Այս անգամ մենք առանձնացրել ենք մի քանի սերիալ կանանց մասին, կանայք, որոնք, թվում է, թե խոցելի են, բայց ունեն ամուր կամք ու չեն վախենում դժվարություններից: Հաստատակամ են ու ինչու ոչ՝ օրինակելի:

Little Fires Everywhere/И повсюду тлеют пожары

Դերերում՝ Ռիզ Ուիզերսպուն, Քերի Վաշինգթոն, Ջոշուա Ջեքսոն

Ռեժիսոր՝ Լին Շելթոն

Ժանր՝ դրամա

Տևողությունը՝43 րոպե

Սերիաների քանակը՝ 8

Երկիր՝ ԱՄՆ

hulu

Մինի սերիալը ստեղծվել է ժամանակակից գրող Սելեսթա Քինգի վեպի մոտիվներով, որը 2017 թվականին դասվել է բեսթսելերների ցանկին: Իսկ սյուժեն երկու կանանց մասին է, որոնք ապրում են նույն փոքրիկ քաղաքում, բայց բոլորովին տարբեր պայմաններում: Մեկը ապահովված է, ունի շքեղ տուն, վայելում է կյանքը, բայց կարծես վանդակի մեջ լինի, իսկ երկրորդն ապրում է ավելի համեստ պայմաններում, բայց ազատ է…

Այս երկու տարբեր կանանց միավորում և ձգում է բնավորությունների և նախասիրությունների տարբերությունները և մայրությունը…

Սերիալը կարող եք դիտել այստեղ:

2.Russian doll/Жизни матрешки

Դերերում՝ Նատաշա Լիոն, Գրետա Լի

Ռեժիսոր՝ Լեսլի Հեդլեդ

Ժանր՝ կատակերգություն, ֆանտաստիկա

Տևողությունը՝ 30 րոպե

Սերիաների քանակը՝ 16

Երկիր՝ ԱՄՆ

Netflix

Նադիան ապրում է Նյու Յորքում: Խմում է, ծխում է, հայհոյում է, կայուն հարաբերություններ չունի ոչ ոքի հետ: Մի քանի ընկերուհիներ ունի, որոնք իրենից էլ ավելի տարօրինակ են: Մի խոսքով բարդ կերպար է Նադիան:

36 ամյակին դժբախտ պատահարից մահանում է, սակայն մեկ վայրկյան անց նորից հայտնվում է ընկերուհու տան լոգարանում: Այսպես բազում անգամներ մահանում է ու նորից հայտնվում նույն կետում:

Ինչի՞ համար է այս ամենը, ի՞նչ է ուզում նրան ասել տիեզերքը: Ինչպե՞ս դուրս գալ այս իրավիճակից: Կա՞ մեկը, որ կհասկանա իրեն, կհավատա, կօգնի: Ի՞նչ ուրվականներ են տանջում նրան անցյալից:

Այս սերիալի խճճված սյուժեն մտածել կտա կյանքի արժեքի, սիրո, անցյալում չփակված դռների ու դրանք անպայման փակելու անհրաժեշտության մասին: Netflix հեռուստաընկերությունը հայտարարել է, որ սերիալը կերկարաձգի ևս մեկ եթերաշրջանով: Այնպես որ շտապեք դիտել առաջինը՝ սպասելով գլխապտույտ իրադարձությունների շարունակությանը:

Սերիալը կարող եք դիտել այստեղ:

3.Why Women Kill…/Почему женщины убивают

Դերերում՝ Լյուսի Լյու, Ջենիֆեր Գուդվին, Քիրբի Հաուել-Բապտիստ և Ալեքսանդրա Դադարիո

Ռեժիսոր՝ Դեյվիդ Գրոսման

Ժանր՝ դրամա

Տևողությունը՝ 50 րոպե

Սերիաների քանակը՝ 10

Երկիր՝ ԱՄՆ

Գոյություն ունի սերիալների շարք, որը ցանկացած կին պետք է նայի: Այդ սերիալների դասին են պատկանում  «Հուսահատ տնային տնտեսուհիները», «Սեքսը մեծ քաղաքում» և այլն:

Այս երկու թիվի շոուների մասին բավականին խոսվել է ժամանակին և իհարկե, սիրվել  կանանց կողմից:

2019 թվականին «Հուսահատ տնային տնտեսուհիներ»-ի («Desperate Housewives») ստեղծագործական կազմը  հեռուստադիտողին է ներկայացրել իրենց նոր նախագիծը, որը կոչվում է «Ինչու են կանայք սպանում» «Why Women Kill»…

Համարձակ սերիալի մասին արդեն որոշակի պատկերացում ստեղծող այս վերնագիրը գրավել է շատ կանանց, քանի որ յուրաքանչյուր կին ժամանակ առ ժամանակ մտածում է այս թեմայի շուրջ:

Սա բավականին յուրօրինակ սև կատակերգություն է, որը պատմում է 3 բոլորովին տարբեր կանանց մասին: Տարբեր սյուժետային գծերով, բայց ընդհանուր թեմայով` այս սերիալի գործողությունները տեղի են ունենում տարբեր ժամանակաշրջաններում, միևնույն տանը, նույն խնդրի հետևանքով առաջացած 3 զոհով:

Կանացից  յուրաքանչյուրն իր սերնդի ներկայացուցիչն է: Հիմնական հերոսները հիանալի գիտեն, թե ինչ են ուզում կյանքից, բայց դրան հասնում են տարբեր ձևերով:

Նրանցից մեկը 60-ականներից մի տնային տնտեսուհի է: Նա շատ երազկոտ է, նվիրված ամուսնուն ու կենցաղին: Հերոսուհին հույս չունի կյանքի լուրջ փոփոխությունների, ուստի փորձում է ընտելանալ ստեղծված իրավիճակին և ամեն կերպ ջանում է գոհացնել ամուսնուն, բայց գործողությունները այնպես են դասավորվում, որ նա ստիպված է լինում դիմել արդեն  իսկ վերնագրից կանխորոշող քայլերի…

 

 

---