Խաղաղության և ազատության խորհրդանիշն ազատ է բոլորի համար - VNews

Խաղաղության և ազատության խորհրդանիշն ազատ է բոլորի համար

4444 - Խաղաղության և ազատության խորհրդանիշն ազատ է բոլորի համար

 

1958թ. Բրիտանական թագավորական քոլեջը «Ընդդեմ ատոմային զենքի տարածման քարոզարշավի» համար լավագույն խորհրդանիշների մրցույթ հայտարարեց։ Հաղթեց անգլիացի պրոֆեսիոնալ նկարիչ և դիզայներ Ջերալդ Հոլթոմի ներկայացրած պատկերը, որն այսօր  Մեծ Բրիտանիայում համարվում է միջուկային զինաթափման շարժման, մասնավորապես ՝ Միջուկային զինաթափման արշավի (CND) խորհրդանիշ: Միացյալ Նահանգներում և աշխարհի մնացած հատվածներում այս նշանը հայտնի է որպես խաղաղության խորհրդանիշ:

 

methode sundaytimes prod web bin c7dcdb4c 0bdf 11e7 b7a6 9aaa955d37de 960x539 - Խաղաղության և ազատության խորհրդանիշն ազատ է բոլորի համար

 

 

Նախագծման փուլում Հոլթոմը փորձել է միավորել երկու տառեր, որոնք ռազմածովային ազդանշանային համակարգի N (nuclear – միջուկային) D (disarmament – զինաթափում) տառերն էին։ Առաջին անգամ այն օգտագործվել է Լոնդոնի Տրաֆալգարյան հրապարակում հակառազմական երթի ժամանակ։ Դա 1958-ի մարտին էր` Զատկի հանգստյան օրերին։

Պատրաստվել էր փայտե բռնակներ վրա տեղադրված զինանշանի 500 ստվարաթղթե ցուցանակ: Սիմվոլների կեսը պատկերված էր սևով, սպիտակ ֆոնի վրա, մյուս կեսը ՝ սպիտակ, կանաչ ֆոնի վրա: Սա նշանակում էր Զատկի եկեղեցական գույների լիթուրգիական փոփոխությունը ` «Ձմռանից մինչև գարուն, մահից` կյանք»: Սև և սպիտակ զինանշանները` Բարի ուրբաթ և շաբաթ օրվա համար էր, կանաչ և սպիտակը` Զատկի առաջին օրվա և երկուշաբթիի:

 

42571192 303 - Խաղաղության և ազատության խորհրդանիշն ազատ է բոլորի համար

 

Խաղաղության խորհրդանիշի ստեղծող Հոլթոմը հետագայում խոստովանել է. «Ես նկարել եմ հուսահատության մեջ գտնվող մարդուն, որը անզորությունից ձեռքերը թևաթափ կողմ է տարածել այնպես, ինչպես Գոյայի գյուղացի հերոսը` գնդակահարությունից առաջ։ Ես նկարը ձևափոխել եմ գծերի տեսքով և տեղադրել շրջանակի մեջ»։

ERIC AUSTEN FIRST CND BADGE 1024x749 1 960x702 - Խաղաղության և ազատության խորհրդանիշն ազատ է բոլորի համար

 

Այս նշանով առաջին կրծքանշանները սպիտակ կավի վրա` սև նկարով պատրաստեց Էրիկ Օստինը: Կրծքանշանները բաժանվեցին մարդկանց` կից բացատրությամբ, որ միջուկային պատերազմի դեպքում այդ կավե նշանները կմնան որպես  մարդու գոյության ապացույց ու վկա։

 

 

cnd symbol at aldermaston - Խաղաղության և ազատության խորհրդանիշն ազատ է բոլորի համար

Թեև այս պատկերանշանը նախատեսված էր բացառապես հակաօդային շարժման համար, սակայն այն երբեք հատուկ չի պաշտպանել իր հեղինակային իրավունքները։ Այս նշանը օգտագործելու համար ոչ ոք չի վճարել և նախքան օգտագործելը` թույլտվություն չի ստացել։

 

51i3zMzHQkL. AC SY400 - Խաղաղության և ազատության խորհրդանիշն ազատ է բոլորի համար

 

Այս պատկերի հեղինակներն ու տնօրինողները երբեք չեն դնում «copyrighting»-ի նշանը, նույնիսկ այն դեպքում, երբ սա օգտագործում են կոմերցիոն նպատակներով։ Երբեմն զարդերի, հագուստի, գովազդի մեջ կիրառողներին հարցնում են. «Չէի՞ք ցանկանա բարեգործություն անել` հանուն խաղաղության»։

Ընդամենը հարց, ոչինչ ավելի, քանի որ խաղաղության և ազատության խորհրդանիշն ազատ է բոլորի համար։