Պեկին. Ուր գնալ ու ինչ անել - VNews
    • Մշակույթ Vnews

      Մշակութային նորություններ Հայաստանից և աշխարհից

Պեկին. Ուր գնալ ու ինչ անել

Պեկինը Չինաստանի մայրաքաղաքն է արդեն 800 տարուց ավելի: Այս քաղաքում հենց կարող եք տեսնել Չինաստանի պատմական վայրերից մի քանիսը, որոնք ձեզ «կգրկեն» ու ժամանակի միջով ճանապարհորդության կտանեն: Այդուհանդերձ, այն նաև ժամանակակից քաղաք է, որը Նյու Յորքի պես միշտ արթուն է:

Դո՞ւք էլ եք ուզում հայտնվել Պեկինում, լսե՞լ չինարենն ամենուր, զգա՞լ սուր համեմունքների հոտն ու գույները, ակա՞նջ դնել փողոցի աղմուկին: Ուրեմն կապեք ամրագոտիները, մենք միանգամից վայրեջք ենք կատարում Պեկինի լավագույն վայրերից մի քանիսում:

 Արգելված քաղաք

Չինաստանի արքայական դինաստիաների տուն համարվող այս վայրն ունի 5 գլխավոր դարպաս ու բազմաթիվ սրահներ: Այցելուները կարող են ծանոթանալ չինական բարձրակարգ քանդակներին ու արվեստի այլ գործերին: Արգելված քաղաքը ասիական պատմության մեջ ամենահարուստ ժամանակահատվածում ստեղծված ու այսօր ամենահայտնի չինական վայերից մեկն է:

Ձմերուկների թանգարան

2002թ.-ին հիմնադրված չինական ձմերուկի թանգարանում կարող եք ձմերուկի հետ կապված ամեն բան գտնել՝ աճեցնելու ձևը, պատմությունը, չինական ձմերուկի մշակույթը: Թանգարանում ձեր ուշադրությունը կգրավեն հարյուրավոր արհեստական ձմերուկները, ինչպես նաև ձմերուկի ջերմոցը, որտեղ տարատեսակ բնական ձմերուկներ են աճեցվում: Թանգարանում գրեթե միշտ հնչում է «Տիտանիկ» ֆիլմի սաունդթրեքը, թե ինչու՝ չգիտենք:

Վիշապ էսկալատոր

258 մետր երկարություն ունեցող Վիշապ էսկալատորը դրսային ամենաերկար էսկալատորն է աշխարհում: Վայրին չինական շունչ են հաղորդում տարբեր արհեստական կենդանիները, որոնք վախենալու դիրքով տեղադրված են էսկալատորի գագաթնային մասում: Հետաքրքիրն այն է, որ էքսկալատորը միայն վերև է բարձրանում. ետ դառնալու համար ստիպված կլինես իջնել աստիճաններով:

 798 արվեստի փողոց

Այս փողոցը լի է թանգարաններով, հուշարձաններով, փողոցային արվեստով, պատկերասրահներով, խանութներով ու սրճարաններով: Այն շատ մեծ է ու բավականին շատ ժամեր կպահանջվեն ամբողջ տարածքն ուսումնասիրելու համար: Արվեստասերների համար սա աշխարհի ամենալավ վայրերից մեկն  է:

Չինական մեծ պատ

Չինական մեծ պատի մասին անշուշտ լսել եք, ուստի դրա մասին խոսել հարկ էլ չկա, պարզապես պետք է գնալ ու տեսնել այն:

Դոնգի տաճար

Այս յուրահատուկ տաճարն իր այցելուներին օգնում է տեսնել հետմահու 76 տարբեր ու տարօրինակ իրավիճակներ: Արձանիկների միջոցով կարող ենք պատկերացնել, թե մահից հետո ինչ կարող է պատահել մարդկանց հետ իրենց մեղքերի պատճառով. օրինակ, եթե ստես, մի կարմրամաշկ սատանա կկտրի լեզուդ: Սրահներն ինչպես արդեն նշեցինք 76-ն են և դրանցից են օրինակ «Գողության սրահը», «Անարդարացի մահվան սրահը» և «Չարին չարությամբ պատասխանելու սրահը»:

Չինաստանի պալեոզուլոգիական թանգարան

Թանգարանում ցուցադրված են 800-ից ավելի իրեր, որոնք կգրավեն գրեթե բոլորի ուշադրությունը: Իրեր կան նույնիսկ մարդու՝ դեռ քարանձավում բնակվելու ժամանակներից:

Դրախտի տաճար

Ճարտարապետության յուրահատուկ գործ համարվող «Դրախտի տաճարը» Պեկինի ամենասուրբ տաճարն է համարվում: Այստեղ Մինգ և Քինգ դինաստիաները երկրպագել են աստվածներին ու երկնքին: Տաճարի ներսում եղած քանդակները կստիպեն նույնիսկ չթարթել:

Պեկինի կենդանաբանական այգի

Այստեղ կգտնեք կենդանիների 1,000-ից ավելի տեսակներ, որոնցից շատերը հատուկ են հենց Չինաստանի տեղանքին՝ չինական վագրեր, ձմեռային ընձառյուծներ և ԻՀԱՐԿԵ պանդաներ:


Չինաստանում կարանտինից հետո բացվել է առաջին կինոթատրոնը

Կորոնավիրուսը բարելավել է էկոլոգիան [Չինաստան]

Գնա՞նք Գյումրի…

Չինաստանը կորոնավիրուսի ճիրաններում [լուսանկարներով]

Ինչ դիտել տանը վիքենդին. 2019-ի լավագույն տրագիկոմեդիաներից մեկը՝ «Հրաժեշտը»

10 գաղտնիք չինարեն սովորողներին Հռիփսիմե Մարգարյանի

19 լուսանկար, որ դուր չի գալիս չինական կառավարությանը. Lu Guang

Չինաստանի ու այնտեղ ապրող հայերի մասին [Մելանի Սարգսյանը պատմում է]

5 բառ չինական մշակույթը հասկանալու համար…

Փաստեր Հրազդանի մասին…

Քրիստիանիա. ազատության քաղաք

Հետաքրքիր փաստեր Աբովյանի մասին

Էջմիածին. 10 փաստ քաղաքի մասին

10 փաստ Գորիսի մասին…

10 հետաքրքիր փաստ Դիլիջանի մասին…

10 փաստ Չինաստանի մասին