«Օսկար»-ի կրկնակի դափնեկիր Էնթոնի Հոփքինսը կհայտնվի Զաք Սնայդերի նոր գիտաֆանտաստիկ արկածային նախագծում՝ «Rebel Moon»-ում, հայտնում է Deadline-ը:
Իրադարձությունները ծավալվում են խաղաղ գաղութում՝ գալակտիկայի ծայրամասում, որին սպառնում են բռնակալ Բալիսարիուսի զորքերը: Խորհրդավոր աղջիկն իր տունը փրկելու նպատակով ուղևորվում է որոնելու ռազմիկների հարևան մոլորակներից:
Հոփքինսը կհնչյունավորի Ջիմիին՝ խելամիտ մարտական ռոբոտին, որը որոշ ժամանակ պաշտպանել է սպանված թագավորին։
«Rebel Moon»-ն առաջին գեղարվեստական ֆիլմն է, որը ստեղծվում է Զաք Սնայդերի, Դեբորա Սնայդերի և Ուեսլի Քոլլերի արտադրական ընկերության և Netflix-ի համագործակցությամբ։
Նկարահանումները սկսվել են 2022 թվականի ապրիլին։ Պրեմիերայի ստույգ ամսաթիվը դեռ չի նշվում։