PLI.Ē ֆոտոնախագիծ. թղթե շորերով պարողները

Երբ լուսանկարիչ Melika Dez-ն ու օրիգամիի մասնագետ Pauline Loctin-ը որոշում են համագործակցել, արդյունքում ստացվում է մասշտաբային ֆոտոնախագիծ, որն ստանում է PLI.Ē անվանումը:

Ֆոտոնախագիծ, որում ընգրկված են 14 պարող, 6 պարային խումբ, որոնք կրում են 16 ձեռագործ թղթե շոր:

Նախագծից առաջ էլ  Dez-ն աշխատել է պարողների հետ, բայց այս անգամ պարողները նյույորքյան, մոնրեալյան և փարիզյան փողոցներում պարում էին Pauline Loctin-ի պատրաստած թղթե շորերով:

Նախագծի հեղինակները երկար աշխատել են յուրաքանչյուր շորի և պարողի վրա: Ամեն գույն, ձև և քաղաք ընտրվել է այնպես, որ ավելի շահեկան և ճիշտ լինի արտիստի և ստացված լուսանկարի համար:

Նկարահանումների վայրերի ընտրությունը Melika-ինն է եղել:

Նախագծի հեղինակներն ասում են.

«Յուրաքանչյուր քաղաք, թուղթ և պարող պիտի այնպիսին լինեին, որ ստացված ամեն նկար իմաստ ունենար: Իսկ թղթի փխրունությունն ու նրբությունը միայն օգնում են ընդգծել պարողների անհավանական ուժը»:

Նկարահանումների մի մասը Dez-ն ու Loctin-նն անցկացրել են ստուդիայում, մյուս մասը՝ Նյու Յորքում, Փարիզում, Հռոմում և Մոնրեալում:

«Թղթի հետ աշխատելն իրոք բարդ է: Այն շատ նուրբ է: Հենց դրա համար ենք օրիգամիից պատրաստել զգեստները: Ուզում ենք անհնարինը հնարավոր դարձնել: Ու բոլորովին կապ չուներ` նկարահանումների ընթացքում ձյուն կլիներ, անձրև, թե քամի: Մենք սահմաններ չունենք:»

Հեղինակներն ասում են, որ այս ֆոտոնախագիծը շարունակական բնույթ է կրելու: Նրանք նախատեսում են նաև ֆոտոնկարների տեսքով գիրք հրապարակել: