Hermitage Foundation UK կազմակերպությունը, որն աշխատում է Էրմիտաժի պետական թանգարանի հետ, ժամանակավորապես դադարեցրել է համագործակցությունը։
Այս մասին հայտնում է ТАСС-ը՝ հղում անելով հիմնադրամի հայտարարությանը։ «Մենք խորապես ցնցված ենք Ուկրաինայում տեղի ունեցող իրադարձություններով, անմիջապես դադարեցրել ենք մեր գործունեությունը և չեղարկել բոլոր ծրագրված միջոցառումները», - ասվում է հայտարարությունում:
Բրիտանական հիմնադրամը Էրմիտաժի հետ աշխատում է 2003 թվականից և իրականացնում է ծրագրեր՝ ուղղված «Մեծ Բրիտանիայի և Ռուսաստանի միջև մշակութային կամուրջների կառուցմանը»: Հիմնադրամը կազմակերպում է թանգարանի հավաքածուի ցուցադրություններ Մեծ Բրիտանիայում, ինչպես նաև թարգմանում է թանգարանի հավաքածուի կատալոգը անգլերեն։
Ավելի վաղ Պետական Էրմիտաժը խնդրել էր իտալական երկու թանգարաններին վերադարձնել 25 նկարներ: