Պեդրո Ալմոդովարը կիսվում է ֆիլմերով, որոնք նայում է ինքնամեկուսացման մեջ - VNews
    • Մշակույթ Vnews

      Մշակութային նորություններ Հայաստանից և աշխարհից

Պեդրո Ալմոդովարը կիսվում է ֆիլմերով, որոնք նայում է ինքնամեկուսացման մեջ

Վերջերս Պեդրո Ալմոդովարը էսսե էր գրել, որը տեղ էր գտել IndieWire կայքում. իսպանացի ռեժիսորը, բացի ինքնամեկուսացման անձնական փորձից, որտեղ պատմել է, թե ինչպես է փոխվել իր վերաբերմունքը սեքսի նկատմամբ, ինչ են մտածում իր ընկերները ստեղծված իրավիճակի մասին և ինչ սոցիալական պրոցեսների միջով ենք մենք անցնում, կիսվել է նաև ֆիլմերով, որոնց ժամանակ է հատկացրել կարանտինի շրջանում։ Ցուցակի հիմնական մասը զբաղեցրել են դասական ֆիլմեր (ռեժիսորները, սովորաբար, հենց դրանք են հիշում, երբ ազատ ժամանակ են ունենում և ուզում են որևէ ֆիլմ խորհուրդ տալ), այնպես որ եթե դուք էլ եք վստահում Ալմոդովարի կինոճաշակին, ինչպես որ մենք՝ ստուգեք այս ցանկում տեղ գտած ֆիլմերը։

 

«Սիրավեպի ավարտը» / “The End of the Affair”, 1999

«Նիլ Ջորդանի ֆիլմը հիմնված է Գրեհեմ Գրինի հիանալի գրքի վրա, որտեղ Ֆայնսի հերոսը պայքարում է իրեն տարիներ առաջ լքած կնոջ մասին հիշողությունների հետ, մի երևույթի, որը նա այդպես էլ չհասկացավ»։

«Մենք անծանոթ ենք, երբ հանդիպում ենք» / “Strangers When We Meet”, 1960

«Ռեժիսոր Ռիչարդ Քուինն ու իր մուսա Քիմ Նովակը. սա այն տեսակ պատմություններից է, որոնք տեղ են գտնում Ռիչարդ Յայթսի նովելներում»։

 

«Բարև, թախիծ» / “Bonjour Tristesse”, 1958

«Պաշտում եմ այն ֆիլմերը, որոնք խոսում են բարձրաշխարհիկ խավի՝ բուրժուազիայի ներկայացուցիչների ձանձրույթի մասին: Նույնիսկ եթե «Բարև, թախիծը» դրանից ավելին է»։

 

«Անծանոթուհու նամակը» / “Letter from an Unknown Woman”, 1948

«Մեծ, տպավորիչ և ֆանտաստիկ գլուխգործոց, որը հիմնված է մեծանուն Ստեֆան Ցվայգի համանուն վիպակի վրա: Ռոմանտիկ կինոյի նախատիպ է»։

 

«Նուրբ մաշկը» / “La Peau Douce”, 1964

«Տրյուֆոն և Ֆրանսուազա Դորլեակը՝ իր բոլոր շքեղություններով հանդերձ: Տրյուֆոյի իմ ամենասիրելի ֆիլմերից մեկն է»:

 

«Ամայի վայրում» / “In a Lonely Place”, 1950

«Բոգարտի հերոսը իսկական բռի կերպար է, ֆիլմն էլ իր մասին, արտառոց նուարի նմուշ։ Ֆիլմի “macguffin”-ը (առարկա, որի շուրջ կառուցվում է պատմության ֆաբուլան. խմբ ) մարդասպանի փնտրտուքն է. բոլորը կասկածում են Բոգարտին, բայց այն, ինչ այստեղ իսկապես կարևոր է և հետաքրքիր, դա Բոգարտ-Գլորիա Գրեհեմ զույգի կյանքն է և տղամարդու թշնամական խառնվածքը»։

 

«Վերելակ դեպի փայտամած» / “Ascenseur pour l’échafaud”, 1958

«Լուի Մալ։ Այս ֆիլմ արժե դիտել միայն նրա համար, որպեսզի կարողանաք տեսնել, թե ինչպես է Ժաննա Մորոն քայլում Փարիզի փողոցներով»։

 

«Գիշերը» / “La Notte”, 1961

«Անտոնիոնի. ավելի շատ էքզիստենցիալ ձանձրույթ, այս անգամ Միլանի բարձրաշխարհիկ հասարակության շրջանակներում, փառավոր եռյակի՝ Ժաննա Մորոյի, Մոնիկա Վիտտիի և Մարչելո Մաստրոյանիի ուղեկցությամբ: Մորոյի վերջին մենախոսությունը ամենագեղեցիկ և տխուր վերջաբաններից մեկն է, որը կարող եմ հիշել»:

 

«Մամայի բալիկները» / “I Vitelloni”, 1953

«Ֆելինի: Ես սիրում եմ նաև այն ֆիլմերը, որոնց հայացքն ուղղված է դեպի գյուղական կյանքը: Իսպանիայում մենք ունենք այդ տեսակ երկու գլուխգործոց՝ Միգել Պիկազոյի «Մորաքույր Թուլան» և Բարդեմի «Գլխավոր փողոցը», երկուսն էլ խորհուրդ եմ տալիս, կարևոր ֆիլմեր են, չնայած բացի այդ երկուսից ունենք շատ այլ՝ նմանատիպ ֆիլմեր)»։



Ինչպե՞ս է Բեթմենի թշնամին դառնում «հեղափոխական ինստրուկցիա» ու բազում սրտեր գրավում

Ինչ ֆիլմ դիտել տանը, երբ սիրտդ ուզում է ճամփորդել. «Մեծ ճողփյուն»

Ինչ դիտել, երբ սիրտդ ուզում է ճամփորդել. «Ճամփեզրերին»

Ինչ դիտել տանը. Քեյթ Բլանշեթի սիրելի ֆիլմերից 5-ը

Կինոքննադատները խորհուրդ են տալիս. [Ամստերդամից Կեյս Դրիսենը]

Ինչ դիտել մեկուսացման շրջանում, եթե սիրտդ ուզում է ճամփորդել. «Երկնքի քողի ներքո»

Լավ ֆիլմեր, որոնց մասին ոչ ոք չի խոսում. ֆրանսիական «Խնամակալությունը»

Աղբ թափելու բերկրանքն արտակարգ դրության պայմաններում

Կինոքննադատները խորհուրդ են տալիս. [Ցյուրիխից բրազիլացի Ումբերտո Մուրեյրան]

«Օնլայն Մաֆիա #մնատանը» նախաձեռնության մասին…

Հին դրամապանակում մաշված թղթի կտորի վրա 20 տարի ապրած ֆիլմացանկ

Համացանցում հայտնվել է Թիմոթի Շալամեն «Դյունա» ֆիլմի առաջին պաշտոնական կադրում

Ինչ դիտել տանը. ֆրանսիական «Նոր ալիքի» դասական Անյես Վարդայի կարճամետրաժ ֆիլմը

Բժիշկ, որն առաջինը բարձրաձայնեց կորոնավիրուսի մասին. Լի Վենլյան

Մի երկու հարց կորոնավիրուսի մասին. QUIZ

«ոչՊաշտոնական» համերգ. Արտո Թունչբոյաջյան և «Armenian Navy Band»