Հայերենի բազմաթիվ և բազմիմաստ դարձվածքներից ներկայացնում ենք հերթականի՝ «Ականջը կանչի» արտահայտության բացատրությունը։
1. ասվում է, երբ մեկի անունն է տրվում, նրա մասին խոսվում
◆ Որտե՞ղ ես կնի՜կ, ակա՛նջդ կանչի, մի տես ի՞նչ տղա ունես, է՜
◆ Է՜յ գիտի Միրզա Մեհդի, ականջդ կանչե՝ թե որ ողջ ես։ Ա.Ի., «Համբերանքի»…
◆ Այ տղա, մի սոված մարդ էլա չկա՝ գա ուտի։ Ականջդ կանչի սովի տարիների։ Դ․Դ․, «Ճամփի տպավորություններ»
◆ Ո՞ր թագավորն էր, ականջը կանչի, միայն թե բարի էր շա՜տ այդ արքան, մանրամասնություն չե՛մ գիտեր այնքան։ Ռ․Ս․, «Ջարդի խենթը»
◆ Ականջը կանչի հանգուցյալ Սամի Մոլհի։ «Պեյրութի [Բեյրութի] համերաշխական ցանկ», «Զարթոնք»
◆ Համա դե անգաճը կանչածը լյավ մարթ էր։ «Ղաչախ Պատոյի հեքիաթը»
(հեգն․)
2. ասվում է մեկի հասցեին, որը լավ կամ վատ բան է արել․
◆ Լրացրի ուրախությանս կիսատ պարկը ու գաջի պարկը բմբուլի թեթևությամբ ութերորդ հարկ թռցրի (վերելակ սարքողների ականջը կանչի)
◆ Հապա պատմական վավջերաթուղթե՞րը՝ հայերեն, օտարներեն, ոի նույնիսկ թուրքերեն (ականջը կանչի Թալեաթին)։ «Զարթոնք»
◆ Այս կենդանու՝ մինչև այժմ հայտնված նշխարներից, ամենալավ կմախքը պահպանվում է Լոնդոնի Մրիտանական մուզեոնի մեջ։ Խոշոր կենդանիների ականջը կանչի: Մ․Ն․, «Կրիտիկա»…
◆ Ականջդ ձայն տա, «Նաիրիտ», և՛ թունավորում էիր, և դեռ վրան էլ կարմիր տասանոցներ բերում։ («Մուն»)