Լավ ֆիլմեր, որոնց մասին ոչ ոք չի խոսում. «Անհետացած քաղաքների հավաքածու» - VNews

Լավ ֆիլմեր, որոնց մասին ոչ ոք չի խոսում. «Անհետացած քաղաքների հավաքածու»

es ashxatum em 2 4 - Լավ ֆիլմեր, որոնց մասին ոչ ոք չի խոսում. «Անհետացած քաղաքների հավաքածու»

Դենի Կոտեյի մասին ես իմացել եմ 2017 թվականին՝ Կիևի միջազգային կինոփառատոնում: Ծանոթ չէին ոչ ռեժիսորի հնչեղ անունը, ոչ էլ էքսպերիմենտալ ֆիլմերը, լսել էի միայն մեկի մասին: Պարզվեց՝ իզուր. Կոտեն ոչ միայն տարօրինակ լռակյաց տղամարդ՝ բազմատեսակ ակնոցների հավաքածուով, այլ առաջին հերթին մեծ կանադացի կինեմատոգրաֆիստ է՝ անկախ ռեժիսոր, սցենարիստ, պրոդյուսեր: 10 տարի զբաղվել է կինոքննադատությամբ, 32 տարեկանում որոշել  է թողնել կինոքննադատությունը և նկարահանել իր դեբյուտային ֆիլմը՝ «Հյուսիսային նահանգները», որն արժանացել է Լոկարնոյի միջազգային կինոփառատոնում հեղինակավոր մրցանակի և սկիզբ է դրել ռեժիսորի միջազգային կարիերային: Բազմիցս ցուցադրել է իր ֆիլմերը Բեռլինի և Կիևի միջազգային կինոփառատոներում, ընդգրկվել է Կաննի կինոփառատոնի «Ռեժիսորների երկշաբաթյակ»-ում: Կոտեյի նախավերջին` «Անհետացած քաղաքների հավաքածու» ֆիլմը, որը ինձ բախտ էր վիճակվել տեսնել 69-րդ Բեռլինի կինոփառատոնում՝ համաշխարհային պրեմիերայի ժամանակ, նույն տարի ամիսներ անց բերվում է 16-րդ Ոսկե ծիրանի Լիամետրաժ ֆիլմերի մրցութային ծրագիր:

923841 960x638 - Լավ ֆիլմեր, որոնց մասին ոչ ոք չի խոսում. «Անհետացած քաղաքների հավաքածու»

«Անհետացած քաղաքների հավաքածու»-ն ստեղծելու համար Կոտեն ոգեշնչվել է Մոնրեալի գրականության պրոֆեսոր Լոուրենս Օլիվյեի վեպով և դիմել է 16 մմ ժապավենի օգնությանը: Պատմությունը Քվեբեքի գավառում գտնվող գյուղի մասին է, որտեղ ապրում է ընդամենը շուրջ 200 բնակիչ. բոլորը իրար ճանաչում են, ապրում կողք կողքի: Սակայն մի օր տեղայնքի հանդարտ և մեկուսացված անդորրը խաթարում է ավտովթարի հետևանքով մահացած երիտասարդ Սիմոն Դուբեի փաստը, և գյուղաքաղաքը վերածվում է գերբնականի հետ սահմանող պորտալի:

Հասկանալի չէ, թե ինչի տեղի ունեցել Սիմոնի ավտոմեքենայի հետ, վթար էր թե ինքնասպանություն, և այս պարագայում ստույգ ինֆորմացիայի բացակայությունը միայն ավելացնում է տարօրինակ և միստիկ մթնոլորտի խտությունը, որը կառչած է օդում:

Կոտեն հաճախ է կանգնում վավերագրականի և խաղարկայինի սահմանին՝ չպնդացնելով ոտքը միայն մի կողմի վրա: Հավանաբար, նմանատիպ չգրված բալանսը ապահովում է հանդիսատեսի անմիջական ներկայությունը՝ սառույցի, քամու, մահացած մարդկանց մասին հիշեցնող տարրատեսակ խորհրդանիշների արանքում: Կոտեն, հողագործի պես, փողքը ձեռքին, խնամքով մշակում է հայրենի հողը, ավելի պարարտ դարձնելու ակնկալիքով չի խնայում նյութ ու ջուր, նա կերտում է իր հերոսներին օդից և այդ նույն հողից, որը դատարկվում է, ինչպես Կանադայում՝ այդպես էլ ամենուրեք: Քաղաքի և գյուղի հակամարտությունը կարելի է մեկնաբանել գլոբալիզացիայով, համաշխարհային ճգնաժամներով, հողից ու անշտապ կյանքից կտրվելու ցանկությամբ: Մենք չենք ստանում ոչ մի պատասխան, իսկ ռեժիսորը չէր էլ նախատեսում տալ դրանք: Ժապավենի այդպես կոչված հատիկավորությունը, խամրած մոխրագույն ու կապույտ գույները ստեղծում են մաքսիմալ կեղտոտ տպավորություն, ինչպես եթե մտնեիր լքված և փոշոտ առանձնատուն: Գյուղի բնակիչները կարծես ապրում են ինքնաբերաբար, շարջվում իներցիայով, առանց որևէ հաճույքի, նրանք ապրում են այդ հողի վրա, որովհետև այդպես պետք է՝ այստեղ են թաղված իրենց հարազատները:

original 2 960x805 - Լավ ֆիլմեր, որոնց մասին ոչ ոք չի խոսում. «Անհետացած քաղաքների հավաքածու»

 

 


BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Առաջիկա շաբաթվա կինոպրեմիերաները

93-րդ Օսկարը. ինչպիսին է լինելու տարվա կարևորագույն (մի փոքր տարօրինակ) կինոմրցանակաբաշխությունը

Արցախի մասին պատմող ֆիլմն արդեն երևանյան կինոթատրոններում է

ԱՄՆ ռեժիսորների գիլդիայի նոմինանտների թվում են Դեյվիդ Ֆինչերը, Զաք Բրաֆը և այլոք

Ժան-Ժակ Աննոյի նոր ֆիլմը՝ Նոտր Դամի հրդեհի մասին

[Berlinale-2021]. տարեսկզբի ամենամեծ կինոփառատոնի հուշագրավ ֆիլմերը

[Berlinale-2021]. «Անհաջող կենակցում կամ մոլեգին պոռնո»-ն արժանացել է Ոսկե արջի

Բեռլինալեի հաղթողներն են…

Առաջիկա կինոպրեմիերաները 08.03.21-ից 21.03.21-ը

Մարտին Սկորսեզեի Էսսեն՝ Esquire-ի համար [Ուես Անդերսոնի մասին]

Նորույթ Netflix- ից. Քրիս Էվանսը, Ռայան Գոսլինգը և Ռեժ Փեյջը «The Avengers»-ի ռեժիսորների նոր ֆիլմում

Netflix-ի օգտատերերը քննադատել են Ալ Կապոնեի մասին կենսագրական ֆիլմը

Միխայիլ Գալուստյանը Սարիկ Անդրեասյանից ստացել է «Չներվածը» ֆիլմի իրավունքները` դատարանի միջոցով