Մի գլուխգործոցի պատմություն. The Madonna of Port Lligat - VNews

Մի գլուխգործոցի պատմություն. The Madonna of Port Lligat

Դալին ունիկալ նկարիչ էր: Նրա կյանքն ու ստեղծագործությունն էքսցենտրիկ էին այն աստիճան, որ կարողացան դարձնել նրան համաշխարհային արվեստի միֆոլոգիական կերպար: Սյուրեալիզմը ոչ միայն նրա ոճն էր, այլև՝ կենսակերպը: Նա չէր տեսնում սահմանագծեր ու նկարում էր ամեն ինչ՝ սեր, սեքսուալ հեղափոխություն, մարդկանց, կանդանիների՝ հաճախ միաձուլելով այդ ամենը մի կտավի վրա:

«The Madonna of Port Lligat»

Իբրև իր նկարի նախատիպ Դալին օգտագործել է Պիեռո դելլա Ֆրանչեսկայի հայտնի կտավներից մեկի սյուժեն:

«The Madonna of Port Lligat»-ը համարվում է Դալիի ամենասկանդալային գործերից մեկը: Այստեղ նկարիչը հմտորեն միավորել է միստիցիզմն ու քրիստոնեական մոտիվները: Իր նկարով Դալին ցանկություն ուներ համոզելու իր տաղանդի երկրպագուներին ու քննադատներին, որ վերադարձել է հավատքի: Սակայն անուղղելի սյուրեալիստի համար դա այնքան էլ հեշտ բան չէր, ավելին՝ նկարից հետո քննադատները նկարչի նոր ոճն անվանեցին «միջուկային միստիցիզմ», այսինքն մի ուղղություն, որը չափազանց հեռու էր հավատքից ու քրիստոնեությունից:

Գեղանկարի առաջին տարբերակը. 1949 թվական

Դալին ու կաթոլիկները

Բայց արի ու տես 1919 թվականին Հռոմի Պապ Պի 12-րդն օրհնեց այս կտավը, Դալին իր հերթին ի նշան հարգանքի կտավը նվիրեց Պիյին: Ենթադրաբար այս քայլը կապված էր կաթոլիկ եկեղեցու ճգնաժամի հետ  և միտված էր ցույց տալու, որ կաթոլիկությունը բաց ու պրոգրեսիվ կրոն է: Կաթոլիկների առաջնորդին չէր հուզում անգամ այն փաստը, որ Աստվածածնի կերպարի նախատիպ էր հանդիսացել Դալիի սերը՝ Գալա Դալին, որն էլ հայտնի էր բազմաթիվ սկանդալային պատմություններով:

Ինչի՞ մասին էր հայտնի կտավը

Խոսելով նկարի նշանակության մասին՝ շատերը հղում են տալիս հոգեվերլուծության հիմնադիր Ֆրեյդին ու ներկայացնում նկարի ֆրեյդական վերլուծությունը.

Այսպիսով Աստվածամոր կերպարում Դալին միաձուլել է սիրելի կնոջ և մահացած մոր կերպարները: Այս կերպ Դալին կարծես կենդանություն է տալիս մորը, որը մահացել էր 47 տարեկանում քաղցկեղից: Կտավում նաև արտահայտվում է Դալիի նոր հոգեբանական մակարդակի հասնելու անավարտ պրոցեսը: Աստվածամոր ձեռքերը պաշտպանիչ նշաակություն ունեն:

Քրիստոսի կերպարում Դալին՝ չզլանալով ևս մեկ անգամ ընդգծել իր «աստվածայինությունը», պատկերել է ինքն իրեն: Պատկերված պատուհանները խորհրդանշում են վերափոխումը դեպի այլ իրականություն, որտեղ մորն ու որդուն կապում են ուրիշ հարաբերություններ: Կտավի վերևում պատկերված ձուն բացահայտ ակնարկ է ավանդական քրիստոնեական սրբապատկերներում հանդիպող Հայր Աստծո ու Սուրբ Հոգու մասին: Ընդհանուր առմամբ Աստվածամայրը Դալիի վրձնով ներակայանում է, որպես մասնատված ու պղծված, նա թե՛ նմանվում է Վերածննդի ժամանակների իդեալներին, թե՛ 20-րդ դարի ազատ ու ճակատագրական կանանց:

Երկրորդ տարբերակը. 1950 թվական

Այստեղ բարդ չէ նկատել այն լոկացիան, որտեղ Դալին և Գալան ձկնորսական խրճիթ էին վարձել 1929 թվականին, իսկ տարիների ընթացքում կարողացան գնել այն, լցնել «դալիական» բազմաթիվ ատրիբուտներով:

Այսօր այստեղ է գտնվում Դալիի տուն-թանգարանը:

 

 


Մի նկարի պատմություն

Հայ զինվորը ադրբեջանցի տատիկի գրկում… մի լուսանկարի պատմություն

«Թայմ Սքուերի համբույր» կամ «Անվերապահ կապիտուլյացիա»

«Կնոջ դիմանկարը». մի կտավի պատմություն

Լորենի հայացքն ու Մենսֆիլդի կրծքերը

Դա Վինչի՝ «Կզաքիսով տիկինը». Գաղտնիքներն ու ճանապարհորդությունները

Մեկ օր Սալվադոր Դալիի հետ. մեծ սյուրռեալիստի բացառիկ լուսանկարները

Հայտնիների վենետիկյան հանգստի բացառիկ լուսանկարները…

Մարդիկ պատմում են հայտնի մարդկանց հետ իրենց անհավանական հանդիպումները

Սալվադոր Դալիի «Ալիսը հրաշքների աշխարհում» բացառիկ շարքը

Պիկասո՝ «Գեռնիկա». Պատմական ենթատեքստն ու բացատրությունը

Ռուբենս՝ «Ապստամբ հրեշտակների ընկնելը». Կտավ, որը փորձեցին ոչնչացնել

Սելֆի, որի արդյունքում վնասվել են Դալիի և Գոյայի կտավները

Մեծերի արտասովոր պատմությունները

Անմահ դասականը. Werner Goldberg

Ֆրիդա Կալո՝ «Երկու Ֆրիդաները». Իրական ու երևակայական Ֆրիդաները