Այսօր առանձնացրել ենք գալիք 2021-ի ամենանորաձև դեկոլտեներն ու փոքրիկ խորհրդատվություն կազմել, թե ինչպես կարող եք գտնել ձեր տարբերակը:

Նավակ

Այսպիսով, որպեսզի հասկանանք, արդյոք այս տեսակի դեկոլտեն ձեզ կսազի, թե ոչ, եկեք պարզենք, թե ինչ հատկություններ ունի այն: Նավակի պարանոցն ընդգծում է անրակները և ուսերիը ՝ տեսողականորեն ընդլայնելով դրանք: Միևնույն ժամանակ, պարանոցը, կարծես, ավելի կարճ է դառնում, իսկ կրծքավանդակը՝ ավելի փոքր է: Այս դեկոլտեն իդեալական է նուրբ ուսերով, փոքր կամ միջին կրծքերով և մեծ ազդրերով աղջիկների համար:

V-աձև

Այս բացվածքըը կարելի է բաժանել երկու տեսակի ՝ խորը և լայն: Առաջինը տեսողականորեն երկարացնում է պարանոցը, մարմնի վերին մասը դարձնում է ավելի փխրուն և բարեկազմ, տեսողականորեն ձգում է ուրվագիծը և տալիս լրացուցիչ սանտիմետրեր: Մյուս կողմից, երկրորդ տեսակը ուսերն ավելի լայն է դարձնում, իսկ կրծքավանդակը ՝ ավելի մեծք. այս տարբերակը հիանալի է՝ խոշոր ազդրերը թաքցնելու ու մարմնին ավազային ժամացույցի ձև տալու համար:

U-աձև

Ոչ շատ տարածված ու բավականին անսովոր այս բացվածքը կհամապատասխանի զգայուն կառուցվածքով կանանց: U-աձև դեկոլտեն փոքր-ինչ երկարացնում է պարանոցը, նեղացնում է ուսերը, ինչպես նաև ավելի նուրբ ու հավաք է դարձնում կրծքերը: Ընտրեք այն տեսակ դեկոլտե, որը շատ խորը չէ. աա ամենահարմոնիկ տեսքը կունենա փարթամ կրծքերի վրա և դրանց էլ ավելի առաձգական ձև կտա:

Կառե

Դեկոլետի առավել նազելի ու հրապուրիչ տեսակներից մեկը, որը, մի քանի սեզոն անընդմեջ, չի իջնում նորաձևության պոդիումներից : Նման կտրվածքի հիմնական առավելությունն այն է, որ այն բարենպաստորեն շեշտում է անրակները, տեսողականորեն ձգում է պարանոցը և ծավալ է հաղորդում կրծքերին: Գեղեցիկ է նայվում, առավելապես, փոքրամարմին աղջիկների վրա:

Սրտաձև

Կառեյի հարազատ քույրը ՝ սրտի տեսքով դեկոլտեն է. այն շեշտը դնում է կրծքերի վրա,տեսողականորեն ավելի ծավալուն է դարձնում այն և ավելի զգայական ուրվագիծ է տալիս: Նման դեկոլտեն տեսողականորեն ձգում է պարանոցը, շեշտադրում է անրակները ևմի քանի սանտիմետր հասակ է ավելացնում: Սակայն, լայն ուսերով աղջիկները պետք է զգույշ լինեն այս տիպի դեկոլտեյից. նրանց համար սա այնքան էլ լավ ընտություն չէ:

Կաթիլ

Եթե ​​ցանկանում եք ընդգծել ձեր կրծքերը, այս դեկոլտեն այն է, ինչ դուք փնտրում եք: Կաթիլը տեսողականորեն մեծացնում է կրծքավանդակը, մի փոքր նեղացնում է ուսերը, թեև կարճացնում է պարանոցը: Հաշվի առեք սա, երբ ընտրում եք այս տեսակի բացվածքով հանդերձանքներ: Եթե ​​արդեն ունեք կարճ պարանոց, խորհուրդ ենք տալիս ընտրել այլ, ավելի հարմար դեկոլտեներ:

Շրջանաձև

Այս տեսակի դեկոլտեն իդեալական է երկար պարանոցով, կոկիկ ուսերով և փոքր կրծքերով աղջիկների համար: Կլոր պարանոցն ընդգծում է մարմնի վերին մասի փխրունությունը `ավելի մեղմ, կանացի տեսք հաղորդելով:

Ասիմետրիկ

Հիանալի միջոց է ուրվագիծը տեսողականորեն ձգելու և լայն ուսերը ավելի կոկիկ դարձնելու համար: Նման դեկոլտեի օգնությամբ, դուք մի փոքր ավելի բարձր ու բարակ կերևաք, և ձեր կազմվածքն ավելի ներդաշնակ կլինի:

 

 

---