Իր սիրելի գրքերով և ֆիլմերով VNews-ի հետ կիսվել է գրող Էդգար Կոստանդյանը։
Արջը
հեղ. Ուիլյամ Ֆոլքներ
Ուիլյամ Ֆոլքները (1897-1962) 20-րդ դարի ամերիկյան մեծագույն գրողներից է: Նրա ստեղծագործությունների գործողությունները տեղի են ունենում Յոկնապատոֆիա մտացածին աշխարհում, որը պատկերում է իր ծննդավայրին բնորոշ բոլոր հատկություններով։ Մարդը «հակասության մեջ է իր հետ, իր ընկերոջ հետ, իր ժամանակի հետ, իր բնակության վայրի հետ, իր միջավայրի հետ», – սա Ֆոլքների ստեղծագործական հետազոտության հիմնական օբյեկտը: Պատմությունները, «Արջը» պատմվածքը և «Մոխիրի աղտոտողը» վեպը, որոնք ներառված են այս գրքում, նույնպես պատկանում են «Յոկնապատոֆիա սագա»-ին:
Կարող եք կարդալ նաև՝ 5գիրք + 5ֆիլմ. Արման Գասպարյան
Մի հայտարարված սպանության խրոնիկա
հեղ.՝ Գաբրիել Գարսիա Մարկես
Խրոնիկան վարում է հեղինակը, որ նաև սպանվածի՝ Սանտյագո Նասարի ընկերն էր։ Նա փորձում է վերականգնել հանցագործության բոլոր մանրամասները։ Այդ օրը Սանտյագո Նասարը սպիտակ հագուստով էր։ Գնում էր՝ դիմավորելու Հարության տոնի առթիվ շոգենավով գյուղ ժամանող եպիսկոպոսին։ Ամբողջ գյուղն արդեն նավամատույցում էր։
Ինչ-որ մեկը դռան տակից ծրարած թուղթ էր ներս գցել, որով Սանտյագո Նասարին հայտնում էր, թե նրան սպասում են, որ սպանեն։ Բայց այդ ծրարին ոչ ոք ուշադրություն չի դարձնում նույնիսկ հետաքննությունից երկար ժամանակ անց։ Գուցե սա պատահականություն էր։ Հետագայում քննիչը մի ամբողջ շարք պատահականությունների կծիկի է հանդիպում և չի կարողանում թաքցնել զարմանքը։
Նահանջ առանց երգի
հեղ.՝ Շահան Շահնուր
Վեպը Սփյուռքի արմատախիլ հայության պատմությունն է, Փարիզ ընկած «Արևելքցի տղոց»` պոլսահայ երիտասարդների ողբերգական կյանքի պատմությունը։ Շահնուրը միտումնավոր կերպով վեպի հերոսներ է դարձրել երիտասարդներին. նրանք հեշտությամբ կարող են նոր բարքերի զոհը դառնալ, նոր կյանքի հրապույրները, հետաքրքրությունները, «ազատ» կյանքը հիմնովին կարող են փոխել նրանց կյանքի ընթացքը, շեղել ազգային ավանդներից։ «Նահանջը առանց երգի» վեպը Սփյուռքի համանվագն է, ուր, ինչպես ասում էր Փոլատյանը, «…կան ծիծաղներ` արկածահար ու կիսակատար, երգիծանք՝ աչքերե արցունք ժայթքեցնող, սիրավեպ, պանդխտության ցավը վայելքի մեջ խեղդելու փորձ և դյուցազներգություն՝ ազգային ոգիի»։
Թատերական վեպ
հեղ.՝ Միխայիլ Բուլգակով
Միխայիլ Բուլգակովի անավարտ վեպն է։ Վեպը գրված է առաջին դեմքով՝ գրող Սերգեյ Լեոնտևիչ Մաքսուդովի անունից, այն պատմում է 1930-ականների ԽՍՀՄ թատերական կուլիսների և գրական աշխարհի մասին:
Մոսկվա-Պետուշկի
հեղ.՝ Վենեդիկտ Երոֆեև
Պոեմի քնարական հերոսը ինտելեկտուալ ալկոհոլիկ Վենյա (Վենիչկա) Էրոֆեևն է, որը գնացքով ուղևորվում է 126 կմ երկարությամբ երկաթուղային ճանապարհով Մոսկվայից դեպի Պետուշկի` իր սիրուհու և երեխայի մոտ: Ուղևորության նպատակը Պետուշկին է, որը պատմողը ներկայացնում է որպես ուտոպիական վայր…
