Արքայադուստր Դիանան ողբերգաբար մահացավ 1997-ին, բայց մինչ օրս նա շարունակում է մնալ աշխարհում ամենաքննարկվող մարդկանցից մեկը: Ուշադրության կենտրոնում ոչ միայն տիկնոջ կենսագրությունն է, այլ նաև նրա ոճը, որի առանձնահատկությունները կարող են արդիական լինել անգամ այսօր: Մենք, ոգեշնչվելով Դիանայի լավագույն լուքերից, առանձնացրել ենք 5 բյութի-ժառանգությունը, որ թողեց ամենաոճային արքայադուստրը…
Մի քանի պրինտ…
Ցանկանու՞մ եք ձեր տեսքն ավելի հետաքրքիր դարձնել. հետևեք Լեդի Դիի օրինակին և միանգամից մի քանի պրինտ միքսեք: Դրանք կարող են լինել կամ նույնատիպ պատկերներ՝ տարբեր չափսերով, կամ բոլորովին տարբեր պրինտեր՝ նույն երանգի մեջ: Որպես հիմք ընտրեք չեզոք մի բան և մի տարվեք աքսեսուարներով. պետք չէ ծանրաբեռնել արդեն իսկ բարդ լուքը:
Վերնաշապիկը միշտ լավ միտք է
Հիանալի միջոց՝ ձմեռային լուքն ավելի տաք դարձնելու համար: Դասական վերնաշապիկ, լայն տաբատ և տաք բլուզ. այս կոնցեպտն անպակաս էր Լեդի Դիի զգեստապահարանից: Այսօր անհրաժեշտ չէ վերնաշապիկը կոկիկ տեղավորեպ տաբատի տակ. եթե ուզում եք, որ լուքն ավելի թեթև լինի, ապա վերնաշապիկի մի ծայրը կարող եք դուրս թողնել գոտու տակից: Նույնը կարող եք անել թևքերի հետ:
Սև ու սպիտակ
Եթե ձեր աշխատավայրում խիստ դրես-կոդ է գործում, ապա հետևեք Դիանայի օրինակին և սովորեք կրել սև և սպիտակ հագուստները՝ նորովի: Ընտրեք ավանդական սև կիսաշրջազգեստ կամ տաբատ, համադրեք այն նույն երանգի, տաք բլուզի հետ, իսկ, որպես վերջաբան, կրեք սպիտակ կոստյում/պիդջակ : Կոնտրաստի համար կարող եք խաղալ գործվածքերի հետ և ընտրել, օրինակ, կաշվե տաբատ:
Մանրուքները կարևոր են
Եթե սովոր չեք գունեղ հագուստ կրել կամ վախենում եք, որ ինչ-որ գույն ձեզ չի սազի, ապա աքսեսուարների օգնությամբ գույներ ավելացրեք: Ընտրեք չեզոք երանգներով հագուստ և խաղացեք աքսեսուարների գույների հետ: Օրինակ, Դիանան հաջողությամբ համադրում է կարմիր գոտին ու կոշիկները՝ կաթնագույն, չեզոք հագուստի հետ:
Կիսաշրջազգեստ և սվիտեր
Ժամադրության կամ պարզապես ընկերների հետ ընթրիքի համար՝ փափուկ, տաք սվիտերի և երկար, թեթև կիսաշրջազգեստի համադրությունը կատարյալ է: Դիանան իր սվիտերը չէր դնում գոտում տակ, փոխարենը, նմանօրինակ լուքերը նա նախընտրում էր ստեղծել մեկ երանգի մեջ: Մարմնի ուրվագիծը տեսողականորեն ձգելու համար կրեք բարձր պարանոցով, հաստ սվիտեր, թեթև ու երկար կիսաշրջազգեստ և լուքը եզրափակեք բարձրակրունկներով: