![коллаж 2 - 5 գիրք Զանգակից [2019-ին լույս տեսած]](https://www.vnews.am/uploads/uploads/2019/07/%D0%BD%D0%BE%D0%B2%D1%8B%D0%B9-%D0%BA%D0%BE%D0%BB%D0%BB%D0%B0%D0%B6-2.jpg "5 գիրք Զանգակից [2019-ին լույս տեսած]")
Լավ ու որակյալ գրականություն լավ ու որակյալ թարգմանությամբ:
Ահա այս տարի Զանգակ հրատարակչության տպագրած գրքերից 5-ը: Կարդացեք, նվիրեք ու սիրեք.
1. Այսպիսին է Վան Գոգը
Հեղինակ` Ջորջ Ռոդըմ
Թարգմանությունն անգլերենից` Լուսինե Հայրապետյանի
Նկարազարդումները` Սլավա Հարասիմովիչի
![978 9939 68 627 1 b - 5 գիրք Զանգակից [2019-ին լույս տեսած]](https://www.vnews.am/uploads/uploads/2019/07/978-9939-68-627-1-b.png "5 գիրք Զանգակից [2019-ին լույս տեսած]")
Վինսենթ վան Գոգը գեղանկարչության պատմության թերևս ամենաողբերգական կերպարներից է, որը դարձել է կյանքի օրոք չհասկացված արվեստագետի խորհրդանիշ: Արվեստի գործեր վաճառող նախկին գործակալն ու ձախողված հոգևորականը բավականին հասուն տարիքում՝ քսանյոթ տարեկանում, առաջին անգամ սկսում է լրջորեն զբաղվել նկարչությամբ:
Հաջորդող տասնամյակի ընթացքում խելահեղ արագությամբ՝ միջինը շաբաթական երկու կտավ, անդուլ աշխատանքով ու ոճային կտրուկ անցումներով ստեղծվում են ապշեցուցիչ գործեր, որոնք, սակայն, չեն նկատվում կամ մերժվում են ժամանակի արվեստասերների կողմից և սկսում կամաց-կամաց գնահատվել միայն նկարչի մահվանից հետո:
Գիրքը փորձում է բացահայտել աշխարհահռչակ նկարչի ստեղծագործական ուղու նոր մանրամասներ՝ ներկայացնելով նրա խոհերն ու ապրումները, զգացմունքային մեծ լարումով ստեղծված անկրկնելի կտավները:
Գրքում Վան Գոգի կյանքի ու ստեղծագործության ճանապարհը ներկայացվում է մասնագիտական խոր վերլուծությամբ:
տես՝
Զանգակի 2018-ի 10 բեսթսելլերները [մանկապատանեկան գրականություն]
2. Գերբնական գազաններ
Հեղինակ` Ջ. Ք. Ռոուլինգ
Թարգմանությունն անգլերենից` Ալվարդ Ջիվանյանի
Նկարազարդումները` Տոմիսլավ Տոմիչիի
![978 9939 68 678 3B - 5 գիրք Զանգակից [2019-ին լույս տեսած]](https://www.vnews.am/uploads/uploads/2019/07/978-9939-68-678-3B.png "5 գիրք Զանգակից [2019-ին լույս տեսած]")
Այս ուշագրավ հատորյակը ստեղծվել է «հեղինակի»` Նյութ Սքամանդերի ուղևորությունների և տարիների հետազոտությունների արդյունքում: Գրքում նկարագրվում են ութսունհինգ արարածների սննդակարգը, բազմացումը և անհրաժեշտության դեպքում նրանցից պաշտպանվելու հնարավոր եղա նակները:
Գերբնական գազանները բոլորն էլ ներկա են հարրիփոթերյան շարքի վեպերում կա՛մ որպես լիարժեք կերպարներ, ինչ պես, օրինակ, էլֆերն ու վիշապները, կա՛մ սոսկ որպես ուսումնական նյութ, ինչպես փիքսիները:
Զանգակի 2018-ի 10 բեսթսելլերները [գեղարվեստական գրականություն]
3. Զակո. Խակ պտուղ
Պատմությունը և պատկերապատումները` Տիգրան Մանգասարյանի
![978 9939 68 687 5b - 5 գիրք Զանգակից [2019-ին լույս տեսած]](https://www.vnews.am/uploads/uploads/2019/07/978-9939-68-687-5b.jpg "5 գիրք Զանգակից [2019-ին լույս տեսած]")
Պատկերապատումների ձևաչափով ներկայացված այս ինքնատիպ «հուշամատյանը» ստեղծվել է նկարիչ Սարգիս Մանգասարյանի հուշերի և նրա անցած ծանր ու արտասովոր ճանապարհի առավել հետաքրքրական դրվագների հիման վրա:
Պատումի վավերականությունը շեշտելու համար գրքում ներառվել են արխիվային նյութեր, լուսանկարներ, հատվածներ նամակներից և օրագրային գրառումներ: Այս նյութերի միջոցով գրքում վերստեղծվում է նկարչին ճակատագրով սահմանված ժամանակաշրջանի դաժան ու անմարդկային պատկերը: Ստալինյան բռնաճնշումներ, պատերազմ, գերություն, ստեղծագործելու խոչընդոտներ… Փորձություններ, որոնց դիմակայել կարող էր միայն ուժեղ անհատը, թեև շատ դեպքերում մարդու անհատականությունը և կամքը որևէ արժեք կամ նշանակություն չէին ունենում:
Իր հուշերի համար նկարիչն ընտրել է «Խակ պտուղ» վերնագիրը և ոչ մի այլ մեկնաբանություն չի ավելացրել: Մարդ, որն իր ամբողջ կյանքում սովոր էր օրագիր պահելու և ճշգրտորեն ու ճշտապահորեն գրելու ամեն ինչ, չի գտել ոչ մի բառ՝ «Խակ պտուղ» խորագրին ավելացնելու համար:
4. Հարյուրամյա ծերուկը, որ բարձրացավ պատուհանին և անհետացավ
Հեղինակ` Յունաս Յունասսոն
Թարգմանությունը` Արծվի Բախչինյանի, Աշխեն Բախչինյանի
![978 9939 68 277 8B - 5 գիրք Զանգակից [2019-ին լույս տեսած]](https://www.vnews.am/uploads/uploads/2019/07/978-9939-68-277-8B.png "5 գիրք Զանգակից [2019-ին լույս տեսած]")
Աշխույժ ոճով, ինքնատիպ հումորով, թրիլերի հնարքներով գրված այս վեպում հարյուրամյա մի շվեդի կյանքի ոդիսականով ներկայացվում են քսաներորդ դարի համաշխարհային պատմության կարևոր դրվագները, որով բացահայտվում են մեծ քաղաքականության և մարդկային հարաբերությունների բազմաթիվ կողմեր:
Այս վեպից կիմանաք, թե ով է ստեղծել ատոմային ռումբը և փրկել գեներալ Ֆրանկոյին, փլուզել Խորհրդային Միությունը և տեկիլա խմել ԱՄՆ նախագահի հետ, պատճառ դարձել, որ Վլադիվոստոկը դառնա փակ քաղաք, և փրկել Մաո Ծե Դունի կնոջը…
5. Մշակույթի փիլիսոփայություն
Ընտրությունը և առաջաբանը` Ռուբեն Անգալադյանի
![978 9939 68 684 4B - 5 գիրք Զանգակից [2019-ին լույս տեսած]](https://www.vnews.am/uploads/uploads/2019/07/978-9939-68-684-4B.png "5 գիրք Զանգակից [2019-ին լույս տեսած]")
Իսպանացի փիլիսոփա, ռացիովիտալիստական ուսմունքի հիմնադիր, մշակութաբան Խոսե Օրտեգա–ի–Գասեթի ստեղծագործությունները խոր հետք են թողել 20–րդ դարի համաշխարհային մտածողության վրա: Սույն ժողովածուն ընդգրկում է նրա հիմնական աշխատություններից մի քանիսը:
Մեջբերում․ Մենք հարկադրված ենք սեփական խնդիրները լուծել առանց անցյալի եռանդուն օգնության. բացարձակ ակտուալիզմով, լինեն դրանք արվեստի, գիտության թե քաղաքականության խնդիրներ: Եվրոպացին մնաց միայնակ, նրա կողքին չկան նրանք, ովքեր պատմության «գետի մեջ սուզվեցին»:
