Մոտենում են հանգստյան օրերը, և մեզանից շատերն արդեն մտածում են, թե ինչ են ձեռնարկելու շաբաթ-կիրակին հնարավորինս հաճելի անցկացնելու համար:

Vnews-ն առաջարկում է լավ հանգստի և լիցքաթափվելու իր տարբերակը… Սերիալներ, այն էլ ինչպիսի՜ ՍԵՐիալներ, նոր, բարձր վարկանիշով և ասելիքով…

Messiah/Мессия 2020թ.

Ռեժիսոր՝ Ջեյմս ՄագԹիգ, Քեյթ Վութս

Դերերում՝ Միշել Մոնագան, Ջոն Օրթիս

Ժանր՝ թրիլեր, դրամա, դետեկտիվ

Տևողությունը՝43 րոպե

Սերիաների քանակը՝ 10

Եթերաշրջան՝ 1

Երկիր՝ ԱՄՆ

Netlix

Պատկերացրեք՝  Մերձավոր Արևելքում եք, և օրերից մի օր հայտնվում է մեկը, ով իրեն Մեսիա է կոչում և օգտագործելով սոցիալական ցանցերն ու լրատվամիջոցները՝ հազարավոր հետևորդներ է հավաքում: ԱՄՆ-ի հետախուզությունը նրան հսկողության տակ է պահում, և գաղտնի գործակալ Էվա Գելլերը, որին մարմնավորել է Միշել Մոնագանը, որոշում է մեկնել Մերձավոր Արևելեք և տեղում իրականացնել հսկողությունը…

Սերիալի հիմնական մեխն այն՝ իրականում տղամարդը Մեսիան է, թե՞ մարդկանց մոլորեցնող մեկը: Բայց այս ամենից զատ՝ սերիալը հիմնված է մեկ կարևոր արժեհամակարգի վրա՝ հավատի, որը կորցրել է մարդկությունը…

Նրանք, ովքեր ծանոթ են Homeland/Родина սերիալին, կհավանեն Messiah/Мессия-ի արևելյան մշակույթը, մուսուլմանական միջավայրն ու արժեհամակարգը:

The Stranger/Незнакомец 2020թ.

Ռեժիսոր՝ Դենիել Օ՛Հարա

Դերերում՝ Շոն Դուլի, Շիրեն Արմինթեյջ

Ժանր՝ թրիլեր, դետեկտիվ

Տևողությունը՝42 րոպե

Սերիաների քանակը՝ 10

Երկիր՝ Մեծ Բրիտանիա

Եթերաշրջան՝ 1

Netlix

Քաղաքում հայտվում է մի անծանոթուհի ու սկսում է բոլորին պատմել իր գաղտնիքները… Սերիալի հերոսները մի քանիսն է, և միակ բանը, որ նրանց համախմբում է նույն քաղաքն է, բայց սերիալի սյուժետային զարգացումներն այնպես են ընթանում, որ հերոսների ճանապարհները խաչվում են…

Գլխավոր հերոսը՝ Ադամը, հաջողակ փաստաբան է. տուն, ընտանիք, երեխաներ: Մի օր փողոցում անծանոթ մի կին է մոտենում և հայտնում, որ մի քանի տարի առաջ, երբ Ադամի կինը իբր կորցրել է երրորդ երեխային, իրականում հղի չի եղել: Նա ձևացրել է հղիությունը: Ադամը շփոթվում է, կասկածները նրան դրդում են, որպեսզի կնոջից պարզի իրականությունը, վերջինս խոստովանում է, բայց խոստանում է բացատրել եղելությունը ավելի ուշ, սակայն խոսակցությունից հետո անհետանում է: Ադամը հուսահատ սկսում է թե՛ կնոջ, թե՛ անծանոթուհու փնտրտուքները:

Locke & Key/Ключи Локков 2020թ.

Ռեժիսոր՝ Մերեդիթ  Էվերիլ

Դերերում՝ Մեգան Չարպենտե, Նեյթ Քորդրի

Ժանր՝ դրամա, սարսափ, ֆենթզի

Տևողությունը՝48 րոպե

Սերիաների քանակը՝ 10

Երկիր՝ ԱՄՆ

Netlix

Հոր մահից հետո ընտանիքը տեղափոխվում է քաղաքից դուրս գտնվող առանձնատուն: Խորհրդավոր տան մեջ մեկը մյուսի հետևից արտասովոր դեպքեր են տեղի ունենում:

Տան բնակիչները ամեն քայլափոխին բանալիներ են գտնում, որոնք, պարզվում է, կախարդական ուժ ունեն և  ունակ են վերացնել տան չար ուժերին:

Little America/Маленькая Америка

Ռեժիսոր՝ Սթիվեն Դան, Լի Հայյզենբերգ

Դերերում՝ Մելանի Լորան, Անջելա Լին

Ժանր՝ կատակերգություն, մելոդրամա

Տևողությունը` 30 րոպե

Սերիաների քանակը՝ 8

Երկիր՝ ԱՄՆ

Apple tv

Չնայած որ սերիալի նկարահանումները սկսվել են 2019 թվականին՝ այն դեռ բաղկացած է մեկ եթերաշրջանից և 8 սերիայից: Սերիալը նկարահանված է «Epic Magazine» ամսագրի  «Little America» հոդվածաշարի իրական պատմությունների հիմնա վրա:

Պատմում է Ամերիկայի Միացյալ Նահանգներ գաղթած տարբեր ազգերի մասին, որոնք բախվում են մշակութային, սոցիալական և արժեհամակարգային տարբերություններին և հնարավորինս արագ ստիպված են լինում հարմարվել այլ հասարակության  իրականությանը:

Little Fires Everywhere/И повсюду тлеют пожары

Դերերում՝ Ռիզ Ուիզերսպուն, Քերի Վաշինգթոն, Ջոշուա Ջեքսոն

Ռեժիսոր՝ Լին Շելթոն

Ժանր՝ դրամա

Տևողությունը՝43 րոպե

Սերիաների քանակը՝ 8

Երկիր՝ ԱՄՆ

hulu

Մինի սերիալը հիմնված է ժամակակակից գրող Սելեսթա Քինգի վեպի մոտիվներով, որը 2017 թվականին դասվել է բեսթսելերների ցանկին: Իսկ սյուժեն երկու կանանց մասին է, որոնք ապրում են նույն փոքրիկ քաղաքում, բայց բոլորովին տարբեր պայմաններում: Մեկը ապահովված է, ունի շքեղ տուն, վայելում է կյանքը, բայց կարծես վանդակի մեջ լինի, իսկ երկրորդն ապրում է ավելի համեստ պայմաններում, բայց ազատ է…

Այս երկու տարբեր կանանց միավորում  և ձգում է բնավորությունների և նախասիրությունների տարբերությունները և մայրությունը…

Կարդացեք նաև՝