Կինոքննադատները խորհուրդ են տալիս. [Ղազախստանից Օլեգ Բորեցկին] - VNews

Կինոքննադատները խորհուրդ են տալիս. [Ղազախստանից Օլեգ Բորեցկին]

96BF8F52 7B43 49F8 86AD C6EF8C85C371 - Կինոքննադատները խորհուրդ են տալիս. [Ղազախստանից Օլեգ Բորեցկին]

Շարունակում ենք հարցուփորձ անել աշխարհի ամենատարբեր մայրցամաքներում ապրող կինոգետներին, կինոքննադատներին և կինոլրագրողներին իրենց սիրելի ֆիլմերի մասին և հրապարակել դրանք ֆիլմացանկերի տեսքով։ Արևմտյան եվրոպական կինոմեդիայից տեղափոխվենք Կենտրոնական Ասիա։ Օլեգ Բորեցկու մասին ինձ պատմել է կինոպրոդյուսեր Դիանա Աշիմովան՝ ղազախական կինոարտադրական և փառատոնային ոլորտի ամենակտիվ, երիտասարդ ներկայացուցիչներից մեկը, ում հետ ծանոթացել ենք 2017-ին Թեհրանի միջազգային կինոփառատոնում։ Օլեգը Ղազախստանի ամենաակտիվ կինոտեսաբաններից է, Ալմաթիի «Կեսար» կինոթատրոնում 2003 թվականին հիմնադրված կինոակումբի նախագահը, բացի այդ նաև «Կինոակումբ» և «Կինոբլյուզ» հեռուստա և ռադիոհաղորդումների հեղինակն ու հաղորդավարը։

Ներկայացնում ենք ղազախստանյան կինոքննադատի հնգյակը՝ ֆիլմերի օրիգինալ անվանումներով և ընտրողի մեկնաբանություններով։

CBCE2C0A 44D4 437E 84E3 491ADC770E75 - Կինոքննադատները խորհուրդ են տալիս. [Ղազախստանից Օլեգ Բորեցկին]

«Նոր կինոթատրոն «Պարադիզո» / “Nuovo Cinema Paradiso” , 1988

«Ջուզեպպե Տորնատորեի այս ֆիլմը, կարծում եմ, մեծ կինոյի նմուշ է, ոչ միայն այն մրցանակների շնորհիվ, որոնք բաժին են հասել այս իտալական ֆիլմին, այլ որովհետև սա հիանալի սիրո խոստովանություն է՝ հասցեագրված կինեմատոգրաֆին։ Must-see է բոլոր կինոսիրողների համար։

 

901B82C7 1EA4 492C B053 C1BF57352AC9 960x639 - Կինոքննադատները խորհուրդ են տալիս. [Ղազախստանից Օլեգ Բորեցկին]

«Բացի՛ր աչքերը» / “Abre los ojos” , 1997

Կարծում եմ, Ալեխանդրո Ամենաբարի լավագույն ֆիլմն է։ Հոգեբանական դրաման սկսվում է որպես երիտասարդական լավսթորի և ավարտվում եվրոպական «Մատրիքս»-ի նման։ Խորը հոգեբանական և փիլիսոփայական ֆիլմ է։

 

B681F97F CE47 4DD0 9D7C E03FC484A066 960x540 - Կինոքննադատները խորհուրդ են տալիս. [Ղազախստանից Օլեգ Բորեցկին]

«Հրավառություն» / “HANA-BI” , 1997

Առանձնացրածս երկու ճապոնական ֆիլմերից առաջինը՝ «Հրավառությունը», արժանացել է Վենետիկի կինոփառատոնում գլխավոր մրցանակի՝ Ոսկե առյուծի, կարծում եմ, լիիրավ հաղթանակ էր, Տակեշի Կիտանոյի լավագույն ֆիլմն է, որը պահում է իր հավասարակշռությունը նրբության և դաժանության միջև: Ֆիլմ, որը պետք է դիտել։

 

4E07E1E5 B2FD 4763 B6CF EADA11623BAC 960x540 - Կինոքննադատները խորհուրդ են տալիս. [Ղազախստանից Օլեգ Բորեցկին]

«Գնացածները» / “Okuribito” , 2008

Մյուս ճապոնական ֆիլմը, որը խորհուրդ եմ տալիս դիտել՝ «Գնացածները», արժանացել է Օսկարի։ Ըստ իս կատարյալ ֆիլմ է, այսպիսին պետք է լինի կինոն, որը հավակնում է հաղթանակի «Լավագույն օտարալեզու ֆիլմ» անվանակարգում։

 

9B277D5D C95F 4F70 B493 3E995E9DBAAB 960x520 - Կինոքննադատները խորհուրդ են տալիս. [Ղազախստանից Օլեգ Բորեցկին]

«21 գրամ» / “21 Grams” , 2003

Եվ վերջապես Ալեխանդրո Գոնսալես Ինյարիտուի՝ Մեքսիկայից Միացյալ Նահանգներ անցումային շրջանի ֆիլմ՝ «21 գրամ»-ը Շոն Պենի և Բենիսիո դել Տորոյի մասնակցությամբ։ Բավականին խորքային հիմք ունեցող դրամա, կատարված Ինյարիտուի ուրույն ռեժիսորական ոճի մեջ, որը նա մեծ մասով կորցրել է, երբ սկսել է նկարահանել արդեն միայն ամերիկյան կինո։

բոնուս

Կարծում եմ, սա այն ֆիլմերն են, որոնք արժի նայել և վերանայել, ունենալ սեփական հավաքածուի մեջ։ Ղազախստանական ֆիլմերից այս պահին չկան օրինակներ, որոնք կարող եմ տեղադրել այս հնգյակի կողքին, մեր կինեմատոգրաֆն ավելի թույլ է, բայց որպես բոնուս հիշատակեմ Երմեկ Տուրսունովի «Հարս» / “Kelin” ֆիլմը: Ֆիլմ, որտեղ չկան խոսքեր, այն խառնված է tengrism դիցաբանության հետ և հիմնված է հետաքրքիր պատմության վրա։ Եթե չեմ սխալվում, երկու ղազախական ֆիլմերից մեկն է, որը հասել է Օսկարի կիսաեզրափակիչ։ Այնուամենայնիվ, դիտմանն արժանի ֆիլմ է։»


Մուսոլինիի նախաձեռնությամբ ստեղծված Վենետիկի կինոփառատոնը

Ամերիկացիներն ու ասիացիները՝ որպես բիզնես գործընկերներ

«Նոր էթիկան» և ինչպես է այն ներազդում «Օսկար»-ի վրա

Օսկարակիր ֆիլմի անգլալեզու ռիմեյք՝ Լեոնարդո Դի Կապրիոյի մասնակցությամբ

Օսկարակիր երգեր

Օսկար 2021. քոչվորների տրիումֆը

Հայերը՝ «Օսկարում». նոմինանտներից մինչև մրցանակակիրներ [ու պիցցայի առաքիչ]

«Օսկար»-ի պատմության 5 ամենազավեշտալի դեպքերը

Այս տարվա «Օսկար»-ը կանցնի առանց հյուրերի

93-րդ Օսկարը. ինչպիսին է լինելու տարվա կարևորագույն (մի փոքր տարօրինակ) կինոմրցանակաբաշխությունը

«Օսկար»-ի ամենատարեց նոմինանտը՝ «Լավագույն դերասան» անվանակարգում

Օսկար 2021. հայտնի են հիմնական անվանակարգերի հավակնորդների անունները

Կորոնավիրուսի պատճառով «Օսկար»-ը կանցկացվի միաժամանակ տարբեր վայրերում

Օսկար 2021. ովքե՞ր են հավանական նոմինանտները

Ատոմ Էգոյանի հարցազրույցը իր վերջին՝ «Պատվավոր հյուր» ֆիլմի մասին

Ինչ ֆիլմ դիտել տանը, երբ սիրտդ ուզում է ճամփորդել. «Մեծ ճողփյուն»