Իր սիրելի գրքերով և ֆիլմերով VNews-ի հետ կիսվել է Գրքամոլի համահիմնադիր Համլետ Մուրադյանը։
Ասկանիո
Հեղ.՝ Ալեքսանդր Դյումա
Թագավորի ֆավորիտուհի դքսուհի դ’Էտամպը սիրահարվում է հրաշագեղ Ասկանիոյին և հանուն նրա պատրաստ է անգամ դավաճանել Ֆրանսիային։ Բայց Ասկանիոն ամբողջ սրտով սիրահարված է գեղեցկուհի Կոլոմբային և չի էլ կասկածում, թե ինչ ինտրիգներ են պատրաստում արքունականները իր թիկունքի հետևում։ Այդ ժամանակ համարձակ Չելինին որոշում է պաշտպանել սիրահարներին։ Տաղանդավոր վարպետը հրաշալի տիրապետում էր սուսերին և դաշույնին։ Նա քաջ է, համարձակ, խելացի և ազնիվ, այդ պատճառով էլ չի ընկնում արքունական որոգայթների մեջ՝ հյուսված ստի ու զրպարտության վրա։
Երեք ընկեր
Հեղ.՝ Էրիխ Մարիա Ռեմարկ
Էրիխ Մարիա Ռեմարկի «Երեք ընկեր» ստեղծագործությունը պատերազմի հետքերն իրենց վրա կրող երիտասարդների մասին պատմություն է: Ռոբերտ Լոհքամփի, Օտտո Քյոսթերի և Գոթֆրիդ Լենցի ընկերությունը կոփվել է պատերազմի դաշտում: Կորցնելով շատ հարազատ մարդկանց, տեսնելով մահը, կյանքի համար պայքարը, ցավը, զգալով վախն իր գերագույն արտահայտությամբ՝ այս ընկերներն ամուր կառչած են իրարից, նրանց հիշողությունները, տառապանքներն և ճակատագրերը շատ նման են իրար:
Բոռ
Հեղ.՝ Էթել Լիլիան Վոյնիչ
Իտալական Ռիսորջիմենտոյի ընթացքում գրված գիրքը հիմնականում վերաբերում է հեղափոխության եւ հեղափոխականների մշակույթին: Արթուրը, որը կոչվում է Բոռ, մարմնավորում է ողբերգական ռոմանտիկ հերոսին, որը ծերանում է և վերադառնում է իր ճշմարիտ վիճակը հայտնաբերելու համար և պայքարում է ընթացիկ անարդարությունների դեմ: Իտալիայի լանդշաֆտը, մասնավորապես Ալպերը գրքի խիստ կենտրոնացումն է, որի պատկերները և տրամադրությունները տրամադրող տեսարանները հաճախակի փխրուն նկարագրություններ են:
Դեմիան
Հեղ.՝ Հերման Հեսսե
Էմիլ Զինքլերը մի երիտասարդ է, որը մեծացել է միջին խավի ընտանիքում: Էմիլի ողջ գոյությունը նման է երկու աշխարհների միջև պայքարի՝ պատրանքի աշխարհի (կապված հինդուիստական Մայա (պատրանք) գաղափարի հետ) և իրական՝ հոգևոր ճշմարտության աշխարհի: Պատմության ընթացքում ուղղորդվելով իր առեղծվածային դասընկերոջ՝ Մաքս Դեմիանի կողմից՝ նա հեռանում և ընդվզում է առերևույթ աշխարհի իդեալների դեմ, և ի վերջո հասնում է ինքնադրսևորմանն ու իր անձի կայացմանը
Ամերիկյան Ողբերգություն
Հեղ.՝ Թեոդոր Դրայզեր
Այս վեպը համարվում է 20-րդ դարի լավագույն արձակ ստեղծագործություններից մեկը։
Գլխավոր հերոսը՝ Քլայդը, ընկերների հետ մեքենայով մի աղջկա վրաերթի է ենթարկում։ Հետապնդումից խուսափելու համար նրանք փախչում են, սակայն ընկերներից մեկը՝ Սպարսերը բռնվում է: Հաջորդ օրը թերթերը հայտնում են վթարի մասին: Աղջիկը մահացել է, իսկ կալանավորված Սպարսերը տվել է իր ընկերների անունները: Խուսափելու համար ձերբակալումից՝ Քլայդը հենց նույն օրը ապրանքատար գնացքով հեռանում է քաղաքից…
