Մի քանի բան, որ մատնում են՝ դու խելացի ես - VNews
    • Մշակույթ Vnews

      Մշակութային նորություններ Հայաստանից և աշխարհից

Մի քանի բան, որ մատնում են՝ դու խելացի ես

Խելացի մարդկանց ջրի երես հանելու մի շարք կարծրատիպեր կան. ինչեր ասես, որ չենք վերագրում նրանց: Մենք սովոր ենք կարծել, որ խելացիները դպրոցում բացարձակ գերազանցիկ են եղել, որ նրանք երբեք չեն հետաձգում անելիքները և պատասխանատվության բարձր զգացողություն ունեն: Հետազոտությունները հերքում են մեր համոզմունքները: Բարձր ինտելեկտը կարող է ուղեկցվել մի շարք անսպասելի յուրահատկություններով: Մենք առաջարկում ենք ծանոթանալ խելացի լինելու մի քանի նախանշանների և գտնել ձեզ այս հոդվածում:

Դուք հումորի լավ զգացողություն ունեք

Նյու Մեքսիկոյի հետազոտողները վկայում են՝ նրանք, ում հաջողվել է զավեշտալի վերնագրեր տալ կոմիքսներին, ավելի բարձր արդյունքներ են գրանցում ինտելեկտուալ թեստերում: Նույն գիտնականների մեկ այլ հետազոտություն փաստում է՝ պրոֆեսիոնալ կոմիկները ոչ միայն ավելի բարձր ինտելեկտ ունեն, այլև նրանց մոտ է լավ են զարգացած վերբալ ունակությունները:

Ուշ եք քնում

2009 թվականին «Personality and Differences» ամսագրում գիտական հոդված հրապարակվեց, որը պատմում էր երեխաների ինետելեկտի և քնի միջև առկա կապի մասին: Հետազոտությանը մասնակցել է ավելի քան 1000 դեռահաս: Արդյունքները ցույց են տվել, որ ավելի ընդունակ երեխաները ուշ են պառկում քնելու և ուշ են արթնանում թե՛ աշխատանքային, թե՛ ոչ աշխատանքային օրերին:

Միայնության հետ լավ հարաբերությունների մեջ եք

«Apple» ընկերության հիմնադիր Սթիվ Ջոբսը հայտնի էր կազմակերպությունը ղեկավարելու իր ինդիվիդուալ ոճով: «How intelligence, population density, and friendship affect modern happiness» հետազոտության հեղինակները վերջերս եկան այն եզրակացության, որ ինտելեկտուալ մարդիկ ավելի քիչ են հաճույք ստանում ընկերների և շրջապատող մարդկանց հետ շփումներից:

Հեշտ եք ադապտանում

Ամերիկացի բիզնես մագնատ Ուորեն Բաֆեթի գործունեությունը հիանալի օրինակ է առ այն, թե ինչպես են խելացի մարդիկ ադապտացվում շուկայական անկայուն պայմաններում: Գաղափարը հաստատվում է  «Human intelligence»-ի հոգեբանական հետազոտության արդյունքում: Վերջինս վկայում է՝ խելքը վարքագծի պարբերական փոփոխությունն է, այս կամ այն նպատակին հասնելու համար:

Խոստովանում եք, որ շատ բան չգիտեք

Դոստոևսկին իր «Ապուշը» հանճարեղ վեպում գրում է՝ «հիմարը, որը խոստովանում է, որ նա հիմար է, այլևս հիմար չէ», և չի սխալվում: Ամերիկացի հայտնի հոգեբաններ Ջասթին Կրյուգերի և Դեյվիդ Դաննիգի հետազոտությունները ցույց են տալիս, որ որքան հիմար է մարդը, այնքան ավելի է հակված գերագնահատել սեփական ինտելեկտուալ կարողություննեը, մինչդեռ խելացի մարդը, որպես կանոն, չի վախենում խոստովանել, որ ինչ-որ բաներ չգիտի:

Հետաքրքրասեր եք

Ալբերտ Էյնշտեյնը ասում էր՝ «ես ոչ մի յուրահատուկ տաղանդ չունեմ, միայն տարօրինակ հետաքրքրասիրություն»: 2016 թվականին հետազոտությունները ուղիղ կապ են գտել մանկական հետաքրքրասիրության, որը նա ունենում է շրջակա աշխարհը ուսումնասիրելու ընթացքում, և նոր ինֆորմացիան հեշտ ընկալելու միջև:

Կարծրատիպերը ձեզ համար չեն

Հոգեբանները փաստում են, որ ալտերնատիվ տեսակետները ընդունելու և անալիզի անելու կարողությունը ուղիղ կապ ունի մարդու ինտելեկտի հետ: Այսինքն, խելացի մարդիկ բաց են նոր գիտելիքներ ձեռք բերելու և նոր տեսակետներ լսելու առաջ: Միևնույն ժամանակ, նման անհատականությունները չափազանց զգուշավոր են վերաբերվում այս կամ այն գաղափարներին, որոնք ընդունում են:

Ձգձգում եք որքան հնարավոր է

Այո՛, խելացի մարդիկ հաճախ են ձգձգում անգամ այն գործերը, որոնք հստակ վերջնաժամկետներ ունեն և շատ կարևոր են: Հոգեբանական գիտությունների պրոֆեսոր Ադամ Գրանտը վկայում է, որ գործերը ձգձգելն ու հապաղելը համարվում են առաջադիմության հիմքը: Օրինակ, վերոնշյալ Սթիվ Ջոբսը օգտագործում էր այդ մեթոդը, իբրև ստրատեգիա:

Կառավարում եք ինքներդ ձեզ

Թրեյդեր և ֆինանսիստ Ջորջ Սորոսը ինքնատիրապետման հիանալի կարողություն ունի. տարիներ շարունակ նա ընդունում էր ռիսկային որոշումներ ու չէր հրաժարվում նրանցից՝ չնայած սկզբնական կորուտներին:

«Psychological Science» ամսագիրը 2009 թվականինհրապարակեց մի հոդված, որը պատմում էր կամավորների մի խմբի մասին: Նրանց առաջարկել էին ընտրել 2 տարբերակներից մեկը՝ ստանալ փոքրիկ գումարային վարձատրություն անմիջապես, թե ավելի մեծ վարձավճար մի փոքր ավելի ուշ:  Արդյունքները ցույց տվեցին, որ նրանք, ում ընտրությունը կանգնել էր երկրորդ տարբերակի վրա ավելի լավ արդյունքներ են ցույց տալիս ինտելեկտուալ տեստեր լրացնելիս:

Դե ինչ, գտա՞ք ձեզ բնութագրող հատկություններ վերոնշյալների մեջ: 

 

 

 


15 միֆ ամուսնական կյանքի ու հարաբերությունների մասին

6 ոսկե կանոն՝ առողջ հարաբերությունների համար

Շքեղ տասնյակ. Աշխարհի ամենաթանկարժեք հարսանեկան զգեստները

Ինչպե՞ս են խելացի մարդիկ հարաբերվում «չսիրելիների» հետ

Հիմնական ճգնաժամերը սիրային հարաբերությունների ընթացքում…

Սե՞ր, թե՞ կապվածություն. [զգացմունքների վերլուծություն]

Ինչպե՞ս է առաջին սերն ազդում հետագա հարաբերությունների վրա

7 ճշմարտություն ՝հայտնի հոգեբանից

6 նախանշան, որ նա ձեզ դավաճանում է

Բարձր էմոցիոնալ ինտելեկտով մարդկանց 12 հատկանիշ

նրանք սիրուն են, կայացած են բայց… միայնակ [ինչու՞]

Ինչու է մեռնում սերը ամուսնությունից հետո․․․

7 պատճառ, թե ինչու են խելացի մարդիկ ավելի դժբախտ

Ի՞նչ է պատմում քո սիրելի գույնը քո մասին

Պահանջատեր և կատարածու ձևաչափը հարաբերություններում

Ինչու՞ ենք մեր տրամադրությունը բարդում եղանակի վրա…