Մի սիրո պատմություն․ Հովհաննես Շիրազն ու Սիրլվա Կապուտիկյանը - VNews
    • Մշակույթ Vnews

      Մշակութային նորություններ Հայաստանից և աշխարհից

Մի սիրո պատմություն․ Հովհաննես Շիրազն ու Սիրլվա Կապուտիկյանը

Ժամանակին նա միակն էր, որ կոտրեց բոլոր կարծրատիպերը և չգրված այն օրենքը, թե գրելը կամ գրող լինելը միայն տղամարդու գործ է:  Նա նույնքան սիրելի էր, որքան իր ժամանակակից մյուս գրողները:

Նա Սիլվա Կապուտիկյանն էր, նա կին էր, որին սիրո կարճ պատմությունը շատ դառնություններ պատճառեց, բայց թողեց ամենաքաղցրը՝ մայր լինելու խինդը:

Այսօր Vnews-ն անդրադարձել է գրող, հրապարակախոս, սիրերգիչ և ուղղակի համարձակ մի կնոջ՝ Սիլվա Կապուտիկյանի սիրո պատմությանը:

Հովհաննես Շիրազն ու Սիրլվա Կապուտիկյանը․․․

․․․հանդիպեցին, երբ սովորում էին Երևանի Պետական Համալսարանի բանասիրական ֆակուլտետում: 1936 թվականն էր: Նրանք համակուրսեցիներ էին: Ամուսնանում են 4 տարի անց՝ 1940 թվականին, ամուսնությունից ծնվում է նրանց միակ որդին՝ հայտնի քանդակագործ Արա Շիրազը:

Շիրազի և Կապուտիկյանի համատեղ կյանքը հարթ չէր ընթանում: Փոխադարձ մեղադրանքներ, վիրավորանքներ, չհասկացված և չսիրված լինելու երկուստեք զգացողություններ: Եվ այս ամենի տրամաբանական հետևանքը այն է լինում, որ զույգը բաժանվում է 4 տարի տևած ամուսնությունից հետո:

Որդին, որը բանաստեղծուհու խոսքով օրհնություն էր, մեծ նվեր, մնաց մոր հետ:  Իհարկե, հետագայում նրան մեծացնելու հետ էլ բանաստեղծուհին բախվում է տարբեր դժվարությունների, որոնք իրենց արտացոլանքն են գտնում բանաստեղծուհու տողերում:

Բաժանումից հետո

Կապուտիկյանը տարիներ անց՝ 1961 թվականին, հորդորում է մարդկանց, ընկերներին, հարազատներին մեղավորներ չփնտրել, քանի որ նա փորձել է փակել կյանքի իր այդ էջը: Եվ ոչ մի կերպ չի ուզում վիրավորած լինել ազգի մեկ այլ հարգարժան գրող և իր նախկին ամուսին Հովհաննես Շիրազին:

Մի փնտրեք սիրո իմ տողերի տակ

Մարդկանց անուններ կորած ու հայտնի

Թվում է՝ ինձ էլ անհայտ են նրանք.

Դուք զուր մի՛ փնտրեք, նրանց չե՛ք գտնի: 

Սիլվա Կապուտիկյանն այդպես էլ անձնական երջանկություն չունեցավ: Փոխարենը նրան սիրեց մի ամբողջ ազգ՝ նրան խորհրդանիշ դարձնելով  մայրական սիրո, հայրենիքի և արդարության հետ:

Մի առիթով Վահագն Դավթյանն ասել է.

«Սիլվա Կապուտիկյանից առաջ ոչ ոք հայ պոեզիայում հոգեբանական խորությամբ ու այդպիսի ուժով չի բացել սիրող, երազող, սիրուց երջանկացող ու տառապող կնաջ հոգին»:

 

Կարդացեք նաև՝

 

 

 

 

 


Սևակյան տրամադրություն. մեր սիրունագույն վիդեոշարքը ձեզ նվեր

Բրոդսկի. Մարիայից հետո և Մարինայից առաջ…

Բրոդսկին ասել է…

Հասմիկ Սիմոնյան. բանաստեղծություններ

Զարուհի Բաթոյան. պարզ ճշմարտություն…

3 սիրո պատմություն հայ դասականներից

Թումանյանական շարք

Սերգեյ Եսենինի զավակները

Ջուր ծախող տղան. Հովհաննես Շիրազ

Շիրազ [մանկատանը մեծացած, շան բներում քնած ու գող մեծն պոետը]

Չարենցի և Իսահակյանի ընկերությունն ու Չարենցի վերջին բանաստեղծությունը

10 փաստ Սիլվա Կապուտիկյանի մասին, որ գուցե չգիտեք

Համոն այս պատմությունն ամեն անգամ պատմելիս՝ լաց էր լինում [Սահյանի քրոջ հուշերը]

Սերգեյ Եսենին… Ինքնասպանություն, թե՞ հաշվեհարդար

Պետրոս Դուրյանն ասել է…

Սիփան Շիրազ [բանաստեղծի բանաստեղծ որդին]