Մի օպերայի պատմություն. հուշագրություն - VNews

Մի օպերայի պատմություն. հուշագրություն

Հայտնի է, որ «Ալմաստ» օպերան Ալեքսանդր Սպենդիարյանի ստեղծագործություններից մեկն է: Այն հայ ժողովրդի հերոսական-ազատագրական պայքարն արտացոլող երաժշտական դրամա է: Բաղկացած է 4 գործողությունից: Առաջին անգամ բեմադրվել է Մոսկվայում՝ 1930 թվականին, հայտնի Մեծ թատրոնի մասնաճյուղում:

Իսկ ինչպե՞ս  այն ստեղծվեց: Ի՞նչ նախապատմություն ունի հայկական ամենահայտնի օպերաներից մեկը: Մենք որոշել ենք այսօր անդրադառնալ այդ փաստին և առանձնացրել ենք Հովհաննես Թումանյանի դստեր՝ Նվարդ Թումանյանի հուշագրությունը…

Ալմաստ օպերայի պաստառը, Պրեմիերա 1933թ․ հունվարի 20, Ա. Սպենդիարյանի անվան օպերայի և բալետի ազգային ակադեմիական թատրոն

Հուշագրություն. Նվարդ Թումանյան

«Ալեքսանդր Սպենդիարյանը հաճախ էր այցելում հայրիկին. ճաշերին երբեմն մեր տուն էր գալիս, երեկոները հայրիկի հետ անցկացնում:

Սպենդիարյանը հետաքրքրվեց «Անուշ» պոեմով. ուզում էր ձայնագրել: Բայց ծանոթանալուց հետո նյութը գտավ միանգամայն անծանոթ: Որոշեցին ամռանը միասին Լոռի գնալ: Հետո հայրիկը կարդաց «Փարվանան». կոմպոզիտորը հավանեց և ավելի հարմար գտավ օպերայի համար, բայց նկատեց, որ սյուժեն փոքր էր: Խնդրում էր՝ հայրիկը որոշ հատվածներ ընդարձակի, երգեր ավելացնի և այսպիսով իրեն հնարավորությւոն տա օպերա գրելու: Հայրիկը կարծես թե գլխի ընկավ նրա ցանկացածը և կարդաց «Թմկաբերդի առումը»:

Սպենդիարյանն ուրախացած տեղից վեր թռավ ու սկսեց սենյակում ոգևորված ման գալ: Նա խնդրեց, որ հայրիկն ամբողջ պոեմը բառացի թարգմանի իր համար: Առանձնապես հավանել էր նախերգանքը: Ոգևորված քայլումէր ու արտասանում.

«Հեյ, պարոններ, ականջ արեք թափառական աշուղին…»

և խնդրում էր հայրկին, որ պեոմը նորից կարդա:

Երկուսով նստած՝ մինչև ուշ գիշեր պոեմը արարների էին բաժանում, պատկերներ գծում:

…Հայրիկի ցանկությամբ օպերան պիտի կոչվեր «Գոհար» իշխանուհու անունով: Բայց, ինչպես հետագայում Ալեքսանդր Սպենդիարյանն է բացատրել. երկու ձայնավորների՝ օ-ի և ա-ի հարևանությունը խանգարել է երաժշտությունը գրելիս, ուստի և «Գոհարը»փոխարինել է այդ անվան հոմանիշ «Ալմաստ» անունով»:

Կարդացեք նաև՝

 


Հայտնի ծնողների հայտնի ժառանգները…

«Դառնացած ժողովուրդ». Հովհաննես Թումանյան

Համաշխարհային գրողների մտքերը պատերազմի մասին

Հովհաննես Թումանյանը զորավար Անդրանիկին գրել է…

Բացառիկ օնլայն համերգ՝ Artists for Artsakh

Հովհաննես Թումանյան, Թիֆլիս, 1914 թվական…

Ուրախ դեպքեր հայ մեծերի կյանքից

ԱԽԹԱՄԱՐ [Եվ Թամարը սըրտատըրոփ…]

Թումանյանի արժանի զավակը՝ Արտավազդ Թումանյան

Օլգա Թումանյան. Հովհաննեսի սիրող ու գթասիրտ կինը

Հովհաննես Թումանյանի ամենամտերիմ ընկերը

Երբեք չեմ մոռանում մի զվարճալի դեպք… [պատմում է Ավետիք Իսահակյանը]

Վահան Տերյանի նամակը Նվարդ Թումանյանին

Միասին Հանուն Երաժշտության

Կին վիպասաններ, որոնք բեսթսելլերներ են հեղինակել

Զրուցել ենք Թամար Ալեքսանյանի հետ. [Գրականության ուսուցման դպրոցական ծրագրի մասին]