Գ. Սունդուկյանի անվան ազգային ակադեմիական թատրոնի լրատվության և հասարակայնության հետ կապերի պատասխանատու Անի Ներսիսյանը խորուրդ է տալիս 5 ներկայացում, որ արժե դիտել Սունդուկյանի անվան թատրոնում:
Ջ.Բոկաչչո «Դեկամերոն» տխուր կատակերգություն
Բացօթյա այս ներկայացումը հանդիսատեսին շատ է հետաքրքրելու։ Սեր, խարդավանք, խնջույքներ և ժանտախտ. «Դեկամերոն» ներկայացման մեջ կարմիր գծով անցնում են երևույթներ,որոնք բնորոշ են մեր օրերին և մեր հոգեվիճակին։
Ս. Մովսեսյան «Ալադին» երաժշտական հեքիաթ
Ներկայացումը բոլորին հայտնի հեքիաթի բեմական տարբերակն է։ Կախարդանք,գույների հրավառություն, հանդիսանք և անսահման ուրախություն է խոստանում այս երաժշտական ներկայացումը։ Սա հեքիաթ է Ալադինի, կախարդական լամպի և նրա մասին, որ մեր բոլոր երազանքները կարող են իրականանալ։
Գ.Սունդուկյան «Պեպո» կատակերգություն
Ժամանակակից և նորովի մեկնությամբ «Պեպո» ներակայացումը բարձրացնում է խղճի և դատաստանի հարցը։ Արդարությունը պիտի հաղթի,որ յուրաքանչյուր մարդ այս աշխարհում պատասխան տա իր խղճի առաջ։
Ժ. Հարությունյան «Հարսնացու հյուսիսից» քնարական֊կատակերգություն
Բոլոր ժամանակների ամենասիրված քնարական կատակերգության մեջ ներկայացվում է երկու տարբեր մշակույթների, սովորույթների, աշխարհի ու բարոյականության մասին իրենց պատկերացումներն ու տեսակն ունեցող մարդկանց հանդիպումը: Նրանց հանկարծ միավորում է սերը, բարոյականությունը, պարզությունը՝ անկախ նրանից, թե ինչպիսի ժամանակներում են ապրում եւ ինչ է պահանջվում նրանցից։
Քեն Քիզիի «Թռիչք կկվի բնի վրայով» դրամա
Սա պատմություն է այն մասին, թե ինչպես է մարդ արարածը ընդվզում հիվանդ իրականության դեմ։ Զոհաբերելով ինքն իրեն՝ փորձում է հույս ներշնչել ապրելու բոլոր նրանց, ովքեր մոլորվել են և փորձում են փախուստի դիմել իրականությունից։