Նամակ Ավետիք Իսահակյանին [սիրելի Շուշանիկից] - VNews

Նամակ Ավետիք Իսահակյանին [սիրելի Շուշանիկից]

Նամակ Ավետիք Իսահակյանին

11 նոյեմբերի, 1907 թ․
Ռոստով-Դոն
Հարգելի կոլեգա պ․ Ավետիք․

Ուղարկում եմ երկու կտոր գրվածք և գիրքս․ առ այժմ բավականացեք դրանցով։ Սաստիկ զբաղված եմ, հետո կուղարկեմ այլ տեսակներից՝ իմ մեջ կատարվող նոր հոսանքից․․․

Գիրքս՝ չեղավ այն, ինչ-որ կուզեի։ «Նոր կյանքի» փակվելու պատճաոով ինձ օգնողները կապույտ քեռիների մոտ հյուր գնացին, ամբողջ գործը մնաց անտեր, անտիրական, ռուս գրաշարների ձեռքում։ Ինչպես գիտեք, ես էլ զբաղված եմ պաշտոնով ամբողջ օրը․․․ Մոտ հարյուր օրինակ էլ հոգուն հանգուցելոց եղավ դեռ չստացած։ Մի խոսքով սոցիալիզացիայի հանդիպեց։

Բարևեցեք իմ կողմից պ. Հովհ. Թումանյանին։ Ես նրա հետ ծանոթացել եմ Աղեքսանդրապոլում իմ առաջին ցենզորի (Հովհ. Կոստանյան) միջոցով և մինչև այժմ հիշում եմ։

Շատ բան ունեմ գրելու, մնա մյուս անգամ։ Ահագին գործ կա առաջիս։ «Բանվորուհի» երկիս համար նամակներ ստացա․ ինչպես շուտ է զգացվում մոտիկ ցավը․․․

Ընդունեցեք բարևներս՝
Շ. Կուրղինյան

Հ. Գ. Իզուր ծրարիս վրայի հասցեով չեն ուղարկում թերթը, այդպես շատ ուշ եմ ստանում։ Հայտարարությունը փոխելով դնել տվեք և գրքիս վրայի հասցեն։

նույն։
տես նաև՝


Ալբերտի հոր բանաստեղծությունը․․․ [Ոգուն Մոնթեի երբ որ հանդիպես…]

Մորս [նամակ առաջնագծից]

ՆԱՄԱԿ-բանալի՝ հասկանալու ֆիդայական շարժման բուն էությունը

Մառլեն Դիտրիխ [ժամանակի ամենահայտնի տղամարդկանց սիրելին, մուսան և ճակատագրական կինը]

Պետրոս Դուրյանի վերջին նամակը [Մնաք բարյավ]

Ուրախ դեպքեր հայ մեծերի կյանքից

Իսահակյան և Դեմիրճյան [2 կակազող գրողների կյանքից մի ուրախ դեպք]

Երբեք չեմ մոռանում մի զվարճալի դեպք… [պատմում է Ավետիք Իսահակյանը]

Վահան Տերյանի նամակը Նվարդ Թումանյանին

Իսահակյանն ու Շուշանիկը [կարոտած սիրահարների հանդիպումն ու ֆայտոնը]

Հուշեր Իսահակյանի և Պաբլո Ներուդայի հանդիպումից [ԿԱՏԱԿՈւՄ Է ՎԱՐՊԵՏԸ]

«Մենք պարտվել ենք». ադրբեջանցի գրողի նամակը իր ազգակիցներին

Սևակի սիրային նամակները [Սուլամիթա՜, իմ սեր]

Հայկ Կոնջորյանի ֆուտուրիստական նամակը Թալեաթ փաշայի անունից

Եթե Թեհլերյանը վրիպեր, կրակելու էր Իսահակյանը…

Ես գրում եմ ձեզ Իտալիայից, ասել է թե՝ գրում եմ ձեզ ապագայից։