«Օսկար 2022»-ի հավակնորդների ցանկում է հայտնվել Սթիվեն Սփիլբերգի «West Side Story»-ն:
Բարձրտեխնոլոգիական VR «Ready Player One» ֆիլմից հետո մեծն Սթիվեն Սփիլբերգը նկարահանել է Ռոբերտ Ուայզի և Ջերոմ Ռոբինսի 1961 թվականի համանուն մյուզիքլի ռիմեյքը, որն, իր հերթին, հիմնված էր Բրոդվեյի հայտնի արտադրության վրա:
Պատմությունն անփոփոխ է. 1950-ականներ, Նյու Յորք, հակառակորդ ավազակախմբերից Թոնին և Մարիան սիրահարվում են միմյանց:
Սա Սփիլբերգի՝ մյուզիքլն էկրանավորելու առաջին փորձը չէ. 1961-ի տարբերակն արժանացել է 10 «Օսկար»-ի՝ առաջադրվելով 11 անվանակարգերում՝ լավագույն ֆիլմ, լավագույն ռեժիսոր և օպերատորական աշխատանք։ Սփիլբերգը դեռ 2014 թվականին ուներ West Side Story-ն կրկին նկարահանելու գաղափարը:
Ռիմեյքի սցենարիստն է Թոնի Քուշները, ով ռեժիսորի հետ աշխատել է «Munich» և «Lincoln» ֆիլմերի վրա:
Մյուզիքլ...
Քննադատները գովաբանում են հետպատերազմյան Նյու Յորքի ճշգրիտ վերստեղծումը: Հերոսներն ապրում են բազմաբնակարան շենքերում՝ Վեսթ Սայդում, անկարգությունների և ավերակների կողքին, որտեղ պետք է կառուցվի Լինքոլն կենտրոնը։
Ֆիլմը համարձակորեն և գրեթե հակասական կերպով արձագանքում է օրիգինալ մյուզիքլի մթնոլորտին:
Սթիվեն Սփիլբերգը և սցենարիստ Թոնի Քուշները հասկանում են, թե ինչու են 2021 թվականին հեռուստադիտողին տանում հետ՝ 1950-ականներ։ Ֆիլմը հիշեցնում է, թե ինչի կարող են հանգեցնել սոցիալական հակամարտությունները, որոնց բախվել է աշխարհը վերջին տարիներին։ «West Side Story»-ի հիմնական գաղափարն այն է, որ մի աշխարհում, որում կա ռասիզմ, ազգայնականություն, սոցիալական պառակտում, աղքատություն, և չկա հույս, սերն ու հանդուրժողականությունը պետք է գերակշռեն:
Փաստեր...
- Ֆիլմը նվիրված է Սթիվեն Սփիլբերգի հորը՝ Առնոլդ Սփիլբերգին. ինժեներ և Երկրորդ համաշխարհային պատերազմի վետերանը մահացել է 103 տարեկանում՝ 2020 թվականին, հենց այն տարում, երբ նախատեսվում էր ֆիլմի թողարկումը։
- Դերասան Մայք Ֆեյստը նիհարել է 15 կգ՝ ընդօրինակելով 1950-ականների երիտասարդական ավազակախմբերի անդամներին:
- Դերասաններ ընտրելիս Սթիվեն Սփիլբերգը պնդել է, որ իսպանախոս բոլոր կերպարներին մարմնավորեն իսպանախոս դերասանները: