Netflix-ը մասնակիցների է հավաքում ռեալիթի հեռուստաշոուի համար, որը ոգեշնչված է լինելու իր բոլոր ժամանակների ամենահայտնի սերիալով՝ «Squid Game»-ով:
Բնականաբար, այս շոուի խաղերի ընթացքում մարդու կյանքը վտանգված չէ, ինչպես պատկերված է հարավկորեական հակաուտոպիական հեռուստասերիալում:
Փոխարենը, 456 մասնակից ամբողջ աշխարհից կխաղա խաղեր, որտեղ «ամենավատ ճակատագիրը պարզապես դատարկաձեռն տուն վերադառնալն է»՝ բաց թողնելով 4,56 միլիոն դոլար ձեռք բերելու հնարավորությունը։
Մասնակիցները պետք է լինեն առնվազն 21 տարեկան։ Նրանք պետք է խոսեն անգլերեն և ազատ լինեն մինչև 4 շաբաթ՝ 2023 թվականի սկզբին նկարահանումներին մասնակցելու համար։ Հայտ պետք է ներկայացնել SquidGameCasting.com կայքում:
456 մասնակիցների քանակը համապատասխանում է սերիալի մասնակիցների քանակին, ինչպես հիշում ենք՝ գլխավոր հերոսը հենց Player 456 համարով էր մասնակցում խաղին։
Ի դեպ, Netflix-ը հաստատել է՝ հայտնի սերիալը կունենա երկրորդ եթերաշրջան։
: