Գրող, արվեստի պատմաբան Տիգրան Գրիգորյանը VNews Culture-ի հետ կիսվել է իր սիրելի գրքերի և ֆիլմերի հնգյակներով «5ֆիլմ+5գիրք» շարքի շրջանակներում:
1․ Կարամազով եղբայրներ/Братья Карамазовы/
Ռուս գրող Ֆեոդոր Դոստոևսկու վերջին վեպը, գրվել է երկու տարում՝ 1879-80 թթ. ընթացքում։ Տպագրվել է մաս-մաս Ռուսական պարբերական ամսագրում։ Դոստոևսկին պատկերացնում էր այս գործը, որպես «Մեծ մեղավորի պատմությունը» վիպաշարի առաջին մաս, սակայն չհաջողվեց նրան ավարտին հասցնել այդ մտահղացումը։ Վեպում հեղինակը քննության է առնում փիլիսոփայական հարցեր Աստծո, ազատության և խղճի մասին։ Այն համարվում է համաշխարհային գրականության մեծագույն նվաճումներից մեկը։
2․ Դոկտոր Ժիվագո/Доктор Живаго/
հեղ.՝ Բորիս Պաստեռնակ
թարգմանություն՝ Սուրեն Խաչատրյանի
3․ Մեր հոգսերի ձմեռը/The Winter Of Our Discontent/
4․ Կեցության անտանելի թեթևությունը/The Unbearable Lightness of Being/
թարգմանություն՝ Շուշանիկ Թամրազյանի
Հեղինակը ազգությամբ չեխ գրող, հրապարակախոս՝ Միլան Կունդերան է: Վեպը գրվել է 1982 թ․-ին և այն ներկայացնում է 20-րդ դարի երկրորդ կեսին Արևելյան Եվրոպայում տեղի ունեցող իրադարձությունները, մասնավորապես, ԽՍՀՄ զորքերի մուտքը Չեխոսլովակիա և չեխ ժողովրդի արձագանքն այս իրադարձություններին։ Վեպում մեծ ուշադրություն է դարձվում անհատի և հասարակության միջև եղած բարոյագիտական ողջ հակասություններին՝ այն հասցնելով իրական ողբերգության: Խորհրդային զորքերի մուտքը Չեխոսլովակիա և հասարակության արձագանքը այդ դեպքերին հեղինակը հրաշալիորեն ներկայացնում է մեկ անհատի միջոցով: Վեպը հագեցած է հերոսների կյանքն արտահայտող ինտիմ մանրամասներով, որտեղ բնութագրում է կեցության անտանելի թեթևությունը։
5․ Մադամ Բովարի/Madame Bovary/
Վեպը պատմում է Էմմա Բովարիի մասին, որն ամունական կյաքում դժբախտ էր։ Նա այլևս չէր սիրում Շառլ Բովարիին, որն ի դեպ, պաշտում և աստվածացնում էր կնոջը, մինչդեռ Էմման սեր էր փնտրում ամենուր: Այս ընտանիքի դրամատիկ տեղապտույտն իվերջո լուծվում է Էմմայի ողբերգական մահվամբ։
Երբ Ֆլոբերն ավարտեց այս վեպը՝ կինը մոտենալով սենյակին տեսավ նրան գլխակորույս հեծեծանքերի մեջ։ Գրողը գլուխն ափերի մեջ առած գոռում էր ․ «Հասկանո՜ւմ ես՝ Էմման ինքնասպան եղավ» ․․․
Իսկ Տիգրանի 5 ամենասիրելի ֆիլմերը հետևյալն են…