 - Կարանտինային նորաձևություն. ռետրո պենյուարներից մինչև պինգվիններով պիժամա

 

«Կատուն շիկացած տանիքի վրա»

Թրուման Կապոտեի վեպից անցում կատարենք Թենեսի Ուիլյամսի պիես՝ Փոլիթների մեծ առանձնատուն, որտեղ հանդիսատեսը դառնում է նյարդային ու լարված ընտանեկան դրամայի ականատեսն ու պասիվ մասնակիցը։ Էլիզաբեթ Թեյլորի և Փոլ Նյումանի հերոսների ննջասենյակը, որտեղ ամուսինները վիճում են և մի կերպ դիմանում իրար, դառնում է հիմնական խաղահրապարկներից մեկը։ Նյումանի հերոսը կապույտ խալաթով է, Թեյլորի Մեգգին ժամանակ առ ժամանակ հագնվում է և մերկանում՝ երբեմն հայտնվելով գայթակղիչ, կազմվածքն ընդգծող սպիտակ պենյուարով։ Արևայրուքի, արտահայտիչ շրթներկի և մուգ մազերի պարագայում ամբողջական տեսքը մաքսիմալ տպավորիչ է։

 

75CFDFAA 866C 4674 80BE 1887C58BDD6B - Կարանտինային նորաձևություն. ռետրո պենյուարներից մինչև պինգվիններով պիժամա

«Շանհայ էքսպրես»

Ջոզեֆ ֆոն Շտերնբերգի ամենահայտնի ֆիլմերից մեկում՝ «Շանհայ էքսպերս»-ի էպիկենտրոնում ռետրո ոճի խորհրդանիշ Մարլեն Դիտրիխը մարմնավորում է շատ հայտնի մարմնավաճառուհու, որը անդադար հայտնվում է դրամատիկ ու արծակախնդրային իրավիճակներում։ Երկրում քաղաքացիական պատերազմ է, և գնացքը զավթվում է ապստամբ խմբավորման կողմից։ Հանուն սիրելի տղամարդու Դիտրիխի հերոսուհին պատրաստ է զոհողությունների, իհարկե, միայն նկարազարդ կիմոնոն հագին։


Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Առաջիկա շաբաթվա կինոպրեմիերաները

93-րդ Օսկարը. ինչպիսին է լինելու տարվա կարևորագույն (մի փոքր տարօրինակ) կինոմրցանակաբաշխությունը

Արցախի մասին պատմող ֆիլմն արդեն երևանյան կինոթատրոններում է

ԱՄՆ ռեժիսորների գիլդիայի նոմինանտների թվում են Դեյվիդ Ֆինչերը, Զաք Բրաֆը և այլոք

Ժան-Ժակ Աննոյի նոր ֆիլմը՝ Նոտր Դամի հրդեհի մասին

Բեռլինալեի հաղթողներն են…

Առաջիկա կինոպրեմիերաները 08.03.21-ից 21.03.21-ը

Մարտին Սկորսեզեի Էսսեն՝ Esquire-ի համար [Ուես Անդերսոնի մասին]