Դերասան լինել` նշանակում է հայտնվել տարբեր «կերպարներում»։ Դերասանների համար դժվար է խաղալ այնպիսի մարդկանց դերեր, որոնց ամբողջ աշխարհն է ճանաչում: Հայտնի մարդկանց կերպարները վերստեղծելիս ինչպես դերասանները, այնպես էլ կինոռեժիսորները ստիպված են լինում տասնյակ մանրուքներ ուսումնասիրել:
Ներկայացնում ենք այն դերասաններին և այն դերերը, որոնց նմանությունը գրեթե կատարյալ է ստացվել:
1. Լեդի Գագան՝ Պատրիսիա Ռեջիանիի դերում / «The House of Gucci»
Կինոռեժիսորները տասնյակ մանրուքներ են ուսումնասիրել Պատրիսիայի արտաքինի ու վարքի վերաբերյալ։ Դերասանուհու արտաքինը հնարավորինս նմանեցնելու խնդիր կար, ուստի նրանք նույնիսկ նայել են, թե ինչպես է իրական Պատրիսիան խոսում, ինչպես է ներկում մազերը և ինչպես է ընդգծում շուրթերը։
2. Ադամ Դրայվերը՝ Մաուրիցիո Գուչիի դերում / «The House of Gucci»
Դերասանի և Մաուրիցիոյի նմանության հարցում մեծապես օգնել են ակնոցները և սանրվածքը: Gucci-ն կրել է նույն ակնոցը և ունեցել նույն սանրվածքից:
3. Քրիստեն Ստյուարտը՝ արքայադուստր Դիանայի դերում / «Spencer»
Ամբողջ թիմն աշխատել է դերասանուհու նմանության վրա։ Օպերատորները նկարահանել են որոշակի անկյան տակ, հատուկ լուսավորությամբ՝ նմանությունը հստակ ստանալու համար։ Կադրերից շատերում Քրիստենը նկարահանվում է թիկունքից. սա նաև օգնել է հասնել ցանկալի էֆեկտին: Կերպարի ստեղծմանը նպաստել են դիմահարդարներն ու ոճաբանները։ Օրինակ՝ դերասանուհին կրում է նույն հանդերձանքը, ինչ Դիանան կրել է կենդանության ժամանակ։
4. Ջեք Ֆարտինգը՝ արքայազն Չարլզի դերում / «Spencer»
Ջեք Ֆարտինգը բրիտանացի է, ինչպես արքայազն Չարլզը, դերասանը ծնվել է Լոնդոնում։ Հավանաբար, դա օգնեց նրան իրատեսորեն պատկերել իր կերպարը։ Ի դեպ, սա նրա առաջին կենսագրական դերը չէ։ Նախկինում նա մարմնավորել է Ջոն Լենոնին՝ մինի սերիալում։
5. Շիռլի Մաքլեյնը՝ Կոկո Շանելի դերում / «Coco Chanel»
Շիռլի Մաքլեյնը և Կոկո Շանելը «պայթուցիկ» և էքսցենտրիկ են: Սա միավորում է նրանց։ Ի դեպ, Շիռլին, պարզվում է, փոքր տարիքից եղել է Շանելի տաղանդի երկրպագու։ «Բայց ես չէի կարող ինձ թույլ տալ բրենդային ապրանքներ, ուստի կեղծն էի գնում», - ասել է դերասանուհին: Երբ 20-30 տարեկան էր, ամենուր Chanel էր կրում:
6. Լիլի Ջեյմսը՝ Պամելա Անդերսոնի դերում / «Pam & Tommy»
Ջեյմսը երկար ժամանակ ուսումնասիրել է Պամելային՝ հեռուստաշոուների և հարցազրույցների միջոցով, իսկ հետո ժամեր անցկացրել դիմահարդարման աթոռին նստած, երբ դիմահարդարները փորձում էին վերստեղծել Անդերսոնի դիմագծերը: Դերասանուհուն այնպես են դիմահարդարել, որ փոխվել են անգամ սեփական դիմագծերը։
7. Սեբաստիան Սթենը՝ Թոմի Լիի դերում / «Pam & Tommy»
Սթենի համար փոխակերպումը հիմնականում կապված էր բազմաթիվ դաջվածքների հետ: Համապատասխանելու և յուրաքանչյուր դաջվածքի չափը պարզելու համար նրանք նույնիսկ եռաչափ լուսանկարել են դերասանի մարմինը: Այնուհետև նկարները վերստեղծվել են, տպվել հատուկ թղթի վրա և քսել մարմնին։ Այս գործընթացը տևել է օրական մոտ 3 ժամ:
8. Թերոն Էջերթոնը՝ Էլթոն Ջոնի դերում / «Rocketman»
Փոխակերպման հարցում խնդիր էր դրված ոչ թե Էլթոնի կրկնօրինակը ստանալ, այլ շպարի օգնությամբ երաժշտի էությունը փոխանցել։ Թերոնը նույնիսկ կուրծքն ու ձեռքերն է ներկել, քանի որ շատ կոստյումներ կային, որոնցով երևում էին այդ հատվածները։
9. Ռոբերտ Դաունի-կրտսերը՝ Չարլի Չապլինի դերում / «Chaplin»
Դերասանի առջև դրված խնդիրը հեշտ չէր. դժվար էր ոչ միայն Չարլի Չապլինին նմանվել, այլև նրան մարմնավորել իր կյանքի տարբեր ժամանակահատվածներում։ Ի վերջո, ֆիլմը պատմում է Չապլինի կյանքի մասին՝ 19 տարեկանից մինչև 83 տարեկան։
10. Ուիլ Սմիթը՝ Մուհամեդ Ալիի դերում / «Ali»
Ուիլ Սմիթը սկզբում կասկածում էր, որ ունի այն ամենը, ինչ անհրաժեշտ է Մուհամեդ Ալիի կերպարը մարմնավորելու համար։ Դերասանի խոսքով՝ ինքը չի ցանկացել լինել այս պատմությունը «փչացնողը»: Բայց բռնցքամարտիկ Ալին և իր ընտանիքը անձամբ են խնդրել Սմիթին նկարահանվել։ Իսկ դերասանը վարպետորեն վերամարմնավորվել է Ալիին:
