Այս արտակարգ դրության պայմաններում, երբ բոլորը տան են, բազմաթիվ կանայք իրենց բռնում են հիմնականում եփել-թափել-հավաքել եռաշերտ գործողություն վրա, որն ինչ խոսք հոգնեցնում է: Ընտանիքի անդամներին պետք է կերակրել, իսկ պայամաններից ելնելով՝ դուրս է գալիս, որ նրանք գրեթե միշտ քաղցած են, էլ չենք ասում, որ այս օրերին սառնարանի դիտողականությունը բոլորի խոհանոցներում գրանցում է ռեկորդային արդյունքներ…
Vnews-ը որոշել է օգնել կանանց «Բա էսօր ի՞նչ եփել» ցավագին հարցում և առաջարկել հեշտ և արագ ուտեստ:
Այսօր առաջարկում ենք պատրաստել ծաղկակաղամբ ջեռոցում:
Անհրաժեշտ բաղադրիչներ
- Մեկ միջին գլուխ ծաղկակաղամբ
- 200 գրամ թթվասեր
- 3 ձու
- 100 գրամ դեղին պանիր
- Ձեթ 1 ճաշի գդալ
- Աղ, սև պղպեղ
Պատրաստման Եղանակը
Ծաղկակաղամբը մանրացնել, վրան ավելացնել հարած ձուն, թթվասերը, ձեթն ու համեմունքները: Խառնել: Ստացված զանգվածը լցնել թավայի մեջ: Հարթեցնել և դեղին պանիրը քերել: Եփել ջեռոցում 150 աստիճանի տակ մոտ 30-40 րոպե: Մատուցելուց կարող եք վրան ավելացնել կարմիր կծու պղպեղ:
Կարդացեք նաև՝