Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից - VNews

Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից

12 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից

Բոլոր երաժշտասերների համար Ամիրյան Միշը և Դավիթ Պարոնիկյանը նոր և շատ գունեղ երգ ու տեսահոլովակ են պատրաստել, որի պրեմիերային հաշված օրեր են մնացել:
Երաժիշտ ընկերների մոտ երգի գաղափարը վաղուց էր ծնվել, սակայն  շատ զբաղված լինելու պատճառով նրանք այն կյանքի կոչելու ժամանակ չունեին:

«Հանդիպում էինք գիշերն ակումբում, և սահմանափակվում միայն միտքը քննարկելով և զարգացնելով այն,-ասել է Դավիթ Պարոնիկյանը մեզ հետ զրույցում և հավելել,-սակայն գիտեինք՝ ինչ ենք ուզում, քանի որ մեր ծանոթությունը տարիների պատմություն ունի և մենք տեղյակ ենք թե՛ մեկս մյուսի ճաշակից, թե՛ մտածելակերպից և  աշխարհայացքից, ինչը ընդունեք, որ շատ կարևոր է երաժշտության մեջ»:

Պարոնիկյանը պատմել է, որ երգը գրվել է առավոտյան, ինչից հետո արվել է գործիքավորումը, այնուհետև մի քանի ժամվա ընթացքում նա և Միշն այն ավարտին են հասցրել:

«Երգը գրվել է մեր շատ սիրելի երաժիշտ ընկերների՝ Արման Փեշթմալջյանի, Հայկ Ղազարյանի, Մարատ Հակոբյանի և Նալբանդյան եղբայրների օգնությամբ:Առանձնահատուկ շնորհակալություն եմ ուզում հայտնել Սերգեյ Գասպարյանին երգի ձայնագրության համար», -ասել է Ամիրյանը Միշը:

Նախագիծն անվանվել է Smart n Special, և այն շարունակական է լինելու, ունենալու է նաև ալբոմ, որի ստեղծման ընթացքում երաժիշտները կհամագործակցեն շատ ու շատ տաղանդավոր մարդկանց հետ:

Երգի անունը ArtificialS է, իսկ մտահղացման հեղինակն է Աննա Ամիրյանը:  Այս անվան ընտրությունը պայմանավորված է նրանով, որ երգում խոսքը գնալու է կեղծ մարդկանց մասին, որոնք հեռու, այնքա՜ն հեռու են բնական ու հասարակ լինելուց, և որոնք, ցավոք սրտի, այնքա՜ն, այնքա՜ն հաճախ են հանդիպում մեր առօրյայում:

Նշենք, որ տեսահոլովակի ռեժիսորը Վահե Քեշիշյանն է, իսկ պրոդյուսերը՝ Արշավիր Գրիգորյանը: Տեսահոլովակն իր գեղեցկությամբ զարդարել է երաժիշտների լավ ընկեր Մաշա Յենոքյանը:

«Տեսահոլովակը նկարահանվել է գրադարանում և սա բնավ պատահական ընտրություն չէ: Մենք ուզում ենք դրանով ցույց տալ, որ մարդիկ հեռվացել են հոգևոր արժեքներից և դարձել ժամանակակից տեխնոլոգիաների գերին՝ դառնալով կեղծ և անտարբեր», -խոստովանել է Ամիրյան Միշը:

Դե ինչ՝ մեզ մնում է սպասել և վայելել այս նոր և շատ գունեղ երգը:

11 960x640 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից19 960x640 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից27 960x640 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից30 960x640 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից55 960x640 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից69 960x1440 - Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից

Լուսանկարները՝ Ալեն Դաս Սահակյանի


Ունկնդիրների տրամադրությունն ազդում է երաժշտության ընտրության վրա…

Բացառիկ օնլայն համերգ՝ Artists for Artsakh

Միասին Հանուն Երաժշտության

Օրվա մեղեդի

Մի օպերայի պատմություն. հուշագրություն

Tango Nuevo. Աստոր Պիացոլա

Անտոնիո Լուչիո Վիվալդի

Նախորդ ամսվա լավագույն հիթերը

Նախորդ ամսվա լավագույն հիթերը

Մի սիրո պատմություն. Ռեյ Չարլզ և Առլետ Քոչունյան

Թե ինչպես «Ավե Մարիան» փրկվեց աղբանոցում հայտնվելուց

Ֆրանսիական երկնքի «փոքրիկ ճնճղուկը».

 Գրականությո՞ւն, թե՞ ոչ [Հովհաննես Հովակիմյան]

Վահե Դավթյանն ու հայտնի չկոտրվող «Ճոճանակը»

5 փաստ Զեմֆիրայի հայտնի երգերից, որ գուցե չգիտեք

Մի երգի պատմություն. Հոզիեր՝ “Take Me To Church”