Լավ ֆիլմեր, որոնց մասին ոչ ոք չի խոսում. բրիտանական «Խնջույքը» - VNews

Լավ ֆիլմեր, որոնց մասին ոչ ոք չի խոսում. բրիտանական «Խնջույքը»

CC1EF702 308C 481F A694 C6A6FC9E1414 - Լավ ֆիլմեր, որոնց մասին ոչ ոք չի խոսում. բրիտանական «Խնջույքը»

Ռեժիսոր և դրամատուրգ Սալի Փոթերի անունը բավականին հայտնի և հարգված է կինոգիտական շրջանակներում, իսկ «Փոթեր» ազգանունը, բացի հանրահայտ մոգական աշխարհի հետ կապից, այսօր նաև ասոցացվում է ժամանակակից բրիտանական հեղինակային կինոարվեստի ամենասրամիտ և նրբաճաշակ հեղինակներից մեկի հետ, ով նկարահանում է ոչ այդքան հաճախ, ինչքան կարելի էր ցանկանալ, սակայն փաստ է, որ բավականաչափ աչալուրջ հետևում է սլացող աշխարհի զարկին։ Փոթերի «Խնջույքը» / “The Party” ֆիլմն ամենաառաջին անգամ ցուցադրվել է 2017-ին՝ Բեռլինալեի մրցութային ծրագրում։ Համաշխարհային պրեմիերայից 3 տարի անց ձեր ուշադրությունն ենք հրավիրում ազգային կոլորիտին բնորոշ նրբաճաշակ ու սրամիտ՝ պիեսաձև, մի տան մեջ ծավալվող դրամատիկ կատակերգությունը՝ dream team դերասանական անսամբլով։

սյուժե

Բիլի (Թիմոթի Սփոլ) և Ջենեթի (Քրիսթին Սքոթ Թոմաս) տանը խնջույք է նախատեսվում. հավաքվում են զույգի ընկերները՝ շփվեն, վայելեն վինիլային սկավառակների հնչյունները, ընտիր գինին և Ջենեթի խմորային զամբյուղիկները, որոնք, պատմության նշանակետի պես, մի պահ շարժվում են տեղից և ուղևորվում ջեռոց։ Ջենեթի ընկերները ինտելեկտուալներ են, առանց որևէ բարդության, պինգպոնգի գնդակի պես, իրար դաշտ են նետում ծակող նկատողությունները, միմյանց հասցեին հնչում են կծող հարցադրումներ և սթափեցնող ճշմարտություններ. օրակարգում քաղաքականությունն է, երեխա ունենալու կարևոր հարցը, սոցիալական անարդարությունը։

BA142FFA F377 4C3A B7DD 14625DC7D1F2 960x641 - Լավ ֆիլմեր, որոնց մասին ոչ ոք չի խոսում. բրիտանական «Խնջույքը»

Հերոսները սկսում են պարզել իրենց հարաբերությունները և շրջապատող միջավայրը, Բիլը, որը գրեթե ամբողջ ֆիլմի ընթացքում անշարժ նստած է բազկաթոռին, շոկի է ենթարկում ներկաներին դրամատիկ հայտարարությամբ, հյուրերից ամենաերիտասարդը և նյարդայինը՝ Թոմը (Քիլիան Մյորֆի), անդադար վազում է զուգարան սթափվելու կամ կոկաինի նոր չափաբաժին շնչելու համար, երեխա նախատեսող լեսբի զույգը (Չերի Ջոնս և Էմիլի Մորթիմեր) արդարանում է հարցի սոցիալբարոյական կողմից դրդված, իսկ Ջանեթը խոհանոցում թաքուն խոսում ու գրվում է անհայտ մեկի հետ։ Ադուլտյեր, ալկոհոլ, հին խռովություններ, դառը մեկնաբանումներ։ Բացի նմանատիպ գունագեղ ու հետաքրքրաշարժ սուբյեկտօբյեկտներից, ֆիլմում նաև առկա են խանդի յուղոտ չափաբաժին, վրեժ լուծելու անհագ ցանկություն և հրացան, որը, ինչպես մեզ հայտնի է գրված օրենքից, պետք է մի պահ գործի դրվի։

5411DA24 9143 4840 863D F31E01400BB6 - Լավ ֆիլմեր, որոնց մասին ոչ ոք չի խոսում. բրիտանական «Խնջույքը»

Ի տարբերություն համաշխարհային կինոգործարանի իր լեհ գործընկերոջ՝ Ռոման Պոլանսկու, որը տարիներ առաջ նույնպես տեղադրել էր ամուսնական զույգերին մի տան մեջ՝ չորս պատերի ու խնդիրների արանքում, և փորձել խոսել սուրսատիրիկ բարբառով, Փոթերի «Խնջույքը» այդքան միանշանակ և հնարածին չէ։ Բրիտանացի հեղինակը իսկապես մտահոգված է Brexitով, ժամանակակից եվրոպական արժեքներով ու օրակարգով, բազմիցս փիլիսոփայական հղումներ է անում, հիմնականում Բռունո Գանցի հերոսի միջոցով, և սրամտում շիկահեր Էյփրիլի շուրթերով՝ դերասանուհի Պաթրիշա Քլարքսոնը կադրում որոշակի կերպով դառնում է ռեժիսորի ալտերէգոն։

3647B9A0 C222 4568 9510 E2AA55E501DF 960x532 - Լավ ֆիլմեր, որոնց մասին ոչ ոք չի խոսում. բրիտանական «Խնջույքը»

Սև ու սպիտակ «խնջույքը» նաև քաղաքական պայքարի, ինչու չէ նաև հասարակության մեջ շահեկան դիրք ու դիվիդենդներ կորզելու մասին է՝ “party”-ն անգլերեն հենց «կուսակցություն» էլ է նշանակում է։

Ռուս օպերատոր Ալեքսեյ Ռադիոնովն ու բրիտանացի Փոթերը միասին զրկում են մեզ պաթոսից, ծանրամարս թվացող թեման թուլացնում զավեշտալի իրավիճակներով և բացարձակ անհարմար չեն զգում պարզ հումորներ օգտագործելիս։ Մի խոսքով զվարճացնում են հանդիսատեսին խուտուտ տալով թե՛ մարմինները, և թե՛ ուղեղը։ Իսկ փայլուն դերասանական կազմը միայն ավելի սաստիկ է դարձնում արձակվող հնարամտությունների ու տիրող մթնոլորտի հմայքի աստիճանը։

 

 


5 զվարճալի, երգիծական, ամերիկյան ֆիլմ ընտրությունների մասին

[Berlinale-2021]. տարեսկզբի ամենամեծ կինոփառատոնի հուշագրավ ֆիլմերը

[Berlinale-2021]. «Անհաջող կենակցում կամ մոլեգին պոռնո»-ն արժանացել է Ոսկե արջի

[Berlinale-2021]. «Մավրիտանացին» և փառատոնի մյուս՝ պակաս աստղային ֆիլմերը

[Berlinale-2021]. իրանա-ֆրանսիական դրաման և մրցութային կարճամետրաժները

[Berlinale-2021].վավերագրական Թինա Թյորների մասին, ֆրանսիական սոցդրամա և ռումինական սատիրա

[Berlinale-2021].վավերագրական Արցախի մասին, կորեական մինիմալիզմ և գերմանական մեյնսթրիմ

Բեռլինի կինոփառատոն. ինչպիսին է տարեսկզբի կարևորագույն եվրոպական կինոտոնը

10 ռոմանտիկ կատակերգություն՝ Netflix-ից

5 Սուրբծննդյան կատակերգություն, որոնք դուք հնարավոր է դեռ չեք տեսել

Ինչ դիտել, երբ սիրտդ ուզում է ճամփորդել. «Ճամփեզրերին»

Լավ ֆիլմեր, որոնց մասին ոչ ոք չի խոսում. բրիտանական «Վերա Դրեյքը»

Գարնանա-ամառային կինոզբոսանք կարանտինի օրերին

Լավ ֆիլմեր, որոնց մասին ոչ ոք չի խոսում. «Վերջին դիմանկար»

Լավ ֆիլմեր, որոնց մասին ոչ ոք չի խոսում. «Փամփուշտներ Բրոդվեյի վրայով»

Հինն ու նորը. ինչպիսին են հայտնի րիմեյքների օրիգինալ տարբերակները