Գյումրու քաղաքապետարանի մշակույթի և երիտասարդության հարցերի բաժնի թանգարանների զարգացման համալիր ծրագրի շրջանակում հաջորդ կանգառը Ավետիք Իսահակյանի տուն-թանգարանն էր, որի ֆոնդը համալրվել է նոր և բացառիկ 7 ցուցանմուշով:
Ռեստավրացված հագուստները ներկայացվեցին ապրիլի 9-ին, Ավետիք Իսահակյանի տուն-թանգարանում:
«Տերյան» մշակութային կենտրոնի հետ համագործակցության արդյունքում ռեստավրացվել և թանգարանի ցուցասրահ են վերադարձել վարպետի կյանքի վերջին տարիների կոստյումը, մակինդոժը՝ ջրակայուն վերարկու, փողկապը, գլխարկը և Իսահակյանի մոր՝ Ալմաստի վարդ-թանթանան:
Այս նոր նմուշները ոչ միայն վարպետի կյանքի ու գործունեության մասին պատմող հարստություն են, այլև 19-րդ դարի վերջի և 20-րդ դարասկզբի հարուստ գյումրեցու ապրուստի ու կենցաղավարության լավագույն օրինակը:
Հետևեք մեզ նաև Instagram-ում, Twitter-ում և YouTube-ում