Փարիզը մենակ մնալ չի կարողանում․․․ Ծով alizé Բանուչյան [ֆոտոշարք] - VNews

Փարիզը մենակ մնալ չի կարողանում․․․ Ծով alizé Բանուչյան [ֆոտոշարք]

Այս օրերին հասցրի տեսնել Փարիզը բոլորովին մենակ, այնպես ինչպես նա հասցրել էր տեսնել ինձ․․․ մենակ ու դատարկ, որքան իմ գրպաններն ու սիրտն էին սկզբում։

Նա, որ իր մոխրագույնի մեջ, թվում է շատ սառը, նա, որ իր փակ փեղկերով թվում է ինքնամփոփ, նա, որ արագ մոռացվող սերերի, ցինիզմի երկարակեցության ու վաղվա օրվա անկանկխատեսելիության պատմություններն ու գաղտնիքներն անգիր գիտի։

Քաղաքը, որտեղ չես զարմանում ոչ մի բանից, ոչ մի բանով։ Քաղաքը, որին անձնավորում ես ոչ թե պատմածդ գեղարվեստականացնելու համար, այլ որովհետև մաշկիդ վրա զգացել ես նրա ձեռքերը։ Քաղաքը, որի մաշկը շոշափել ես, քաղաքը, որի հետ սեր ես արել, որի գինոտ շուրթերը համբուրել ես, որի սիրտը լսել ես, քաղաքը, «որտեղ  մեռնում են լավագույն ամերիկացիները»։

 

Լավագույն ամերիկացիները մեռնում են Փարիզում։

Օսկար Ուայլդ

 

Քաղաքը, որը տոն է․․․․մի՛շտ․․․և այս հարցում դեռ ոչ մի անգամ Հեմինգուեյը չի սխալվել․․․

Փարիզը, որտեղ սրճարանի մի բաժակ սուրճը, մատուցողի շտապողականությունն ու հիմար կատակները․․․ այդ ամենը կենսական նշանակություն ունեն։

Փարիզը, որտեղ մենակները տուն չունեն, նրանց տունը դրսում է, բաց երկնքի տակ… այն մենակները, որոնք վախենում են աչքերի մեջ նայել ու նախընտրում են ջրի ճանապարհը… Սենի ճանապարհը․․․

Այդ մենակները, որ ուշադիր են անծանոթների հանդեպ, բայց հատկապես այն անծանոթների, որոնք ոչ թե իրենց, այլ կյանքին են անծանոթ։Նրանք հսկում են կամուրջները… քաղաքը նրանցն է… և հիմա նրանց մենակությունն անգամ հարմար տեղ է փնտրում պատսպարվելու մեկուսացումից․․․․

Որովհետև լինել մենակ ու մենության ճամփորդ այլ բան է, մեկուսանալ սեփական մենակութունից, որը նաև Փարիզյան փողոցներն են, Սենի կառամատույցներն են, մարդաշատ կաֆեները, գնացքների աղմուկն ու հրմշտոցն են զբոսաշրջիկների ․․․

Այլ կերպ ասած, ինչպե՞ս  մեկուսանալ  մենակ լինելու քո ձևից․․․

 

Եվ հիմա, երբ գնացքները դատարկվել են և թափառելը բաց երկնքի տակ դարձել է հանցանք, ես մտածում եմ, որ աշխարհում գուցե նույնիսկ շատ են քաղաքները, որոնք ուզում էին միառժամանակ մենակ մնալ։

Բայց  Փարիզը մենակ մնալ չի կարողանում․․․և ես նրան ինձ հետ կտանեմ տուն․․․

 

19.03.2020

Ծով Alize Բանուչյան

Գուշակություն

***

Օրերը խառնվել են իրար, շուտ է մթնում,
Դժվար է մոռանալն ու հիշելը, ամեն ինչ այլ է,
Երեկվա նոթերում նշածն էլ չեմ գտնում,
Եվ քամուց մինչև փոթորիկ արդեն մի քայլ է:

Գիշերը փողոցում միայն լապտերավառն է,
Եվ Սենի երկայնքով քայլող մենակները,
Փեղկերի ետևում հյուրատան, երբ օդը սառն է,
Թվում է պիտի լռեն այս սենյակները:

Բայց սա Փարիզն է, այստեղ լռելն անհնար է,
Երբ կյանքը դրսում մթնում է, լույս է ներսում
Եվ, եթե արգելվի դուրս գալ, տանը մնալն էլ,
Խրախճանք է, միայն մենակներն են մրսում:

22.10.2017
Ծով alizé

 


Դիմակ. մեր ժամանկների ամենապահանջված աքսեսուար

Զգուշացում ամբողջ աշխարհի համար. COVID-19-ը վերադարձել է Ճապոնիա

Թոփ-10 ամենաանվտանգ լողափերը կորոնավիրուսի պայմաններում

Victoria’s Secret-ը, Zara-ն, Chanel-ը և այլ հայտնի բրենդներ սննկացման շեմին են

Դիալոգ. Ծով alizé Բանուչյանի հետ

Կինոքննադատները խորհուրդ են տալիս. [Ամստերդամից Կեյս Դրիսենը]

Պեդրո Ալմոդովարը կիսվում է ֆիլմերով, որոնք նայում է ինքնամեկուսացման մեջ

Աղբ թափելու բերկրանքն արտակարգ դրության պայմաններում

«Օնլայն Մաֆիա #մնատանը» նախաձեռնության մասին…

Բժիշկ, որն առաջինը բարձրաձայնեց կորոնավիրուսի մասին. Լի Վենլյան

Մի երկու հարց կորոնավիրուսի մասին. QUIZ

«ոչՊաշտոնական» համերգ. Արտո Թունչբոյաջյան և «Armenian Navy Band»

Կինոքննադատները խորհուրդ են տալիս [Իտալիայից Ալեսանդրա դե Տոմասի]

Չինաստանի Շենժեն քաղաքում արգելվել է շների և կատուների մսի վաճառքը

… բայց մի՞թե դա կարևոր է հիմա. Զեմֆիրա

Կարանտինն ու ֆեյսբուքը. 5 նյարդայնացնող բան