Մի երգի պատմություն. «The Beatles»՝ «Hey Jude» - VNews
    • Մշակույթ Vnews

      Մշակութային նորություններ Հայաստանից և աշխարհից

Մի երգի պատմություն. «The Beatles»՝ «Hey Jude»

«Ամեն անգամ, երբ ցավ կզգաս, երգիր, Ջո՜ւդ…»

«The Beatles» հայտնի խմբի «Hey Jude» բալլադը հետաքրքիր պատմություն ունի, որը, սակայն, շատ քչերին է հայտնի: Խմբի գրեթե բոլոր երկրպագուները գիտեն երգի խոսքերը, բայց քչերը գիտեն՝ ինչու կամ երբ է այն ստեղծվել և ում է նվիրված…

Ջոն Լենոնը, Փոլը, Սինթիան և Ջուլիանը…

Ջոն Լենոնը և նրա առաջին կինը՝ Սինթիա Լենոնը որոշում են բաժանվել: Նրանց որդու՝ Ջուլիանի համար սկսվում է մի դժվար և ծանր շրջան: Բաժանության լուրը ծանր էր նաև ընտանիքի լավագույն ընկերոջ՝ Փոլ ՄաքՔարթնիի համար, որն էլ իր հերթին որոշում է գրել մի այնպիսի երգ, որը աջակցություն կդառնա Ջուլիանի համար: Բայց յուրաքանչյուր վատ բան մի լավ բանի սկիզբ է…

Լենոնը և Սինթիան

Եվ այդպիսով ծնվում է «Hey Jude»-ը…

«Հեյ, Ջո՜ւդ, քեզ մոտ ամեն բան կստացվի, դու ունես այն ամենն, ինչ պետք է…»

1968 թ. ամռանը ծնվեց մի երգ, որը պիտի դառնար հաջորդ սերունդների սիրելին ևս: Փոլը մեքենայով ինչ-որ տեղ էր գնում և ճանապարհին փորձում էր մի երգ գրել, բայց չէր կարողանում, քանի որ նրա բոլոր մտքերը Լենոնի ընտանիքի մասին էին: Նա չէր կարողանում համակերպվել այն մտքի հետ, որ զույգը, որին նա այդքան երկար ճանաչում էր, բաժանվում է: Եվ նա սկսում է մտածել՝ ինչ ասել Ջուլիանին, որ նա ուժ ունենա անցնել այս ամենի միջով: Նա ուզում էր, որ Ջուլիանն իսկապես հավատա՝ ամեն ինչ լավ է լինելու:

Հենց այդ պահին էլ Փոլը որոշում է մի երգ գրել, որը պիտի սկսվեր «Hey JuLe» բառերով: Ավելի ուշ Փոլը որոշում է «Hey JuLe»-ը փոխարինել «Hey JuDe»-ով:

Ջուլիանն այս նվերի մասին իմանում է միայն 20 տարի հետո, իսկ Լենոնը մինչև այդ ավելի քան վստահ էր, որ երգը Փոլն իրեն է նվիրել, չնայած նրան, որ Փոլը պնդում էր, որ երգը հենց իր մասին է:

«Հեյ, Ջո՜ւդ, մի տխրիր, վերցրու տխուր երգն ու փորձիր դրանից մի լավ բան ստանալ…»

Սինգլն ու դրա հաջողությունները…

«The Beatles»-ի «Hey Jude» բալլադը ձայնագրվել է 36 երաժշտից բաղկացած նվագախմբի ուղեկցությամբ, որոնց էլ խմբի տղաները խնդրել են ծափահարել և ձայնակցել երգի վերջին մասում:

Երգը ներկայացվել է 1968 թ.-ի օգոստոսի 26-ին, որից անմիջապես հետո տարածվել է, սիրվել և առաջատար դարձել տարբեր չարթերում: Այն կարողացել է «Rolling Stone» ամսագրի կազմած բոլոր ժամանակների 500 լավագույն երգերի ցանկում դառնալ 8-րդը:

«Հեյ, Ջո՜ւդ սկսիր, ինչ-որ մեկի՞ն ես սպասում… Քեզնից բացի այստեղ ոչ ոք չկա»

The Beatles՝ Hey Jude

Հետևեք մեզ նաև Instagram-ում, Twitter-ում և YouTube-ում

Տես նաև՝

Մի երգի պատմություն. Ջոն Լենոն՝ «Imagine»

Մի երգի պատմություն. «Queen»՝ «Bohemian Rhapsody»

Մի երգի պատմություն. Լուի Արմսթրոնգ՝ «What a Wonderful World»

Մի երգի պատմություն. Ռեյ Չարլզ՝ «Georgia On My Mind»

 

 

 

 

 

 

 

 

 

 

 

 

 

 

 

 

 

 


Մի երգի պատմություն. «Միլիոն ալ վարդեր» [Миллион алых роз]

«Գարուն է եկել». մի սիրուն երգի պատմություն. «Լավ էլի»

«Bella, ciao», մի երգի պատմություն

Ռեժիսոր Փիթեր Ջեքսոնը վավերագրական ֆիլմ է ստեղծել The Beatles խմբի մասին

Յոկո Օնո. ճակատագրական կին

Ֆրեդի Մերկուրիի կարապի երգը. show must go on

She Loves You. մի երգի պատմություն

Ի՞նչ դիտել սեպտեմբերին հայաստանյան կինոթատրոններում

Մի երգի պատմություն. The Beatles՝ «Let It Be»

Դրեյքի նոր դաջվածքը բարկացրել է Beatles-ի երկրպագուներին

Մի երգի պատմություն. Nemra՝ «Room N11»

Beatles-ի հայտնի լուսանկարի պատմությունն ու «թաղման» վարկածը

Մի երգի պատմություն. «Հուսո Առագաստ»

Մի երգի պատմություն. Մարինա Ցվետաևա՝ «Мне нравится, что вы больны не мной»

Մի երգի պատմություն. Սթինգ՝ «Shape of My Heart»

Մի երգի պատմություն. Հոզիեր՝ “Take Me To Church”