Միքելանջելո Անտոնիոնիի 5 լավագույն ֆիլմերը

20-րդ դարի ամենազորեղ ռեժիսորներից  և իտալական կինոյի հիմնադիրներից մեկը՝ Միքելանջելո Անտոնիոնին, ծնվել է 1912 թ. սեպտեմբերի 29-ին Իտալիայում:
Իր կյանքի ընթացքում ռեժիսորը հասցրել է կերտել մի քանի տասնյակ կինոնկարներ, որոնք համալրել են համաշխարհային կինոդարանը և անխոս կմնան կինոյի պատմության վառ էջերում:
Ռեժիսորի 105-ամյակին նվիրված VNews -ը առաջարկում է ձեզ վերհիշել լեգենդի 5 լավագույն ֆիլմերը:

Գիշեր/Ночь/La notte, 1961

դերերում՝ Մարչելո Մաստրոյանի, Ժաննա Մորո, Մոնիկա Վիտի ևն

Մարդկային ամենամեծ դրաման սիրո և հարգանքի բացակայությունն է, միասին ապրելու անհնարինությունը. այսպիսին է Ջովանիի և Լիդիայի կյանքը: Ամուսինները կորցրել են միմյանց հանդեպ հետաքրքրությունը. նրանք այլևս երջանիկ չեն միասին, անցյալը հեռու հեռվում է, իսկ ներկան՝ զրկված ամեն տեսակի զգացմունքից: Բացահայտումներ, խոստովանություններ, որ ավելի ու ավելի են վանում ամուսիններին միմյանցից…
1961 թ. Բեռլինի կինոփառատոնին ֆիլմը արժանացել է «Ոսկե արջի»:

Կարմիր անապատ/Красная пустыня/Il deserto rosso, 1964

դերերում՝ Մոնիկա Վիտի, Ռիչարդ Հարիս, Կարլո Կյոնետի ևն

Միայնության թեման բնորոշ է Անտոնիոնիի բոլոր ֆիլմերին: Այստեղ ևս ֆիլմի կենտրոնում է մարդը, կինն իր միայնությամբ, սիրո ձգտումներով, փնտրտուկներով: Ջուլիանան ցանկանում է սիրել և սիրված լինել, նա անընդհատ փնտրտուկների մեջ է, բայց հոգին դատարկ է, դատարկ, ինչպես անապատը:
1964 թ. Վենետիկի կինոփառատոնին ֆիլմն արժանացել է «Ոսկե առյուծի» և Կինոքննադատների միջազգային ասոցիացիայի հատուկ մրցանակի:
Սա ռեժիսորի առաջին գունավոր ֆիլմն է:

Ֆիլմը կարող եք դիտել այստեղ: