Լավ ֆիլմեր, որոնց մասին ոչ ոք չի խոսում. «Ժառանգորդները» - VNews

Լավ ֆիլմեր, որոնց մասին ոչ ոք չի խոսում. «Ժառանգորդները»

es ashxatum em 2 6 - Լավ ֆիլմեր, որոնց մասին ոչ ոք չի խոսում. «Ժառանգորդները»

Ի՞նչ է հայտնի հայաստանցիներին ժամանակակից պարագվայական կինոինդուստրիայի մասին. առանձնապես ոչ մի բան: Մինչ այդ Պարագվայը հաճախակի միավորվում է հարևան երկրների հետ (և ոչ միայն) ու փորձում միահամուռ ուժերով գրավել միջազգային հեղինակավոր հարթակները:

Այդպես երկու տարի առաջ Բեռլինի միջազգային կինոփառատոնում հաջողությամբ ներկայացվեց պարագվայցի ռեժիսոր և սցենարիստ Մարսելո Մարտինեսիի «Ժառանգորդները» կատակերգական դրաման, որը ստեղծվել է ոչ միայն տեղեկան ֆինանսների հաշվին, այլ նաև Ուրուգվայի, Բրազիլիայի և մի քանի եվրոպական երկրների աջակցությամբ:

Ֆիլմի գլխավոր հերոսուհիները՝ Չելան և Չիքիթան են, 60-ն անց ունևոր կանայք, որոնք տասնամյակներ շարունակ ապրում են Չելայի ժառանգության շնորհիվ, իսկ այժմ ստիպված վաճառում են թանկարժեք պապական սպասքը և դեկորը:

heiress 1024x448 1 960x420 - Լավ ֆիլմեր, որոնց մասին ոչ ոք չի խոսում. «Ժառանգորդները»

Նվաստացուցիչ քայլին զույգը գնացել է անճարությունից. Չիքիթան խնդիրներ ունի դատարանի հետ և պետք է վճարումներ կատարի, իսկ մինչ այդ ստիպված ուղևորվում է բանտ: Չելան, ինչպես բազմաթիվ ունևոր մարդկանց զավակներ, երբեք չի զբաղվել կենցաղային և փողային հարցերով, պարտադրված չի եղել աշխատել օրվա ապրուստն ապահովելու համար, իսկ այժմ, երբ մնացել է միայնակ իրեն խնամող սպասուհու հետ, իրեն հետաքրքիր խնդրանքով է դիմում տարեց հարևանուհին:

Կնոջն անհրաժեշտ է միանալ ընկերուհիների հետ ավանդական խաղաքարտային խաղին, սակայն տաքսի պատվիրել նա չի ցանկանում, այդ իսկ պատճառով դիմում է Չելային, որը ժառանգել է ոչ միայն տարատեսակ բյուրեղյա բաժակներ և արծաթյա պատառաքաղեր, այլ նաև հոր վինտաժային «Մերսեդես»-ը: Այդպես Չելան, որը, մինչ այդ ավտոմեքենայի ղեկին էր նստում հազարից մեկ՝ այն էլ անվստահ և նյարդայնացած, սկսում է կամաց-կամաց ոչ միայն հղկել սեփական վարորդական հմտությունները, այլ նաև գումար վաստակել և դառնալ հնարավորինս ավելի ինքնուրույն: Իրավիճակն ավելի է հետաքրքրանում, երբ Էնջին, «խաղաքարտային ակումբ»-ի մասնակից կանանցից մեկի ծանոթը, խնդրում է Չելային հասցնել իրեն նախկին բոյֆրենդի տուն՝ իրերը վերցնելու:

Մարտինեսին նուրբ, առանց որևէ ճնշման և կտրուկ հնարքների կերտում է այս գողտրիկ, զգայուն և էսթետիկ էլեմենտներով լի կանացի աշխարհը, որտեղ բոլոր տների առաստաղները բարձր են, իսկ կահույքը շագանակագույն կամ մուգ կարմիր փայտից է: Խնամված, ծեր կանայք գուցե և ունեն որոշակի առողջական խնդիրներ, լավ չեն լսում և ակտիվ չեն տեղաշարժվում, սակայն երբեք չեն մոռանում շրթներկի և մատնահարդարման մասին, իսկ ջլուտ ձեռքերին և պարանոցներին մշտապես ոսկեզօծ զարդեր են: Էնջին ուրիշ է. ավելի երիտասարդ, բարեկազմ, զգացմունքային, նա կիսա-ընկերական, կիսա-ֆլիրտային միջավայրում սովորեցնում է Չելային ծխել և արևային ակնոց կրել, փոխում է սովորական դարձած, հնամոլ առօրյան, թեքում է ավտոմեքենայի ղեկը տրորված արահետից:

di heir1 960x529 - Լավ ֆիլմեր, որոնց մասին ոչ ոք չի խոսում. «Ժառանգորդները»

Ինչպես և պարագվայական մթնոլորտը հագեցած է արևահարված, պեպենոտ կանանցով, նրբաճաշակ կահույքով, թեժ երկխոսություններով և երիտասարդական հիշողություններով, այդպես էլ դիտողական օպերատորական աչքը հետևում է հերոսուհիներին մոտիկից, բայց ոչ շատ մտերմիկ, պահպանում է տարածությունը, օրինակ, գլխավոր հերոսուհու՝ Չելայի անհանգիստ և մտազբաղ դեմքը նկարելիս, որը փոխվում է պատմության երկրորդ կեսում:

Հատուկ՝ սալորագույնից մինչև երկնագույն երանգների գունապնակը տեղափոխում է հանդիսատեսին հանդարտ, սակայն բազմաթիվ ներքին ապրումներով և իրադարձություններով լի պարզ, բայց բազմաշերտ կնոջ կյանք: Կին, որին երբեք հնարավորություն չի տրվել կատարել սեփական կոմֆորտ զոնայից դուրս ընտրություններ և շարժվել նոր՝ ավելի անապահով ճանապարհով: Կարճ ժամանակահատվածում նա հասկանում է, թե ինչ ուղղություն պետք է վերցնի: Կիրքը, սերը, ընկերությունը և բարեկեցությունը հրաշալի երևույթներ են, սակայն ափսոս կլինի ունենալ այդ ամենն առանց անհատական պոտենցիալի և երազանքների ռեալիզացման:

 


Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Առաջիկա շաբաթվա կինոպրեմիերաները

93-րդ Օսկարը. ինչպիսին է լինելու տարվա կարևորագույն (մի փոքր տարօրինակ) կինոմրցանակաբաշխությունը

Արցախի մասին պատմող ֆիլմն արդեն երևանյան կինոթատրոններում է

ԱՄՆ ռեժիսորների գիլդիայի նոմինանտների թվում են Դեյվիդ Ֆինչերը, Զաք Բրաֆը և այլոք

Ժան-Ժակ Աննոյի նոր ֆիլմը՝ Նոտր Դամի հրդեհի մասին

[Berlinale-2021]. տարեսկզբի ամենամեծ կինոփառատոնի հուշագրավ ֆիլմերը