Օրերս USS Midway ավիակրի վրա տեղի է ունեցել «Top Gun: Maverick» ֆիլմի պրեմիերան։ Տեղանքը հաշվի առնելով՝ ֆիլմի գլխավոր դերակատար Թոմ Քրուզն օգտվել է առիթից և միջոցառման վայր մեկնել ուղղաթիռով, որն անձամբ է կառավարել, գրում է Page Six-ը:
Նա վայրէջք է կատարել տախտակամածին և կոստյումով դուրս եկել հանդիսատեսի մոտ։
Քրուզը վաղուց է կարողանում ինքնաթիռ վարել, ուստի նրա համար դա սովորական բան էր: Ավելին, նա կարող է թռչել ոչ միայն ուղղաթիռով, այլև ռեակտիվ կործանիչներով։
Դերասանն անձամբ է աշխատել «Top Gun: Maverick» ֆիլմի նկարահանող խմբի հետ, որպեսզի նրանք ոչ միայն կարողանան կառավարել կործանիչները, այլ նաև խցիկում տեղադրված տեսախցիկները՝ գեղեցիկ կադրեր ստանալու համար։
Ֆիլմի ռեժիսորը Ջոզեֆ Կոսինսկին է:
