Հանրահայտ “Pirelli” օրացույցի այս տարվա աստղերն են մոդելներ Ջիջի Հադիդը և Լետիցիա Կաստան, դերասանուհի Ջուլիա Գարները, բալետի պարողներ Միսթի Քոփլենդը, Քելվին Ռոյալ 3-րդը և Սերգեյ Պոլունինը, դիզայներ Ալեքսանդր Վենգը:
Նորաձևության ոլորտում արդեն հայտնի և սիրված Ալբերտ Ուոոթսոնն արել է հնարավորը և անհնարին, որ այս տարվա օրացույցն ամենաիրական կինոյի նման լինի. նա շեշտադրել է ժամանակակից կանանց կարևորությունը և ուժը: Նախորդ տարվա ապրիլին Նյու Յորքում բրիտանացի լուսանկարիչը կյանքի կոչեց նոր՝ “Dreaming” խորագրով օրացույցի գաղափարը:
«Ես ցանկանում էի անել այնպիսի մի բան, որը նախկինում ոչ մի լուսանկարիչ չի արել: Ես ցանկանում էի, որ այս աշխատանքս կինո հիշեցնի: Ես ցանկանում էի, որ մարդիկ նայելով օրացույցին, տեսնեն, որ իմ գերագույն նպատակը լուսանկարը մաքուր, պարզ տեսք ունենա, ուզում էի, որ դրա միջոցով ուսումնասիրենք կանանց, այսինքն՝ ստեղծեմ իրավիճակներ և այդ իրավիճակներում ցույց տամ ժամանակակից կանանց», – ասել է Ուոթսոնը:
Օրացույցի նպատակն էր ցույց տալ, որ կանայք ուժեղ են, և որ ցանկության դեպքում կարող են հասնել իրենց նպատակներին:
«Քոփլենդի հերոսուհին ապրուստի միջոց վաստակելու համար պարում է գիշերային ակումբում, բայց միևնույն ժամանակ իր տան բակում անընդմեջ պարապում է՝ հույս ունենալով, որ մի օր աստղ կդառնա և աշխարհը կլսի նրա մասին: Նրա ընկերոջը մարմնավորել է Քելվին Ռոյալ 3-րդը», – ասել է լուսանկարիչը:
Հադիդի հերոսուհին վերջերս է բաժանվել իր ընկերոջից և փորձում է համակերպվել իր միայնակ կյանքի հետ:
«Հադիդի հերոսուհու միջոցով ես փորձում էի նկարագրել մի կնոջ, որը ծանրութեթև է անում իր կյանքը, մտածում ապագայի մասին: Ուզում էի ցույց տալ նրան միայնության պրիզմայով: Մենք տեսնում ենք, թե ինչպես է նա մտածում վաղվա օրվա և ապագայի մասին»,- խոստովանել է լուսանկարիչը:
Իսկ Կաստան հանդես է գալիս նկարչուհի դերում, որն ապրում է իր ընկերոջ հետ և նրա կյանքը հագեցած է վառ գույներով: Ընկերոջը մարմնավորում է Սերգեյ Պոլունինը:
Ջիջի Հադիդ
Միսթի Քոփլենդ և Քելվին Ռոյալ 3-րդ
Լետիցիա Կաստա
Ջուլիա Գարներ
Լետիցիա Կաստա և Սերգեյ Պոլունին
Ջուլիա Գարներ
Ջուլիա Գարները լուսանկարում է մոդել Ասթրիդ Էյկային
